Sozitë e shkrimtarit Heminguej. Konkurs në 120-vjetorin e lindjes

Hera

Moderatorë
Staff member
Sozitë e shkrimtarit Heminguej. Konkurs në 120-vjetorin e lindjes





Në barin “Sloppy Joe’s”, në Key West, në Florida, çdo vit mbahet konkursi i sozive të Ernest Heminguejt.

Edhe këtë vit, që shënon 120 vjetorin e lindjes së autorit të, “Plaku dhe Deti” dhe kryeveprave të tjera, eventi ka tërhequr qindra persona. Mjekra të bardha, veshje peshkatarësh ose bluzë leshi gri, ashtu si Heminguej shfaqet në shumë prej portreteve të tij të famshme; pjesëmarrësit kanë ardhur nga e gjithë bota për të kaluar një ditë në një nga vendet më të dashura të shkrimtarit.
Ndërsa një juri e përbërë nga ish konkurrentë, ka shpallur fituesin; këtë vit, çmimi i parë i ka shkuar Jeo Maxey, 68 vjeç, ish bankier në Tenesi.
“Unë i adhuroj librat e tij, ishte një shkrimtar i madh dhe vetëm qenia pjesë e historisë së Heminguejit, është e pabesueshme’, – tha fituesi.
Festimet e ditëve të Heminguejt, këtë vit, koinciduan me atë që do të ishte ditëlindja e 120 e shkrimtarit.


Top Channel
 

NeVertiti

Kohe & Stine
Staff member
ZËRI I SHIUT

Po ti cili je? pyeta shiun që zbriste ëmbël,
Dhe, çudi të thuhet, m’u përgjigj, e përkthej si vijon:
jam Poema e Tokës, tha zëri i shiut,
përjetë ngrihem e pakuptueshme nga vendi e deti i
padepërtueshëm,
lart drejt qiellit, nga ku, në formë fluturake
ndryshuar tërësisht, por ende e njëjta,
zbres për të lag toka të thara skeletike,
shpërfaqjet e pafundme të pluhurit të botës,
dhe atë në to, që pa mua do të ish vetëm farë, latente,e palindur;
dhe përherë, ditë e natë, i kthej jetë, vetë origjinës sime,
e bëj të pastër, e qendis;
(Sepse kënga, e dalë nga vendi i saj i lindjes,
pas plotësimit, bredharake,
i intereson asaj ose jo,
kthehet në kohë me dashuri.)

Përktheu: Faslli Haliti
 
Top