Në Shqipëri “fitoi” vetëm Partia e Zhgënjimit

Në përfundim të procesit te votimit te 25 qershorit, përqindja totale e votuesve zyrtarisht arriti rreth 46%.

Në vitin 2013 pjesemarrja e votuesve shqiptare ne zgjedhje ishte 53.47 %.

Statistikisht, kjo e 25 qershorit rezulton pjesëmarrja më e ulët që nga 2001.

Qarku më i dobët ne rang repulike sipas te dhenave te KQZ ishte Vlora me 36.6% pjesëmarrje në votime.

Vlora është qarku ku kandidon edhe kryeministri Rama.

Per analistin Enver Robelli 25 qershori shpalosi qartë mosbesimin e thellë të shqiptarëve te klasa politike.

Në Shqipëri “fitoi” vetëm Partia e Zhgënjimit – shkruan Robelli.

Ai thekson se pas një çerekshekulli të betejave brutale për pushtet, të shoqëruara me krim e korrupsion, shqiptarët janë lodhur dhe po ia kthejnë shpinën politikës, por edhe vendit të tyre. Kjo është tragjike.

Zgjedhjet e 25 qershorit duhet të shërbejnë si thirrje për zgjim nga apatia.

Imazhi i Shqipërisë sot në botën perëndimore është i keq, si rrallëherë në historinë e saj bashkëkohore (me përjashtim të vitit të kobshëm 1997). Revista gjermane “Der Spiegel” në prag të zgjedhjeve shkroi se ato janë një test i pjekurisë në “Kolumbinë e Europës”: Gazeta “Frankfurter Allgemeine Zeitung” (FAZ) e përshkroi Shqipërinë si një vend pa alternativë politike.

“Tituj të tillë e dëmtojnë rëndë imazhin e Shqipërisë në botë dhe për këtë përgjegjësia bie mbi të dy partitë e mëdha, por edhe mbi grupimin parapolitik të oligarkut Ilir Meta, të cilin Edi Rama e bëri president për ta hequr qafe nga betejat e përditshme për pushtet dhe brenda pushtetit. Zgjedhjet e së dielës në Shqipëri i “fitoi” vetëm Partia e Zhgënjimit. Shqiptarët “votuan” për këtë “parti”, sepse nuk po shohin dritë në fund të tunelit” – shkruan Robelli nder te tjera.

Per ate dhe shume vezhgues te ftohte te jetes politike ne vend, zgjedhjet e së dielës shpalosën mosbesimin e thellë të shumë shqiptarëve ndaj klasës politike.



Të dhënat zyrtare të pjesëmarrjes në votime për 12 qarqet

Berati 47.77% (në vitin 2013, 53.51%)

Dibër 54.9% ( në vitin 2013 59.75%)

Durrës 40.77% (në vitin 2013 50.13%)

Elbasan 44.49% (në vitin 2013 54.76%)

Fier 44.87% (në vitin 2013 54.94%)

Gjirokastër 46.5% (në vitin 2013 49.34%)

Korçë 48.65% (në vitin 2013, 54.28%)

Kukës 53.38% (në vitin 2013, 61.55%)

Lezhë 44.7% (në vitin 2013, 51.36%)

Shkodër 42.3% (në vitin 2013, 49.33%)

Tiranë 49.14% (në vitin 2013, 58.29%)

Vlorë 36.6% (në vitin 2013, 41.91%)

Përqindja totale 45.17% (në vitin 2013, 53.47%)

Dita
 
Top