Milani i Seedorf e nis mirë, fiton ndaj Veronas

cent

Banned
Klarens Sedorf debutonte në stol për Milanin dhe trajneri kuqezi që në ndeshjen e tij të parë kërkonte të merrte fitoren jo më kot propozoi një skuadër sulmuese me Balotellin përpara, të mbështetur nga Kaka, Robinho e Honda, që luante sfidën e tij të parë si titullar.

Fillimi ishte i mirë për Milanin që kishte shumë dëshirë, të paktën deri në momentin kur Verona u organizua duke ia bërë jetën e vështirë kuqezinjve. Kaka dhe Balotelli patën rastet më të mira për vendasit po u ndalën nga ana e Rafael që u tregua i saktë. Ndërkohë që Montolivo në minutën e 45-të provoi dhe një silur nga distanca, i cili përfundoi ngjitur me shtyllën.

Në pjesën e dytë, Verona tregoi se pse gjendet në zonat e larta të renditjes duke vënë në vështirësi Milanin. Katër lojtarët ofensivë të Milanit përfunduan shpesh duke shkelur këmbët e njëri-tjetrit në vend që të krijonin hapësirat e nevojshme për golin. Dhe kur Robinho provoi goditjen në të 68-tën topi u përplas në shtyllë. Megjithatë në minutën e 82-të, Gonzalez do t’i bënte një dhuratë Milanit, pasi do të rrëzonte në zonë Kakan, që me shumë gjasa do të përfundonte me gjithë top në fundore. Nga pika e bardhë Balotelli nuk gaboi duke shënuar dhe golin e parë të epokës Sedorf, atë që vlen fitoren dhe ndoshta dhe kthesën në sezonin kuqezi.
/S.Sport
 

MasteR

I'm offline
Titulli: Milani i Seedorf e nis mirë, fiton ndaj Veronas

Ec aty forca milan
 
Top