Mësymja greke në rajon, 60 mijë biznese drejt Shqipërisë, Bullgarisë e Qipros

NeVertiti

Kohe & Stine
Staff member
Mësymja greke në rajon, 60 mijë biznese drejt Shqipërisë, Bullgarisë e Qipros.


Kriza e thellë ekonomike dhe taksat e rënda po detyrojnë bizneset greke, që të shpërndahen në vendet fqinje.

Dhoma kombëtare e Tregtisë në Greqi njoftoi se, 60 mijë biznese të vogla dhe të mesme greke kanë bërë kërkesë për t’u shpërngulur në vendet e rajonit, veçanërisht në Shqipëri, Bullgari dhe Qipro, për shkak të vështirësive të mëdha që po hasin në vendin e tyre.

Gazeta e njohur “Kathimerini” citon presidentin e kësaj dhome, Vasili Korkidis, të shprehet se biznesi në Greqi është mbitaksuar për një kohë të gjatë dhe tashmë i ka ardhur fundi durimit. Sipas të dhënave zyrtare, nga organizata më e madhe e biznesit në Greqi, aktualisht 60 mijë ndërmarrje greke të madhësive të ndryshme kanë hapur NIPT-e në vendet fqinje.

Sipas Dhomës së Tregtisë, këto NIPT-e nuk janë aktivizuar ende, por hapja e tyre tregon se bizneset greke po bëjnë përgatitje për t’u shpërngulur në vendet fqinje, ku taksat janë më të ulëta dhe nuk ka kontrolle mbi kapitalin.

Në 6 vitet e fundit, kriza ka falimentuar mbi 50 mijë biznese në Greqi. Sipas parashikimeve të Dhomës së Tregtisë, në 2016-n vlerësohet se mund të falimentojnë edhe 63 mijë të tjera, për shkak se kontrollet mbi kapitalin, që qeveria vuri verën e këtij viti, kanë thelluar krizën e likuiditetit.

Shumica e ndërmarrjeve përballen me vonesa në pagesa dhe pamundësi financiare. Nga ana tjetër, 7 vite krizë kanë çuar në një rënie të thellë të konsumit, i cila vlerësohet gati 42 për qind, duke rrudhur të ardhurat e bizneseve, veçanërisht atyre të vogla e të mesme.

Mësymja e bizneseve greke në rajon mund të jetë një mundësi e mirë për ekonomitë fqinje, përfshirë Shqipërinë, për të përfituar kapital dhe investime të reja, të cilat krijojnë vende pune dhe gjenerojnë prodhim në ekonomi.

Të dhënat tregojnë se, deri më tani, përfituesja kryesore nga eksodi i kapitalit grek ka qenë Bullgaria, ku prej vitit 2009 janë shpërngulur mbi 10 mijë biznese greke, të cilat kanë investuar në total mbi 4.5 miliardë euro në ekonominë bullgare.

Mediat në Athinë i bënë jehonë javë më parë, lajmit që qeveria shqiptare do të hiqte taksën për biznesin e vogël nisur nga janari i 2016-s dhe - sipas tyre, - shumë biznese greke mund të transferohen në Shqipëri.

/ Top Channel
 

Aver

VIP
Titulli: Mësymja greke në rajon, 60 mijë biznese drejt Shqipërisë, Bullgarisë e Qipro

Mundesi e arte per Shqiperine, nese di ta shfrytezoj.

Ndersa Greqise po i shkruhet zi e me zi.
 
Titulli: Mësymja greke në rajon, 60 mijë biznese drejt Shqipërisë, Bullgarisë e Qipro

Te vinte ndonje biznesmen nga Hollanda,Gjermania etj edhe ja vlente por Greku per buke e djathe biznese. Gjithsesi eshte nje mundesi e mire per te dyja,si per Shqipetaret dhe pronaret biznesmene!
 

kitrra 123

plak gjufurrak
Titulli: Mësymja greke në rajon, 60 mijë biznese drejt Shqipërisë, Bullgarisë e Qipro

Po cfare biznesi be greku mo? Ata falimentuan vendin e tyre ne presim me pa drite.
 

Aver

VIP
Titulli: Mësymja greke në rajon, 60 mijë biznese drejt Shqipërisë, Bullgarisë e Qipro

Mos e nenvleresoni fuqine e sektorit privat grek, pavaresisht krizes ekonomike te Greqise.

Ne Bullgari bizneset private greke i kane investu me shume se 5 miliarde euro ne 6 vitet e fundit.
 
Top