Horoskopi Mujor.

Jetmira

🎧🎵💙
Peshqit, parashikimi i muajit Mars 2018
Ky është muaji juaj duke e ditur se shumë prej jush kanë ditëlindjen këtë muaj dhe nga pikëpamja astrologjike ky është fundviti sepse jemi në periudhën e shenjës së fundit të horoskopit e cila shënon fundin e kalendarit astrologjik. Ato gjëra që njerëzit pretendojnë të përfundojnë apo të ndjejnë në muain Dhjetor, energjikisht ndjehen tani. Megjithatë, që të mos zgjatem shumë; ky është muaj jashtëzakonisht shumë i fuqishëm për ju. Energjia e muajit për ju në përgjithësi është shumë e ekuilibruar, ose më saktë, edhe pse ka shumë polaritete apo ekstreme, ju do tregoni aftësinë për t’i peshuar mirë gjërat, për të vepruar me mençurinë dhe pjekurinë për të cilën njiheni shumë. Ka mundësi që të bëni udhëtime, ose t’i keni bërë që në fund të Shkurtit dhe tani po jetoni një periudhë me mendjen shumë më të hapur se një muaj më parë. Marsi do ju ndihmojë që të kapërceni shumë dhimbje, edheatë të humbjes së dikujt, atë të një ndarjeje etj. Uluni pak dhe relaksohuni me veten. Këtë muaj do e keni më të lehtë që ta identifikoni veten me një grup të caktuar. Ndoshta filloni një punë të re, ose nëse pozicioni juaj ka qënë i paqartë, do fillojë të qartësohet, po nga java e tretë e muajit. Ky është një nga muajt më të rëndësishëm të 2018 për ju, në mos më i rëndësishmi apo më i fuqishmi. Pra do ndjeheni shumë rehat. Duhet të bëni një ndryshim këtë muaj, duhet t’i jepni fund diçkaje dhe ta pranoni se ka ardhur fundi i një gjëje të caktuar.. Për ata prej jush që kanë kuptuar se kanë qënë pjesë e një lidhjeje e cila ka qënë të paktën emocionalisht, abuzuese apo e mundimshme, tani do i japin fund.

Në javën e parë të muajit mund t’ju duket se përjetoni një tradhëti apo viheni në një situatë ku duhet t’i thoni vetes se duhet të zgjidhni se kë krah të mbroni por në mendjen tuaj do ketë shumë paqartësi, duke patur parasysh se dhe Neptuni ndodhet në shenjën tuaj (planet i mjegullimit të qartësisë mendore) Kjo është periudhë që në përgjithësi ka shumë paqartësi për shkak se Dielli ndodhet në shenjën tuaj dhe energjia e Peshqëve në qiell nuk është pikërisht energjia më fizike apo më e qartë e mundshme, madje përkundrazi. Gjatë kësaj periudhe duhet të përpiqeni që të pranoni atë ekspeirencë që po ju ndodh dhe të mos kërkoni për një përgjigje apo për një qartësi. Cfarë mund të bëni javën e parë? Ndoshta masazh, vrapim, meditim, të provoni të konsumoni gjëra që ju ndihmojnë të detoksifioheni apo të çliroheni prej toksinave. Pra është periudhë për të vlerësuar dhe u kënaqur me të tashmen tuaj, jo për të bërë plane sepse ka shumë mjegull tani. Mjafton edhe thjesht të dëgjoni lajme të sinqerta të nejrëzve të tjerë, kjo do ju relaksojë dhe do i qetësojë ato energjitë tuaja të paqëndrueshme gjatë kësaj periudhe. Mos prisni që të merrni përgjigje të qartë mbi një çeshtje, për shembull nëse dikush është treguar vërtetë i sinqertë me ju apo jo. Mund të mos jetë periudhë e mirë për tu marrë me hetim tani, dhe mos akuzoni shumë, mos mendoni se e kuptoni situatën dhe mund të ngrini gishtin, sepse nuk mendoj se mundeni tani. Mund të ndjeheni të tradhëtuar por edhe pse në fakt kjo nuk mund të jetë realisht situata. Pra në javën e parë, mos provoni t’i rregulloni të gjitha problemet tuaja menjëherë.

Në javën e dytë të muajit do doni që të hetoni, prap dëshira për të gërmuar dhe për të zbuluar të vërtetën është shumë e madhe. Ka mundësi që dikush të përfitojë prej jush, të thithë shumë energji dhe të ndjeni shumë paqartësi. Univesi j’ua bën këtë që ta kuptoni ose të mësoni se nuk duhet të lodheni aq shumë që të zbuloni gjëra, që të shikoni përtej asaj që dikush ju shpreh. Ndoshta njerëzit nuk kanë aq shumë qëllime të fshehura. Nga ana shpirtërore do rriteni shumë, intuita juaj do jetë maksimalisht e zhvilluar dhe ka mundësi që në këtë periudhë t’ju hapet një derë e re në mendjen tuaj apo në botëkuptimin tuaj, por mos harroni se ky është vetëm fillimi, nuk është se bëheni mjeshtër.

Në javën e tretë të muajit mund të doni të zmbrapseni, mund të ndjeheni të bllokuar. ثshtë periudha kur ndodh ekuinoksi i pranverës dhe fillon periudha e Dashit, që për ju është shumë energji e mirë financiare, ndërsa nga ana e brendshme është perudhë shumë e rëndësishme që të dalloni njerëzit që po abuzojnë me energjinë tuaj dhe që marrin shumë më shumë seç ju japin. Mos qëndroni pranë njerëzve që ju thithin energjinë por rrini pranë njerëzve që janë më të ngjashëm me ju. Mos u izoloni shumë javën e tretë të muajit, se tendenca e kësaj jave kështu duket të jetë për ju, por mos harroni që kur zmbrapsemi pak nga bota, këtë duhet ta bëjmë me një qëllim, që të kuptojmë më shumë, veten dhe të tjerët.

Në javën e katërt të muajit ka prap energji të tipit reflektues apo pushues. Mos vozisni kundër rrymës Vlerësojeni veten dhe pëlqejeni veten tuaj. Sigurisht që keni bërë gabime (ndaj vetes gjithashtu) në të shkuarën, por kjo është një periudhë për ta hapur mendjen. Siç është ajo shprehja që në anglisht e njohim të gjithë, që Gjërat që ndodhin në Las Vegas, mbeten në Las Vegas, edhe për ju, Gjërat që ndodhin në muajin Mars, lërini në muajin Mars. Asnjeri nuk ju kupton më mirë se vetja, kështu që kaloni pak kohë vetëm. Nëse nuk ju pëlqen marrëdhënia juaj me dikë të së shkuarës apo të së ardhmes, vijini një tjetër emër apo përkufizim asaj lidhjeje dhe distancohuni. Ndiqni intuitën tuaj. Përgatituni që gjërat që merrni në muajin Mars, t’i përdorni si bazë për një realitet të ri, shumë më të pëlqyeshëm për veten. Qiell të mbarë!
 

Jetmira

🎧🎵💙
Ujori, parashikimi i muajit Mars 2018
Energjia e këtij muaji për ju është shumë impresionuese. Në përgjithësi këtë muaj shenjat kanë përfundime apo fillime shumë të mëdha dhe të rëndësishme, por ju veçanërisht keni shumë lëvizje të fuqishme. Ju është dashur të mësoni gjatë këtyre muajve të fundit se si të merrni frymë, se si keni kaluar apo përjetuar ekstremitete emocionesh. Ky ëhstë muaj shumë i fortë dhe muaj përfundimesh apo konkluzionesh, por jo tamam periudhë e mirë për të planifikuar, të paktën jo deri në javën e tretë të muajit. Ne vetëm tani po dalim nga cikli i ngjarjeve qëkanë nisur me 2017, sepse astrologjikisht Marsi është fundvit, jo Dhjetor. Nga dita kur fillon shenja e Dashit, shenja e paë, fillon viti i rid he tani jemi ende në fundvit. ثshtë normale që të mos ndjeni shumë energji tani, që të mos ju duket se po funksiononi në më të mirën tuaj. Në përgjithësi Ujori e ndjen këtë periudhën e fund Shkurtit – fillim Marsit çdo vit si të lodhshëm. Kjo është një energji që ju shtyn që të lini pas ose të hiqni dorë prej peshave të rënda, prej gjërave që s’i keni menduar mirë. Ndonjëherë mund të mbahen dy kunguj nën një sqetull, por jo për shumë gjatë. Qershori dhe Korriku do jenë muaj shumë të fortë dhe pozitiv për ju dhe tani duhet që të mbillni farat për të korrur në atë periudhë. Pa dyshim që këtë muaj diçka do përfundohet njëherë e mirë, do mbyllni një kapitull të tërë dhe kjo gjë është rrjedhojë e një ndryshimi të mentalitetit dhe të filozofisë brenda jush.

Java e parë e muajit është java më zbavitëse për ju. Përveç kësaj, dikush mund t’ju kthejë kurrizin ose të jeni ju ai që i kthen kurrizin dikujt, dhe mund të jetë një partner i mundshëm romantik ose një person i një lloj tjetër marrëdhënieje. Një gjë që është shumë e thjeshtë dhe e kuptueshme për ju, nuk është njësoj për këtë personin tjetër. Ai person mund të përpiqet ose të jetë përpjekur që të manipulojë mendimin tuaj, por ju i keni kthyer ose do i ktheni shpinën. Këtë muaj mund të ndryshoni shumë realitetin në kokën tuaj, mënyrën se si gjykoni dhe se si i perceptoni gjërat, sidomos në lidhje me të tjerët, njerëzit që nuk kanë qënë emocionalisht të disponueshëm apo të hapur për ju. Ky person mund të mos dallojë vlerat tuaja dhe në përgjithësi kësaj jave, do i ktheni kurrizin njerëzve që nuk dallojnë vlerat tuaja, gjë që është shumë e mirë por e dhimbshme si proçes.

Në javën e dytë të muajit mund të hiqni dorë më në fund prej ndjesisë se keni ngecur diku, mund të çliroheni prej një kafazi ku e keni futur vetë veten ose një kafaz në të cilin iu ka futur një person narcist, një njeri që sheh vetëm veten dhe ju përdor dhe ju gjykon si objekt. Dmth, për të mos iu futur shumë thellë, (nëse doni unë kam disa artikuj mbi narcizmin dhe shpresoj të gjej kohën t’i shtoj) po ideja është që do luftoni një njeri shumë egoist dhe do dilni nga litarët me të cilët ju ka lidhur.

Në javën e tretë të muajit mund të ndjeni frikën se mos do humbisni diçka nëse largoheni prej këtij personit, se mos nuk do ndjeni më ngrohtësi dhe dritë. Në fakt duhet të filloni nga e para dhe të tregoheni kurajozë. Bëjeni për veten dhe për të tjerët. Ne (bota) duam njerëz të fortë si ju, njerëz që besojnë në vetvete dhe i mësojnë dhe të tjerët se si t’ia dalin duke mos dëgjuar zërat e këqinj në kokë por duke patur parasysh shpresën për dritën në fund të tunelit. Duke u shkëputur pak nga të tjerët mund të dalloni atë se cili është qëllimi juaj i cili është gjithashtu ajo që ju përmbush më shumë. Njerëzit ndjehen të përmbushur vetëm atëhere kur kanë guximin për të ndjekur qëllimin e vërtetë që kanë, dëshirën e vërtetë të zemrës, dhe jepjani vetes këtë mundësi. Për disa njerëz është shumë e natyrshme, por dhe ata kanë sfidat e veta, disa të tjerë duhet të kalojnë në një periudhë zmbrapsjeje dhe pastaj të nisen, si shigjeta që duhet të tërhiqet njëherë mbrapa pa të niset. Lidhjet tuaja me të tjerët do jenë më të ngrohta kur ftohen njëherë, dhe ju riktheheni tek vetja, ndizni zjarrin brenda vetes suaj dhe pastaj ngroheni në zjarrin që ndjeni me dikë tjetër, përndryshe është si djegia e duarve nga i ftohti i acartë… apo jo?

Në javën e katërt të muajit keni mundësi për të njohur dikë të ri, një njeri që vërtetë mund të bëjë një ndryshim në jetën tuaj, ndërsa ta që janë në çift, mund të rikthejnë zjarrin, ekuilibrin dhe paqen në lidhje pas një momenti të ftohtë. Mund të takoni njerëz shumë të evoluar dhe që mund të kenë zjarr ose ujë në hartat e tyre dhe që janë shumë në kontroll të jetës së tyre. Mund të mësoni shumë prej këtyre njerëzve, kështu që mbajeni mendjen të hapur. Këtë periudhë duhet të pranoni vlerat e traditës por dhe të pranoni qasjet e reja dhe praktike mbi shumë gjëra. Për dikë tjetër mund të mos jeni aq të komplikuar saç e bëni apo e ndjeni veten, por energjikisht jeni më i komplikuari sepse jeni ju ata që drejtohen nga dy energji shumë të kundërta në astrologji, nga njëri planet që përfaqëson traditën, dhe nga tjetri që përfaqëson inovacionet dhe rebelimet.

Ky është muaj për të shfryrë helmet mendore dhe fizike ndoshta gjithashtu dhe në fund të muajit do ndjeheni shumë më të shëndetshëm. Kujdes me dietën. Qiell të mbarë!
 

Jetmira

🎧🎵💙
Bricjapi, parashikimi i muajit Mars 2018
Jeni shenjë shumë e fortë, shumë e përmbajtur por duke e ditur se keni Saturnin në shenjën tuaj këtë periudhë, unë në fakt do doja ta lija shenjën tuaj për të fundit sepse keni shumë peshë mbi krye. Duhet të merrni frymë thellë dhe të lehtësoheni pak mendërisht. Ardhja e Saturnit në shenjën tuaj është periudhë e vështirë sepse një gabim i vogël, mund t’ju kushtojë shumë. E di që keni shumë presion mbi krye dhe ju duket sikur shumë gjëra janë të paarritshme tani, dhe kjo frikë është e rënde dhe ju detyron që të rrini në vend, të mos hidhni asnjë hap, t’ju duket se nuk e kapërceni dot një pengesë të caktuar. Ka shumë prej jush që e kanë kapërcyer këtë moment (falë Zotit) por shumë prej jush ende ndodhen në një moment të lodhshëm, traumatik dhe ekstremisht të rëndë. Saturni do t’ju mësojë që është vërtetë e vështirë t’i kapërceni disa pengesa të caktuara, por nëse besoni në forcat tuaja, e mësoni dhe formulën e suksesit të cilën në fakt nuk ta jep njeri, sepse nëse e kaloni këtë pengesë, në të gjitha situatat e tjera do e dini në mënyrë të natyrshme se çfarë të bëni. Ndoshta deri në 20% prej jush e ka kapërcyer këtë situatë, por pjesa tjetër nuk ndjehet ende gati për të shijuar një lloj stabiliteti apo suksesi financiar që shumë shenja të tjera kanë provuar ose janë duke provuar, por gjithsesi keni mundësi për të shfrytëzuar bonuse, shitje më të mëdha, dhurata të cilat mund t’ju japin diçka. Mund t’ju duket se dikush po ju kufizon në aftësinë apo në hapsëirën për të shprehur aftësitë tuaja krijuese ose ju jep premtime që nuk i mban dot, ose jeni ju ai që jep premtime që nuk i mban dot. Në të gjitha shenjat dua të përmend faktin që jemi në një fundviti astrologjik, dhe është ajo periduhë që njerëzit mendojnë se energjikisht ndodh në Dhjetor, por në fakt është kjo periudha kur ne ndjehemi shumë të lodhur nëfund të këtij viti, përpara se të fillojë viti i ri me fillimin e periudhës së Dashit më datë 20 Mars. Duhet të bëheni më të ndërgjegjshëm mbi atë që duhet të lini pas në jetën tuaj dhe atë që duhet të përqafoni. Ky ndryshim energjie ndodh çdo vit dhe çdo vit duhet të përgatitemi për ca sakrifica në mënyrë që të fillojmë të korrim gjërat që duam nga viti i ri astrologjik.

Në javën e parë të muajit, ndjeheni shumë të shpenzuar, shumë të konsumuar, sikur njerëzit ju kanë shtrydhur nga njëmijë drejtime të ndryshme. Doni që të fitoni kontrollin mbi këtë lloj situate dhe fitimi i këtij kontrolli do jetë si një lidhje mes jush dhe një energjie hyjnore apo ndoshta ju mund të njihni atë energji të pakufijshme brenda vetes, të prekni një pikë nga ai oqean që nuk njihni bremda vetes dhe të shijoni pak më shumë jetën tuaj. Juve ju pëlqejnë sfidat sepse jeni ai cjapi i maleve që do të kapërcejë sa më shumë sfida dhe të arrijë në majën më të lartë. Nëse shikoni një rrugë të thjeshtë apo pa shumë pengesa, ju jep përshtypjen se kjo rrugë nuk do ju çojë drejt majës më të lartë, kështu që zgjidhni rrugën e vështirë me ndërgjegje të plotë sepse doni fitoren më të madhe. Nëse ndjeheni se keni arritur në një pozicon shumë të mirë, lëshojeni veten pak dhe shijojeni atë që keni arritur por me kujdes se mos harroni të shtrini këmbët sa keni jorganin.

Në javën e dytë të muajit duhet të pyesni pak veten se kush është qëllimi juaj kryesor, çfarë doni të bëni, çfarë keni me dëshirë…? Për ju përgjigjia duhet të gjendet tek krijimi i iqëndrueshmërisë dhe i një gjendjeje të ekuilibruar. Për ata prej jush që janë të përfshirë me artin në mënyrë profesionale, kjo energji do jetë shumë e mirë për ju që të prodhoni ose ata që merren me programimin apo informatikën, mund të krijojnë aplikacione, ose mund të them se ideja e kësaj jave është që në fusha të ndryshme ku shumë prej jush janë të përfshirë, do jeni shumë krijues. Mund të planifikoni një qëllim ose ta keni më të qartë atë se çfarë duhet të bëni tani për ta kënaqur veten më vonë.

Në javën e tretë të muajit do zgjoheni nga një gjum emocional. Do dalloni atë se çfarë ju ka lënë në gjumë dhe në pritje për kaq kohë. Gjërat që në fakt ju janë dukur si diçka ndryshe nga ajo që vërtetë janë, do i dalloni tani. Edhe pse përballja me të vërtetën duket pak e ashpër për këdo, në fund të ditës mbetet një bekim. Në sytë e të tjerëve ju ia dilni shumë kollaj që të keni sukses dhe mund të duan t’u kërkojnë ndihmë por kjo nuk do jetë periudhë e mirë për t’i shërbyer të tjerëve sepse mund të jenë njerëz që ndjehen sikur ia keni për borxh shërbimin tuaj.

Në javën e katërt të muajit mund të krijoni kontakte të reja, mund të jenë njerëz që i përkasin shenjave të ujit ose të tokës. Do përfshiheni në grupe të reja miqësore dhe mund të jenë ose meshkuj këta që takoni, ose femra me një energji apo sjellje mashkullore. Duhet të përpiqeni që ta shprehni pasionin tuaj në mënyrë që të gjeni vendin e dëshiruar.

Në përgjithësi këtë muaj përpiquni që të mos e lidhni veten pas mendimeve të errëta apo pas mendimeve shkurajuese. Në muajin Mars do mësoni të reja, të vërteta kështu që është muaj shumë i rëndësishëm. Duke qënë se jemi nën energjinë e Peshqëve dhe është pak energji e hutuar dhe e mjegulluar për ne njerëzit që jetojmë në një botë fizike, nuk mund të zgjatem shumë tek parashikimi i muajit, por mos harroni të luani prej vendit. Qiell të mbarë
 

Jetmira

🎧🎵💙
Shigjetari, parashikimi i muajit Mars 2018
Pavarësisht se ky është muaji i Peshqëve, dhe ka një energji apo një tym mjegullues në mendjen e të gjithëve, përfshirë dhe ju sigurisht, është e pamundur të mos entuzismohem për muajin tuaj sepse është i mbushur me vendosmëri, gëzim, arritje. Ka shumë shkëlqim dhe fat ky muaj për ju. Energjia transformuese mbi ju është shumë e bukur megjithëse është pak e pasigurt dhe pak e zmbrpasur gjithashtu. Ndoshta nuk ndjeheni se keni shumë kontroll apo menaxhim të kohës (se kontroll nuk ka njeri) dhe ju duket se koha po ikën shumë shumë shpejt ndërkohë që doni të zbuloni se pse jeni ende aty ku jeni, pse po bëni ende atë gjë që po bëni. Ky muaj është shumë i rëndësishëm dhe mendoj se do hidhni një bazë konkrete mbi një plan konkret. Edhe pse nuk janë këto eksperiencat që doni të jetoni, mund të përfshiheni në disa situata apo ngjarje që s’janë shumë të këndshme. Ndoshta kjo do ju shtyjë që të distancoheni prej mjedisit ku jeni tani. Këtë po e them në përgjithësi dhe nëse si gjithmonë, duket pak e shpërqëndruar, do e sqaroj në parashikimin e javë pas jave siç kam bërë me shenjat e tjera, por që për një arsye a një tjetër, muajin e shkuar me ju bëra një përjashtim. Pavarësisht se jeni Shigjetari, këtë muaj silleni më shumë si një Peshore që përpiqet të mbledhë mendjen se ç’të bëjë… a duhet të investoni energjinë tuaj tek mirënjohja për gjërat që keni apo duhet të vrisni mendjen se pse keni disa vështirësi të caktuara që sikur mezi po ju lejnë të ngrini kokën lart. Duhet të merrni një vendim të rëndësishëm që lidhet me udhëtimin, me dashurinë, me karrierën, pra mund të ketë të bëjë me të gjitha. Mund të keni shumë mundësi të ndryshme prej të cilave mund të zgjedhni dhe është shumë e rëndësishme për ju që të jeni përpjekur më parë në mënyrë që tani, ndoshta çdo mundësi është e mirë dhe nuk humbisni shumë. Ndoshta krahasimisht njëra mundësi është më e bukur se tjetra, por gjithsesi nuk jeni keq. Shumë prej jush janë shumë të bekuar dhe ose shumë të pafavorizuar. Gjithsesi keni shumë shumë punë për të bërë pavarësiosht se emocionalisht gjërat do lehtësohen. Mund t’ju duket se duhet të bëni një sakrifizë por kjo sakrificë do ju shpërblehet shumë. Nuk duhet të tregoheni shumë të komplikuar dhe as le të themim, shumë të thellë… më shumë rëndësi për ju tani ka që të shfrytëzoni atë që ju jepet dhe të tregoheni praktikë.

Në javën e parë të muajit mund të jeni duke planifikuar një udhëtim të jashtëzakonshëm. Në dy javën e para në fakt nuk është el ehtë që të planifikoni por është si një lloj periudhe e tillë kur sëmuresh nga gripi dhe e di që do përfundojë, dhe thjesht pret që një gjë e tillë të ndodhë. Mund të investoni në garderobën tuaj, në paraqitjen tuaj dhe kjo mund të jetë më e lehtë se zakonisht sepse do shpërbleheni. Ndoshta mund t’ju duket se nuk jeni shumë në kontroll të jetës suaj dhe sikur nuk keni aftësinë për të marrë vendimet që të ndryshojnë rrugën e jetës suaj por thjesht është çeshtje kohe.

Në javën e dytë të muajit mund të zbaviteni shumë, dhe për shumë prej jush kjo javë do jetë shumë e rëndësishme dhe mund të merrni lajme apo të merrni vendime që ndikojnë thellësisht në të ardhmen tuaj të afërt dhe të largët. Merrni pak kohë për të kuptuar se cilat marrëdhënie janë të duhurat për ju, çfarë duhet të përfundojë. Ndoshta një lloj mënyre e juaj e të të menduarit ju ka bërë më shumë keq se mirë. Mund ta dalloni këtë gjë më në fund, dhe të ndryshoni mënyrën e të menduarit. Do ndjeheni shumë më të fortë se njerëzit që ju kanë kthyer shpinën. Ndoshta kjo do jetë java kur do e ndjeni vërtetë largimin e peshës së Saturnit mbi shenjën tuaj. ata prej jush që kanë ndryshuar ambjentin përreth, po ia dalin shumë mirë duke eksploruar dhe njohur mjedise të reja.

Në javën e tretë të muajit përpiquni që ta rrethoni veten me miq dhe krijoni miqësi të reja. Mund të njihni dikë që ia vlen dhe jepini vetes një mundësi. E di që ju dhe shenjat e tjera të zjarrit, jeni shenjat që janë traumatizuar pak romantikisht gjatë muajve të fundit, që prej ngjarjeve të rëndësishme astrologjike të 2017, dhe ndoshta ky proçes nuk mbyllet tani, por të paktën po avanconi.

Në javën e katërt të muajit ka mundësi që ai njeriu i cili nuk ju ka bërë të ndjeheni mirë, ose do largohet brenda javës së katërt të muajit dhe do e ballafaqoni ose me të, ose me veten tuaj atë pjesë të personalitetit të këtij personi e cila ju ka lënduar dhe të fitoni fuqi mbi idenë apo imazhin që keni në kokë mbi këtë individ (i cili mund të mos jetë domosdoshmërisht apo vetëm njeri me të cilin keni patur një marrëdhënie romantike) dhe të arrini në një cikël të ri në të cilin nuk ndjeni nevojën për drama dhe konfuzion në mënyrë që të rrini pranë dikujt, sepse do keni më pak konfuzion me veten tuaj. Shumë lidhje tuajat do ndryshojnë. Beqarët do kenë shumë mundësi, shumë ftesa prej të cilave mund të përfitoni. Ata prej jush që janë në çift, përpiquni që të kuptoni anët e ndryshme të një marrëdhënieje. Mund të fitoni shumë nëse i kategorizioni marrëdhëniet dhe të sakrifikoni atë që nuk ju shërben më në rrugëtimin tuaj (shpirtëror) për një nivel të ri, për një “Shigjetar” të ri. ثshtë muaj përfundimesh në fakt. Mund edhe të dëgjoni lajme për largimin e dikujt. Mund edhe të jeni ju ai që vendos që të largohet.

Në këtë moment më erdhi një mesazh nga një person aziatik i cili më uroi për Vitin e ri 2018, sepse ata vërtetë që lëvizin me vitin e ri ashtu siç duhet. Pra mos harroni, është një fundviti dhe është normale që bëheni pak më të paduruar dhe ju duket sikur gjërat duhet të ndodhin shpejt. Mos e lini ankthin t’ju drejtojë po as entuziasmin e madh. Mos i sforconi gjërat se mund t’ju dalin fare prej duarsh dhe të humbsini një mundësi. Mësoni të merrni frymë, të uleni poshtë një peme dhe të shijoni momentin, të shijoni zemrën që ju rreh pa pushuar asnjë moment. Hiqni dorë prej atyre gjërave që gjithsesi do ju largohen këtë muaj, bëni paqe me këtë gjë. Qiell të mbarë.
 

Jetmira

🎧🎵💙
Akrepi, parashikimi i muajit Mars 2018
Gjëja më e rëndësishme tani është të merrni pak frymë, t’i jepni vetes pak kohë dhe të kuptoni se gjërat nuk ndalojnë këtu. Ky nuk është fundi, jemi në një udhëtim që nuk ka ndonjëherë destinacion, si bota që rrotullohet dhe që nuk ndalon në asnjë vend. Në fakt tani mund të jeni shumë të shpërndarë por gjithashtu edhe keni zënë vend, një vend më të rehatshëm siç s’e keni zënë kurrë më parë. Kjo është një periudhë tranzicioni për ju dhe gjithashtu shumë e ngarkuar. Kjo periudhë për ju më duket si një periudhë kur përgatiteni për një nisje, për një mënyrë të re se si ia prezantoni veten botës, dhe kjo përgatitje ju kërkon shumë energji, ju konsumon shumë. Ka shumë gjëra përreth. Energjia juaj më duket shumë e shpërndarë por dhe shumë inteligjente. Marsi është një muaj shumë i mirë për ta njohur dhe kuptuar më mirë veten tuaj. Mirë është që të pushoni sa më shumë, ose më saktë, pas pune, duhet të pushoni. ثshtë pak e vështirë që t’ju jap vetëm një këshillë të vetme të përgjithshme sepse energjia juaj këtë periudhë është vërtetë e tejngarkuar. Në javën e tretë të muajit ndodh ekuinoksi pranverës, fillimi i vitit të ri astrologjik dhe fillon sërisht periudha e Dashit, pra ndërrohen gjakrat siç themi ne, dhe fillojmë nga e para. Në përgjithësi këtë muaj energjia shtë e tillë që ju shtyn që të pushoni pas një periudhe të stuhishme, pas një periudhe shumë të lodhshme. Do gjeni shumë fuqi brenda vetes këtë muaj, do jeni shumë produktivë edhe në një periudhë kur të tjerët janë më pasivë, më pa energji. Gjatë kësaj periudhe duhet të përpiqeni që të jeni shumë më strategjikë me programin tuaj. Duhet të zëvendësoni orët e punës ose ato orë të ditës që nuk i vini në funksion të vërtetë të vetes, në mundësi për të reflektuar mbi se ku doni ta shikoni veten pas një viti, çfarë doni të fitoni pas një viti. Energjia e këtij muaji është e tillë që ju jep shumë shumë punë mbi krye dhe prej këtij fakti muaji kalon shumë shpejt dhe ato qëllimet për të ardhmen, veniten ose lihen pas. Mund të mësoni ta shikoni jetën ndryshe dhe të shijoni një liri të re mendimi, një liri e cila ju jep mundësinë të bëni atë që vërtetë doni, të ndërtoni një strukturë në funksion të realizimit të qëllimeve tuaja të së ardhmes. Pavarësisht se energjia e muajit është shumë praktike, është shumë e rëndësishme që të qartësoni me veten se çfarë doni në planin afatgjatë. Mund të bini ndonjëherë pre e asaj sjelljeje që kritikon të tjerët kur nuk ndjeheni vetë mirë me veten, por në fakt po flisni ose po mendoni për situatën tuaj ose për një frikë të mundshme tuajën për veten. Kjo është një pikë e dobët e muajit, sepse Marsi thekson atë tendencën tuaj për të theksuar pikat e dobëta të të tjerëve, për të mos thënë dështimet sepse në fakt dështimet janë shumë objektive. Këtë muaj doni t’i vërtetoni diçka vetes dhe është shumë e rëndësishme që të mos ngacmoni atë që keni ndërtuar duke sabotuar suksesin tuaj. nga muaji Gusht dhe Shtator, gjërat do jenë më të qëndrueshme dhe do jeni më të qartëm, ndërsa tani merrni vetëm një grimcë qartësie e cila nuk mjafton që të ndjeheni vërtetë rehat me veten apo me mjedisin që keni përreth. Nëse një vendim i caktuar nuk mbrohet nga buxheti apo nga prakticiteti, lëreni pas, bëni një zgjedhje tjetër. Nuk mund ta sforconi daljen nga situata juaj duke bërë sikur nuk jeni në atë situatë, të paktën jo në këtë moment. veproni në mënyrë origjinale tuajën. Energjia juaj është shumë kontradiktore, shumë bardhë e zi, dhe duhet të gjeni qëllimin brenda vetes suaj sepse këtë muaj mund ta gjeni. Ky është muaj shumë i mirë për të bërë gjëra spontane, për të udhëtuar ose në përgjithësi, qëndroni pranë zonave me ujë sepse ju bëjnë mirë, ju japin qetësi.
qetësi.

Në javën e parë të muajit ka mundësi që të finalizoni një fund por dhe të filloni një fillim të ri. Muajin e shkuar ka patur shumë përfundime për ju, shumë kapitur mund të jenë mbyllur përfundimisht dhe ndoshta brenda javës së parë do vendosni të merrni hapin e parë jashtë kësaj zone. Ka mundësi për një lidhje të re romantike por përveç kësaj duhet të gjeni një lidhje më të fortë me veten. mbi njerëzit që presin gjëra për ju, ka mundësi që dikush të ketë pritshmëri jorealiste nga ju dhe nëse edhe ju e ndjeni këtë gjë, mos bëni kompromis dhe thjesht ndani prioritetet tuaja. Mos bëni kompromise me veten, sidomos me vlerat tuaja. Nëse nuk ju pëlqen puna që bëni, ndërkohë që nuk do e përballonit dot që të mos rrini pa atë punë, java e parë e muajit është pak luftë me mendjen, po dhe përveç punës, ka dhe fusha të tjera që ju mundojnë. mos pranoni që të bëni përgjithmonë një gjë që nuk e keni me qejf. Mund t’ju kushtojë më shumë të bëni atë gjë që nuk doni.

Në javën e dytë të muajit energjia e karrierës suaj është jo shumë pranë zemrës suaj. Mund të ndjeni nevojën për tu treguar më të pavarur gjë që edhe pse mund t’ia keni vërtetuar të tjerëve, ndjeni se keni ende punë për t’ia vërtetuar vetes. java e dytë e muajit është periudhë e mirë për të planifikuar diçka të vogël, një gjë të vogël por që ju entuziasmon.

Në javën e tretë të muajit duket se gjërat do ju qartësohen shumë. Jo vetëm që do shikoni çdo gjë që fshihet poshtë krevatit por edhe do dalloni se çfarë ndjeni thellë brenda vetes. ose se çfarë pushteti keni vërtetë mbi një situatë apo mbi një person të caktuar. Ndoshta jeni jeni marrë për shumë kohë me një person që është shumë narcist ose tepër egoist dhe pas kaq kohësh, mund t’ju duket e vështirë dhe ndoshta dobësi që të duroni “thjesht” vetminë apo të qëndruarin më vete. Ndoshta vetë identiteti juaj është në një ndryshim dhe kjo është gjithmonë periudhë e frikshme por në fund të fundit, është e bukur, për aq kohë sa ndiqni dëshirën e zemrës suaj. Jeni më të fuqishëm seç mendoni dhe ndoshta pikërisht të kuptoni dhe të njihni veten është ajo çka ju frikëson.

Në javën e fundit të këtij muaji me 31 ditë, do merrni një vendim shumë të rëndësishëm. Do ju duket se do merrni një vendim lumturie ose trishtimi, jetë a vdekje për qëndrueshmërinë tuaj mendore dhe emocionale. Java e fundit e muajit është periudhë për tu arratisur pak nga bota por mos u zhytni tepër thellë, mos jetoni vetëm në botën tuaj sepse nuk jeni vetëm ju njerëzit tek të cilët mund të mbështeteni. Duhet të gjeni vijën e mesme sepse ky muaj do ju bëjë shumë të fortë. ثshtë muaj i mirë për të ndryshuar dietën, për tu pastruar, sidomos në pjesën e parë të muajit në mënyrë që fundi i muajit t’ju gjejë, përveç se të fortë, edhe të shëndetshëm, sepse fillon viti i ri astrologjik apo energjik. Qiell të mbarë.
 

Jetmira

🎧🎵💙
Peshorja, parashikimi i muajit Mars 2018
Ky nuk është muaj shumë i lehtë për ju. Marsi për Peshoren duket se është një muaj ku shëroheni, ku mësoni të ngirheni sërisht në këmbë. Keni disa kohë që merreni me përfundime, funde, dhe ndoshta kjo periudhë është periudhë për tu shëruar dhe për të vazhduar më tej me eksperiencën tuaj. Do ballafaqoheni me mangësinë tuaj për të marrë vendime të ftohta apo të vendosura, dhe nëse jeni përzierë në eksperienca të paqëndrueshme, këto cikle do doni t’i mbyllni. Shumë prej jush mund të transferohen, ose mund të ndjeni se doni ta bëni këtë gjë por ka diçka brenda jush që ju ndalon apo ju zmbraps. Nëse ndjeheni shumë të lodhur apo shumë të rraskapitur, ndoshta në këtë moment duhet të fokusoheni më shumë tek ana shpirtërore e vetes suaj dhe ta kërkoni forcën tuaj atym dhe në fakt nuk është zgjedhje por është e vetmja mundësi që keni. Pranë vetes në këtë periudhë keni një energji shumë të mirë mbi supe, një energji kuruese e cila ju lehtëson nga vështirësitë e shkuara. Edhe pse gjërat nuk vijnë në një konkluzion tani, këtë muaj do ndërtoni një bazë të mirë për atë që vjen.

Në javën e parë të muajit mendja juaj e mprehtë përzihet me një energji shpirtërore dhe duhet të lini pas gjëra që ju mjegullojnë gjykimin. Nëse ju pëlqen pija ose diçka tjetër që ju mjegullon gjykimin, javën e parë duhet t’i jepni vetes mundësinë për të hequr dorë ose për të qartësuar mendjen. Jo vetëm varësi ndaj substancave por edhe ndaj një njeriu të caktuar ose diçka tjetër të ngjashme, jeni të favorizuar që ta lini pas, që të gjeni ndihmën dhe forcën për tu kthjelluar.

Në javën e dytë të muajit duhet të përpiqeni që të mos luftoni kundër rrymës. Duhet të tregoheni të guximshëm dhe t’i jepni vetes mundësinë për të bërë një plan të ri për veten, për të lëvizur, për të ndryshuar punë. Gjithashtu java e dytë e javës mund të fejoheni, mund t’ju propozojnë për tu lidhur ose nëse ky nuk është rasti, nëse shumë prej jush nuk i ka ardhur momenti për këtë gjë, mund të “martoheni” me karrierën, pasionin ose me punën tuaj. Lejojini vetes luksin për të bërë atë që doni.

Në javën e tretë të muajit, është periudha kur ndjeheni pak të çorientuar dhe jo shumë të favorizuar nga fati, po pak a shumë shumë njerëz do ndjehen kështu sepse do jetë periudha e ekuinoksit të pranverës, periudhë kur fillon viti i ri astrologjik me ardhjen e Diellit në shenjën e Dashit, të shenjës së parë të horoskopit dhe është periudhë konfuzuese për shumë njerëz. Nëse nuk dallon asgjë në fund të tunelit për momentin, kini parasysh se është thjesht e përkohshme.

Në javën e katërt të muajit, ndoshta njerëz të së shkuarës duan që t’ju afrohen dhe të rikthehen tek ju. Mund të mos e kuptoni mirë se pse ndjeni një dhimbje të caktuar por në fakt kjo dhimbje do marrë një kuptim shumë shpejt kështu që mose zgjasni. Zgjidhni të mos ndjeni dhimbje sepse në fakt, emocionet tona i zgjedhim vetë, thjesht ndonjëherë duket e pamundur për shkak të peshës që ndjejmë. Ky është një muaj kur do ndërtoni një realitet të ri për veten, dhe ky realitet është më shumë në botën apo në kokën tuaj, edhe nëse nga jashtë për njerëzit ju dukeni njësoj. Shijojeni këtë proçes. Qiell të mbarë.
 

Jetmira

🎧🎵💙
Virgjëresha, parashikimi i muajit Mars 2018
Ndoshta ndjeni se keni hequr dorë nga shumë gjëra dhe nuk doni të sakrifikoni më. Ndoshta ju duket se keni humbur një pjesë të vetes suaj dhe ndjeheni të tradhëtuar prej diçkaje dhe edhe pse shumë prej jush kanë një mundësi shumë të mirë përpara, ndjeni se kjo e mirë nuk justifikon mjaftueshëm të gjitha sakrificat tuaja. Cilat kanë qënë sakrificat tuaja më të mëdha dhe me çfarë e përfaqëosni veten? Duhet të gjeni pak se pse nuk e keni ndjerë veten të aftë për të realizuar qëllimet tuaja.

Në javën e parë të muajit do transformoni shumë mënyrën se si luftoni me konfliktet tuaja të brendshme. Jeni shumë kritikues të vetvetes dhe një pjesë e arsyes së mungesës së paqes që keni me veten tuaj, është mungesa e ballafaqimit tuaj me disa njerëz të caktuar. Ndoshta vrisni mendjen se si do zhvillohej biseda, se si do ecte lidhja apo marrëdhënia juaj me dikë. Megjithatë brenda fundit të muajit do mësoni më shumë dhe do ju kthehen shumë përgjigje që do ju lehtësojnë por fillimisht duhet të rriteni ju vetë, brenda vetes suaj.

Java e dytë e muajit ju gjen duke festuar një fitore emocionale. Duhet të përpiqeni që të jeni rehat me veten në mënyrë që ta gjeni veten rehat me të tjerët, sepse kështu do tërhiqni tek vetja shumë njerëz të cilët mund të jenë shumë të dashur për ju dhe do qëndrojnë gjatë me ju.

Në javën e tretë të muajit mund të ndjeheni pak të lodhur prej këtyre ndryshimeve të dy javëve të para. Ka mundësi që të bëni disa miq të rinj të cilët mund të kenë ajër, zjarr ose tokë në hartën e tyre… ose thjesht jo ujë, pra jo Gaforre, Akrep apo Peshqit. Shumë njerëz do duan që t’ju afrohen sepse dallojnë diçka tek ju e cila i bën të ndjehen rehat me veten. Ndoshta janë njerëz të cilët ju duan vetëm për atë që ju mund t’i jepni kështu që, pak me kujdes me besimin tuaj tek të tjerët.

Në javën e katërt të muajit mund të ndjeheni pak të zhgënjyer. Ky është muaj që ju jep shumë ulje-ngritje. Kjo shtë pak a shumë dhe pjesë e natyrës suaj duke qënë se jeni pjesë e shenjave të ndryshueshme dhe fleksibiliteti apo ndryshueshmëria nuk është diçka që ju depresionon, (siç depresionin shenjat fikse apo Demin, Luanin, Ujorin dhe Akrepin) dhe keni një mundësi për t’i treguar vetes se sa të mira janë aftësitë tuaja për të drejtuar apo për tu treguar vetes. Nëse e besoni ju të parët, do e besojnë dhe të tjerët. Bëni kujdes se mos doni t’ia dini për njerëzit vetëm kur largohen, dhe i injoroni kur i keni pranë… mos u mendoni shumë thellë ose mos e gërryeni shumë sipërfaqen e gjërave tani sepse ky s’është muaj i qartësisë, është muaj i mjegullës. Nëse do i jepnin një emër tjetër, duhet të ishte “mjegulla”. Pra, merrini gjërat lehtë, merrni frymë thellë dhe nëse nuk doni të flisni me shumë njerëz, në rregull, por mos e mohoni apo refuzoni shoqërimin me njerëz të tjerë, sepse dhe shumë thellë nuk duhet ta zhysni veten tani. Tregohuni bashkëpunues. Qiell të mbarë!
 

Jetmira

🎧🎵💙
Luani, parashikimi i muajit Mars 2018
Shenjat e zjarrit janë jashtëzkaonisht shumë të ngarkuara tani ndërkohë që nëfakt kjo periudhë kërkon shumë qartësim mbi, ku po shkon energjia juaj, çfarë rruge po mbështesni dhe ku po shkoni, ndoshta më në fund (më në fund) do kuptoni se kush është në krahun tuaj dhe kush është kundër jush. Gjatë këtij muaji duhet të përpiqeni që të shikoni se kush ju përkrah dhe kush jo. Mendoj se ende keni shumë punë për të bërë, jeni ende në një gjumë. Ndoshta njerëzit nuk po ju shërbejnë ashtu siç mendonit dhe duket se lidhjet mes jush dhe të tjerëve, kanë ndryshuar shumë. Që prej Janarit gjërat kanë ndryshuar shumë brenda jush. Ju jeni ai që drejtohet nga ai që drejton sistemin tonë diellor dhe njerëzit kanë tendencën që të hedhin sytë nga ju atëhere kur kanë nevojë për vlerësim apo për të vërtetuar vlerën e vetes, por kjo juve, edhe pse jeni ju më të aftit për ta përmirësuar humorin e dikujt tjetër, mund t’ju rraskapisë nëse nuk ju shërbejnë, nëse nuk j’ua kthejnë nderin shpirtëror apo emocional që bëni, me një shërbim të tyrin. 2018 është vit që e keni mbushur me qëllime dhe mund t’ju duket se shumë njerëz për të cilët keni përshtypjen se përfitojnë prej jush, do mblidhen bashkë dhe do i dalloni. Në muajin Mars do kuptoni se çfarë duhet të bëni që të krijoni rrugë të reja për veten që ju funksionojnë. Ka mundësi që nga ky muaj e tutje do ndriçoheni shumë shpirtërisht, do transformoheni në një person që nuk e keni njohur kurrë veten më parë. Jepini vetes kohë, vetëm pak. Ju jeni vetë koncepti i transformimit, i vetë-krijimit ose thjesht i krijimit, sepse drejtoheni prej Diellit dhe motoja juaj është Unë krijoj. Meqë ra fjala tek Dielli, përpiquni të rrini pak nën rrezet e tij sepse mund t’ju pastrojë shpirtërisht. Nuk keni pse të qëndroni gjithë ditën, thjesht pak. Çdo gjë duhet e moderuar apo e ekuilibruar se përndryshe jep efektin e kundërt… edhe fizikisht do bënit mirë ta ndihmonit veten duke e trajtuar veten mirë. Ndonjëherë jeni ose rrezatoni si vetë Dielli dhe mendoni se edhe të tjerët kanë të njëjtën energji si ju, por ky nuk është rasti, as këtë muaj dhe as ka për të qënë ndonjëherë. Njerëzit shtyhen nga njerëzit e ngjashëm dhe tërhiqen me të kundërtit, kështu që, mbajini këmbët pak më në tokë. Njerëzit mund ta shfrytëzojnë energjinë tuaj të bollshme diellore. Nuk ken ipse ta sfidoni veten me njerëz që “vuajnë për Diell”. Kush do të përshendëse energjinë tuaj pozitivisht, e bën, ose ka kurajon dhe mirësinë ta bëjë. Kush nuk e ka kurajon dhe mirësinë për ta bërë këtë gjë, nuk ka vend në jetën tuaj. Mos e zhvlerësoni veten.

Në javën e parë të muajit Mars duhet të ndaloni pak dhe të shikoni se sa larg keni shkuar, se sa shumë keni arritur. Ndoshta mund të keni bërë më shumë progres se të tjerët pa e kuptuar këtë gjë. Mund të keni arritur në një nivel të cilin nuk e ka arritur personi apo personat të cilët i keni parë me admirim, dhe prap ta shikoni veten si personi që keni qënë. Nëse mund ta përballoni në këtë moment një shpenzim të vogël për veten, bëjeni sepse e meritoni që të shijoni fitorën tuaj dhe në njëfarë mënyre, do jetë ogur i mirë. Ndjeheni shumë konkurrues dhe sfidues këtë muaj. Në punë doni të dilni të parët, ose në karrierë apo në një eksperiencë tjetër jete, doni të fitoni më shumë se dikush tjetër. Mos harroni atë shprehjen që, nuk gjykohet një peshk nga aftësia e tij për të ngjitur një pemë… edhe ju duhet të mbështeteni tek talentet tuaja dhe prej atij talenti të ndërtoni jetën tuaj.

Në javën e dytë të muajit lidhjet tuaja me të tjerët mund të bllokohen. Në javën e parë të muajit mund të keni bërë progres tek kjo gjë, por do ndjeni një zmbrapsje në javën e dytë sepse do ju duhet që të shikoni pak se pse gjërat nuk po ecin fiks siç do dëshironit. Mos dyshoni në intuitën tuaj megjithëse kjo do jetë prirja e javës së dytë për ju. Mund të keni intuitën më të zhvilluar se çdo shenjë, por mungesa e besimit tek intutita juaj është prezente dhe duhet të eleminohet.

Java e tretë e muajit është javë e mrekullueshme. Do e shijoni shumë momentin e ekuinoksit, ardhjen e Diellit në shenjën e Dashit, fillimin e vitit të ri astrologjik. Nu kështë thjesht fundi i një kapitulli por është fundi i një ecje në një tunel të tmerrshëm e të zymtë që mund të ketë nisur që në fillim të vitit të shkuar astrologjik, pra që në le të themi, Prill, ose të paktën që në Korrik të vitit 2017, dhe tani ai kapitull do mbyllet.

Do e shikoni veten si një njeri tjetër dhe këto cikle të vështira emocionale, nuk do ju bllokojë më arritje e dëshirave tuaja. Gjëja më e vështirë për Luanin është të mos punojë për një qëllim të lartë, për një dëshirë për të cilën i vlon zemra çdo natë. Edhe pse për të tjerët mund të dukeni përtacë, ndoshta sepse drejtoheni prej të vetmit trup qiellor që rri në vend, vetëm ju e dini se sa ju zien koka dhe sa shumë punë arrini të përfundoni dhe të menaxhoni. Ju shijon shumë të qenurit produktivë dhe edhe pse kjo s’është e lehtë, do dalloni më në fund gjërat që keni bërë mirë, vendimet e mira që keni marrë.

Në javën e katërt të muajit mos u bëni tepër sentimentalë. Nëse ndjeni se dikush do të përfitojë prej jush, shkëputeni lidhjen me atë person apo me ata persona. Njerëzit mund të duan që ju të pastroni papastërtitë e tyre emocionale, të jeni ju dielli i tyre dhe vetëm kaq. Kjo nuk është e drejtë, nuk duhet ta lini veten në këtë pozicion, nuk mund të jeni përgjithmonë doktori emocional, sidomos nëse nuk është kjo puna juaj apo karriera juaj. Mund të keni nevojë për një këshillim karriere në fakt.

Këtë muaj do njihni ose do dilni me njerëz që kanë një të ardhme të mirë përpara dhe do ndjeheni më shumë mes të barabartëve. Shijojeni. Qiell të mbarë!
 

Jetmira

🎧🎵💙
Gaforrja, parashikimi i muajit Mars 2018
Energjia e këtij muaj ie juaja është shumë e butë, shumë e dashur, shumë mikpritëse. Mund të jetoni një fitore shumë të mrekullueshme por që do ju japë shumë shumë përgjegjësi, ndoshta dhe ankth apo nervozizëm. Do tregoheni shumë krijues por edhe mund t’ju thyhet pak zemra edhe pse mund të jetë diçka që e keni pritur. Mendoj se Gaforrja ka aftësinë që t’i përshtatet shumë mirë një ambjenti të ri, më mirë se ndoshta kushdo shenjë tjetër, sepse dejtoheni nga Hëna e cila drejton mendjen… kjo është një periudhë kur do rregulloni shumë gjëra dhe do shfryni shumë energji negative të akumuluara gjatë viteve 2016 dhe 2017. Ndoshta është e pashmangshme që të ndjeni njëfarë mërzieje por gjithashtu do ndjeni shumë energji. Nga data 21 Mars e tutje, gjërat do jenë shumë më të lehta. Përpiquni që të planfikoni se çfarë duhet të bëni gjatë këtyre javëve në mënyrë që të ecni përpara dhe të dilni në sipërfaqe me një forcë që të tjerët nuk e dinin që e keni, apo që nuk e prisnin prej jush tani.

Në javën e parë të muajit do dalloni se, edhe pse ndoshta prej shumë kohësh, duhet të ndryshoni imazhin që keni për veten dhe imazhin që të tjerët kanë për ju. Duhet të aftësoheni pak në njohjen e vetes dhe në prezantimin tuaj para të tjerëve. Muajin e shkuar ju është dashur që të izoloheni pak dhe të përpiqeni që të gjeni atë dritën brenda vetes për të tërhequr njerëzit e duhur në jetën tuaj por për shkak të pavendosmërisë suaj, mund të jeni shumë të paqartë mbi atë se kë duhet të mbani pranë dhe sidomos në këtë periudhën e mjegullt të shenjës së Peshqëve që jemi tani, pra në periudhën e ditëlindjeve të njerëzve nën shenjën e Peshqëve, është shumë e vështirë që të gjehet një zgjidhje.

Në javën e dytë të Marsit ngjarjet në jetën tuaj do jenë pak më interesante dhe mund t’i riktheheni realizimit të një qëllimi të ciline keni për zemër. Mund ta keni lënë pas një pjesë tuajën, mund të jeni marrë me shumë gjëra dh të keni anashkaluar një detaj i cili në fakt ndikon shumë në të gjithë pjesën tjetër. Shikojini gjërat nga rrënjët, dhe pastaj kontrolloni ato pikat më lart…

Do bënit mirë që të pranonit ato gjëra që nuk janë më pjesë e të tashmes suaj në javën e tretë të muajit. Kjo javë do jetë një moment i mirë për të hequr dorë prej pesimizmit. Nuk ka më rëndësi se pse disa gjëra shkuan në një mënyrë të shëmtuar, rëndësi ka që ju të mos i fryni pesimizmit, sepse pesimizmi është thjesht një justifikim për të mos lëvizur vendit.

Në javën e katërt të muajit do ju hapet zemra dhe do jetoni një moment shumë të mirë. Nuk keni arsye pse të mos e hapni zemrën. Kini besim tek të tjerët. Vërtetë që mund të jetoni njëfillim të ri të cilin nuk keni menduar se do e kishit. Keni mundësinë që të keni një sukses të jashtëzakonshëm në karrierë këtë muaj dhe të lidheni me shumë njerëz. ثshtë muaj vërtetë shumë i bukur për ju dhe do e merrni atë që doni në mënyrë shumë të natyrshme. Nuk keni pse të mundoheni shumë që të kontrolloni situatën sepse situata favorizuese do rrjedhë vetë. Qiell të mbarë!
 

Jetmira

🎧🎵💙
Binjakët, parashikimi i muajit Mars 2018
Ky është muaj pak a shumë i vështirë dhe transformues për që të gjithë. Kjo ndodh për arsye se kemi shumë gjëra dhe energji për të shfryrë, sidomos ju dhe shenja e Shigjetarit pasi tani do të filloni të ndjeni vërtetë largimin e Saturnit prej shenjës së Shigjetarit, shenja juaj e kundërt, dhe ajo që ndodh tani është që njëcikël i tërë që është zhvilluar gjatë viteve 2016-2017, po i vjen fundi. Edhe pse Saturni ka ca kohë që ka lëvizur në shenjën e Bricjapit dhe mund të keni ndjerë një lloj çlirimi, prap diçka brenda jush ende mbështeste energjinë e atyre 2.5 viteve të qëndrimit të Saturnit në shenjën e Shigjetarit dhe tani duhet të hiqni dorë prej kësaj energjie, ta lini pas. Gjithashtu do ndryshoni mënyrën se si reagoni, në vënd të inatit dhe agresivitetit, ndoshta tani më në fund do mësoni se si të merrni frymë thellë dhe të lini pas një inat të zjarrtë dhe të flaktë që keni brenda vetes që mund të djegë shumë përreth. Pavendosmëria këtë muaj ëhstë shumë prezente por nga fundi i muajit do e mblidhni mendjen se çfarë të bëni. Ky muaj do ju mësojë se si të menaxhoni emocionalitetin tuaj. Ka mundësi që fytyra juaj të ngarkohet pak sepse ky është muaj që nxjerr toksinat jashtë.

Në javën e parë të Marsit do merreni shumë me transfomrimimin e identitetit tuaj. Do tregoheni më pak të drejtpërdrejtë gjatë kësaj kohe sepse ndoshta keni lënë pas një moment ku keni kuptuar se vendimet i keni marrë tepër shpejt, se jeni larguar shumë shpejt nga një situatë e caktuar ose e keni larguar dikë nga jeta juaj pa u menduar mirë, kështu që tani do jeni më të zmbrapsur. Ose dikush tjetër e ka bërë këtë me ju dhe kjo tani ju shtyn që të veproni më ngadalë. Lidhjet tuaja me njerëz të caktuar, veçanërisht ato lidhje romantike, ju kanë mësuar se si t’i shikoni gjërat edhe nga këndvështrimi i personit tjetër dhe tani po mendoni që të tregoheni më modestë, më të përulur dhe me këmbët në tokë kur përfshiheni me dikë tjetër.

Në javën e dytë të muajit mund të ndjeheni shumë të vetmuar ose shumë të izoluar, dhe kjo mund të ketë ardhur për pasojë se keni pritur shumë nga një lidhje, më shumë seç ndoshta është e arsyeshme apo realiste. Filloni të mendoni se si mund të filloni të krijoni lidhje pozitive dhe të pjekura.

Në javën e tretë të Marsit gjithashtu është lidhja juaj me njerëzit që duhet të ndryshojë. Duhet të mësoni të bëni kompromis (të shëndetshëm, por prap tregohuni më bashkëpunues). Ndoshta do njihni një energji të re shumë më përmbushëse kur fokusoheni tek ajo që t’i jepni të tjerëve. Nga ana tjetër nëse keni frikë se nëse largoni dikë nga jeta juaj, do ngecni diku, mos e kini këtë frikë. Ju mund t’i përshtateni çdo ambjenti dhe nuk keni nevojë për dikë tjetër që ta arrini këtë gjë. Në javën e tretë të muajit ju favorizohet të udhëtuarit.

Në javën e katërt të muajit do dalloni se çfarë ju mungon për të hapur një derë të caktuar, por do e dini që çleësi fshihet diku përreth. Mund të keni për të bërë një rrugë, një udhëtim, dhe gjërat s’i keni plotësisht të qarta por kjo paqartësi është e përkohshme dhe ju duhet ta dini edhe vetë këtë gjë tashmë. Mund t’ju duket se njerëzit j’ua kanë kthyer shpinën dhe se qëllimi që keni është shumë i largët, nuk ju duket se do e arrini shpejt, megjithatë e dini që është thjesht çeshtje kohe, po mos e lini veten të pushtoheni nga padurimi sepse nuk sjell kurrë asgjë të mirë. Kjo energji ju bën shumë më flëksibël, edhe pse jeni shenja e parë e shenjave që përfaqësojnë fleksibilitet, por gjithmonë keni më shumë për të mësuar… por për gjërat që doni të ndryshoni, duhet ta dini se e keni vetë timonin në dorë.

Duhet të përpiqeni të gjeni çelësin këtë muaj dhe do e gjeni nëse i jepni vetes pak kohë për tu përqëndruar. Qiell të mbarë.
 

Jetmira

🎧🎵💙
Ky muaj për Demin nuk është shumë i lehtë, gjithsesi që të gjithë po rraskapitemi pak në këtë periudhë sepse po fillojmë një vit të ri në kalendarin astrologjik, sepse përfundojmë ciklin e shenjave me periudhën e Peshqëve ku jemi tani. Ky është fundi i vërtetë i vitit nga pikëpamja energjike, ja pse dhe mund të ndjeheni më të lodhur se zakonisht, qëkurse erdhi Dielli në shenjën e Peshqëve në fakt, që prej muajit Shkurt. Këtë muaj do ndërtonishumë gjëra dhe do e ndryshoni fatin tuaj sepse do lini pas disa ngjarje apo situata të vështira. Sido që ta keni vlerësuar 2017, ato gjëra që ju janë dukur të mira dhe ato gjëra që ju janë dukur sfiduese, tani mund t’i bëni një rezyme, një përmbledhje dhe të kuptoni diçka të re për veten. Tani do ndërtoni një strukturë të re për veten tuaj. Edhe nëse njerzit ju kanë viktimizuar ose ju kanë vendosur në një pozicion të parehatshëm, dhe këta njerëz janë ndjerë shumë si prioritet në jetën tuaj, ndoshta tani do e kuptojnë se si duhet të veprojnë me ju, dhe fillojnë t’ju kuptojnë dhe t’ju ndjejnë më shumë. Progresi juaj si person do jetë shumë i ndjeshëm.

Në javën e parë të muajit mund që ënde të keni në kokë një person të së shkuarës. Edhe nëse i keni mbyllur gjërat me fjalë, me mendje mund të jeni ende aty për fat të keq por perspektiva është e mirë dhe gjërat do ndryshojnë. Ndoshta dikush ka dashur t’ju ndihmojë por egoja e vet nuk e la që të hidhte një hap drejt jush. Gjithsesi ju do e gjeni vetë se si doni që t’ju vlerësojnë njerëzit, se cili është imazhi që doni të jepni apo të keni. Nuk keni pse ta vini dikë në një situatë të vështirë vetëm sepse ndjeni se nuk jeni të përputhshëm me dikë, nëse thoni se personi tjetër meriton më shumë. Në fakt duhet të tregoheni më tësinqertë dhe të pranoni se nga cilat situata druheni dhe cilat situata ju duken tepër të vështira. Shumë prej jush kanë pyetur veten këto kohë se pse këto ngjarje kaq traumatike emocionalisht ju kanë ndodhur. E dini që ka një arsye por që thjesht s’po e dalloni dot ende.

Edhe në javën e dytë ju duket sikur nuk po ecni dot shumë shpejt. Përpiquni që të shijoni atë që bëni dhe të bëni maksimumin sepse kjo do ju qetësojë shumë. Mund të eksperiemntoni pak me formulën tuaj të punës. Provoni pak gjëra të reja dhe mos u frikësoni. Mund t’ju duket se duhet të prodhoni vazhdimisht dhe se ngarkesa e punës nuk përfundon kurrë… por mos mos prisni që të përfundojë dhe do tregoheni edhe më realist, edhe më optimist.

Në javën e tretë të muajit energjia është shumë pozitive. Do ju bënte mirë të rrinit pranë njerëzve (pozitivë) të shenjës së Shigjetarit gjatë kësaj kohe duke qënë se do keni shumë bollëk dhe Shigjetari drejtohet prej planetit të bollëkut. Tregohuni shumë të kujdesshëm gjatë javës së tretë të muajit sepse kjo javë tregon shumë mbi ecurinë e të gjithë muajit të periudhës së Dashit. Nuk ju duhet asnjë dramë për tu motivuar, ajo është më shumë si puna e Akrepit, shenjës suaj të kundërt. Ju duhet të kapeni pas rutinës, pas asaj që është e parashikueshme, dhe mund të shkoni diku për të relaksuar trupin gjithashtu.

Në javën e katërt të muajit keni mundësi për tu përfshirë në një lidhje të re ose për t’ia filluar nga e para me partnerin tuaj, të forconi më shumë lidhjen tuaj. Ju jeni një prej venimdarrësve më të përkushtuar të shenjëve të zodiakut dhe bëni mirë të mos vononi shumë në vendimarrjen tuaj sepse energjia me të cilën do vibroni këtë muaj është kryesisht krijuese.

Në këtë muaj në përgjithësi ka mundësi që të keni shumë shpenzime, dhe duhet të dalloni pak se cfarë po ju kushton kaq shumë para dhe mbi të gjitha, cfarë po ju merr shumë kohë. Mund ta krijoni ju relaitetin tuaj por duhet të keni besim në një gjë më të madhe se vetja. Jeni të lodhur dhe prej kësaj ju këshillohet që të pushoni dhe pastaj të merrni një vendim të mençur. Qiell të mbarë.
 

Jetmira

🎧🎵💙
Dashi, parashikimi i muajit Mars 2018
Këtë muaj do ballafaqoheni shumë me veten. ثshtë periudhë kur gjërat përfundojnë, energjia e fundit tëvitit astrologjik është energji e lodhshme dhe e mjegullt, e paqartë, dhe shumica prej nesh mesi presin që të vijë periudha e ditëlindjeve tuaja dhe të fillojë viti i ri astrologjik. Bëni mirë që të shikoni me kujdes njerëzit përreth, shikoni njerëzit tek të cilët mbështetni shumë. Përpiquni që të zbuloni vetëbesimin dhe vlerën e pavarësisë sepse kjo do ju japë një harmoni dhe qetësi më të thellë se ajo kur vareni tek dikush tjetër. Gjithashtu ka dhe shumë njerëz që mbështeten shumë tek ju. Keni fuqinë për të qartësuar mendjen e shumë njerëzve, jeni ai që do i drejtojë njerëzit nga kjo periudhë e mjegullt në periudhën tuaj më të mbushur me dritë dhe qartësi. Kujdesuni njëherë për veten pastaj për të tjerët. Njerëzit mund të duan shumë që t’ju thithin energjinë por dhe paratë… shtrini këmbët sa keni jorganin dhe mos u tregoni impulsivë me blerjet apo me shpenzimet tuaja por dhe me kohën që i kushtoni të tjerëve. E bukura e këtij muaji është që do gjeni atë se çfarë duhet të bëni për të shkëlqyer më vonë.

Në javën e parë të muajit duhet të përpiqeni që të gjeni se çfarë doni të bëni, ku doni t’i investoni të ardhurat tuaja. ثshtë shumë e rëndësishme që në javën e parë të planifikoni më mirë, më me kujdes në mënyrë që të arrini të gjeni çelësin e derës të cilës i keni vënë syrin. Tregohuni më të kujdesshëm me shëndetin tuaj, përpiquni që të bëni maksimumin për t’i treguar vëmendje asaj që konsumoni dhe orarit gjithashtu.

Në javën e dytë të muajit duhet të dalloni pak se kush do të marrë vetëm pak prej jush dhe të mos përgjigjet kur ia keni nevojën. Largohuni prej njerëzve që presin që ju t’i jepni prioritet, pa dhënë asgjë në këmbim. Pra e thënë shkurt, dalloni njerëzit mosmirënjohës dhe mbyllini dyert tuaja.

Në javën e tretë të muajit do ndjeni atë të drejtën tuaj për të patur pushtet, për të patur vëmendje dhe status të lartë. Në këtë javë do jeni mbreti apo mbretëresha e jetës dhe imazhit tuaj. Ka shumë mundësi që të filloni diçka të re dhe do doni që ta filloni duke organizuar njëherë rrëmujën përreth. Njerëzit e tjerë mund të duan t’ju kontrollojnë dhe t’ju vendosin në pozicionin që atyre ju vjen më mirë, dhe jeni ju ai që duhet të tregojë më shumë dashuri dhe vlerësim për veten. A doni ta kontrolloni ju jetën tuaj apo ajo t’ju kontrollojë ju?

Në javën e katërt të muajit do korrni atë që keni mbjellur, dhe jo vetëm në muajin Mars por në zgjedhjet dhe vendimet që keni marrë më parë. Nuk fitoni shumë nëse rebeloheni, por fitoni nëse tregoheni të organizuar dhe të strukturuar. Brenda javës së katërt mund të bëni një investim të ri për të fituar në muajt pasardhës.

Në përgjithësi këtë muaj energjia është shumë transformuese. Këtë muaj duhet të mësoni se kush po ju merr dhe kush po ju jep, sa kompromis po bëni dhe a po e merrni kontrollin në dorë, siç duhet ta bëni dhe siç ju takon në fund të fundit. Këtë muaj mund të fitoni shumë dhe në një masë që s’e kemi parë prej jush prej shumë kohësh tashmë. Mos u ndjeni viktimë e suksesit tuaj, nëse e keni ndjerë këtë gjë. Mos gjeni justifikime për të vazhduar luftën dhe për tu treguar të sinqertë me veten dhe me të tjerët. Qiell të mbarë
 

Moonlight

Shine like a Moon!
Staff member
Bofsh hajer o Jetmira , se e paskam pyke ne drite horoskopit kete muaj...lol
 

Didi

C'est la vie.
Staff member
O mon lexo pak timen. Se une lexova vec rreshtin e pare.
 

Moonlight

Shine like a Moon!
Staff member
O mon lexo pak timen. Se une lexova vec rreshtin e pare.
une e lexova kur ishin germat ne rregull....qe sa futi duret Niku, dorezohem pa kushte lol

se ke hic mire Dido.....per ty e gjithe peshqit e mi te dashur , ky muaj eshte me lemsh se koha
 

Nicktjeter

Anëtar i Nderuar
Me nje cifte tia bej Saturnit pau pau se po ma ben me hile.
 

Nicktjeter

Anëtar i Nderuar
Apo qifte?
 

Tiku

Fire on Ice...
Staff member
Beje qofte e fli e ngopur..:)
 

jana80

Super Moderator
Staff member
mos me thoni qe ka njerez qe i besojn ketyre patashikimeve ...
 
Top