• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Vlorë, "Banda e Vlorës", premiera e trupës së varietesë

ReNdEx

Interist Forever

VLORE- Trupa e Varietesë e Teatrit “Petro Marko” e qytetit të Vlorës shfaqi mbrëmjen e djeshme premierën e titulluar “Banda e Vlorës”, që ishte edhe e para për këtë vit.

“Banda e Vlorës”, me regji të Agron Hamos, muzikë të Artur Dhamos dhe skenografi të Agron Jakupit, sjell për spektatorin copëza nga jeta e përditshme të trajtuara në sensin e humorit. Një bandë frymore është elementi ku merr shkas trupa realizuese me protagonistë parodistët e njohur tashmë në të gjithë vendin, për të sjellë buzëqeshjen tek artdashësit. Madje, kjo buzëqeshje ka qenë e pakursyer gjatë gjithë shfaqjes, teksa loja e Agron Hamos, Muhamet Likës dhe Afrim Agalliut, alternohej me atë të drejtueses së bandës, aktores Desantila Kristo, aktorit Artan Islami, apo me interpretimin e këngëtarëve Ludmilla Baballëku, Rovena Ibrahimi dhe Drini Kanani, si dhe shoqëruar me pjesë baleti klasik, skeçe dhe parodi të arrira.

Kjo shfaqje, e pritur mjaft mirë nga artdashësit, vlerësohet edhe si një dëshmi e ecurisë së suksesshme të trupës së varietesë, ndoshta e vetmja e këtij lloji në vend. Parodistët vlonjatë, që janë vlerësuar nga Presidenti i Republikës me Titullin “Mjeshtër i Madh”, pjesë e Estradës Profesioniste ose Trupës së Varietesë së Teatrit “Petro Marko”, vazhdojnë të përcjellin tek spektatorët krijimet e tyre përmes dinamizmit krijues dhe interpretues. Pjesë e kësaj ishte edhe premiera e re, e cila, sipas drejtorit të Teatrit, Dhimitraq Furxhi, “të jep kënaqësinë ta ndjekësh dhe të argëtohesh”. Premiera, që është financuar nga bashkia e qytetit, do të shfaqet për disa netë me rradhë.

(d.b/BalkanWeb)
 

sweetzzinna

Dum spiro, spero くる
Titulli: Vlorë, "Banda e Vlorës", premiera e trupës së varietesë

Urime Banda e Vlores.
Mbase na sillni dhe nje video:)
 
Top