• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Vëllezërit përleshen për vdekje për një stallë në Kaçanik

legjenda

Tetova
Mosmarrëveshjet e dy vëllezërve, Hysmet dhe Bektesh Leskovica, nga Korbliqi i Kaçanikut, çuan në një përleshje fizike mes tyre, ku u përfshinë edhe tre djemtë e Bekteshit. Përveç grushteve, 9 ditë më parë, gjatë përleshjes, Bektesh Leskovica dhe tre djemtë e tij, Hysmetin e qëlluan disa herë edhe me hunj. Dyshohet se nga goditjet e marra, një javë pas, gjeti vdekjen 55 vjeçari Hysmet Leskovica në QKUK. Të dyshuarit janë në arrest shtëpiak
Një stallë e bagëtive është bërë shkas i një konfrontimi fizik mes dy vëllezërve Hysmet e Bektesh Leskovica, që për pasojë pati vdekjen e të parit, një javë pas, në Qendrën Klinike Universitare të Prishtinës.

Në përleshjen që ndodhi mbrëmjen e 23 qershorit në Korbliq të Kaçanikut, pranë shtëpisë së viktimës, vëllai i tij, Bekteshi u ndihmua edhe nga tre djemtë e tij, F.L, D.L. dhe B.L.. As këta të fundit nuk kursyen grushtet për xhaxhain e tyre, madje as hunjtë.

Viktima Hysmet Leskovica, si pasojë e plagëve të marra, ishte dërguar për trajtim mjekësor në QKUK, ku një javë pas përleshjes ndërroi jetë.

“Lidhur me rastin raportohet se më datë 29.06.2016 si pasojë e lëndimeve të marra, në QKUK-Prishtinë ka ndërruar jetë viktima mashkull K-Shqiptar. Me urdhër të prokurorit trupi i pajetë i viktimës dërgohet në IML për obduksion”, ka njoftuar Policia të enjten në raport.

LEXO EDHE
Arrestohen tre hajna, 6 muaj pasi vodhën stoli ari në Prizren
Bëhet e ditur se Bektesh Leskovica dhe tre djemtë e tij ishin arrestuar dhe intervistuar nga Policia menjëherë pas përleshjes së 23 qershorit, për të pasur ndaj tyre masa e arrestit shtëpiak me vendim të gjykatës.

“Hetuesit policor kanë arrestuar të dyshimtit B.L.,F.L.,D.L. dhe B.L. ku pas intervistimit, në konsultim me Prokurorinë Shtetit, është marrë masa e ndalimit policor prej 48 orëve dhe pas skadimit të kësaj mase është shqiptuar masa e arrestit shtëpiak për të gjithë të dyshuarit”, ka njoftuar Zyra për Informimin e Policisë në Ferizaj.


E pamja në oborrin e shtëpisë së viktimës
Gazeta Express ka qëndruar të enjten në Korbliq, një fshat malor me rrugë vështirë të kalueshme, mes Kaçanikut dhe Vitisë, për të biseduar me familjen e viktimës, porse askush nga ta nuk deshi të bisedonte me gazetën.

Arsyetonin se po merreshin me njerëzit që vinin për të parë, e me ceremoninë e varrimit të viktimës, që u bë rreth orës 17.

Me askënd, Gazeta Express, nuk arriti të bisedonte as në shtëpinë e Hysmet Leskovicës, i cili bashkë me djemtë prej vitesh jeton në fshatin Kabash të Vitisë.


Shtëpia e Bektesh Leskovicës në Kabash të Vitisë
Për çudi, të enjten në mesditë, kur gazeta qëndroi atje, askush nuk ishte në shtëpi, edhe polica pohon se 4 personat e dyshuar ndodhen në arrest shtëpiak.

Rasti i cilësuar si rrahje me lëndim të rëndë trupor me pasojë vdekjen është duke u hetuar nga Prokuroria e Shtetit dhe njësitet rajonale të hetuesisë.
http://www.gazetaexpress.com/
 

Violetta

>> KS- AL. etnike <<
Titulli: Vëllezërit përleshen për vdekje për një stallë në Kaçanik

turp....... perleshje per vdekje vella me vella.

Te keni turp....!!!
 

jana80

Super Moderator
Staf në FV.AL
Titulli: Vëllezërit përleshen për vdekje për një stallë në Kaçanik

Varferia ,ligji i gjumgles me i forti seleksionimi i species me te forte arrin te fshi te njejtin gjak qe rrjedh ne venat e tyre. Vleresova ne ket artikull heshtjen dhe mos degjenerimin e metejshem te nje incidenti familjar te pakonceptueshem... Uroj qe gjithcka te kete marr fund me kete viktime e te kapercehet ndjenja e hakmarrjes pasi do trasformohej ne nje zingjir fatkeqesish.
Zoti mdihmofte familjen e te pandjerit dhe lehtesofte ndjenjen e fajt te te vellait te trasformuar ne vrases.
 
Top