• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Universitetet, kuotat e pranimit për 2010-n

E3

Anëtar i Nderuar

Rritje e pranimeve me 11%, kërkohet vendosja e internetit në universitete, përkthimi i teksteve

Pas provimeve të maturës, vëmendja kryesore e maturantëve dhe familjarëve të tyre është lidhur me kuotat e pranimeve në universitete. Dje është publikuar numri i kuotave të propozuara dhe të miratuara në vija të trasha në mbledhjen e djeshme të qeverisë. Janë plot 21725 kuota pranimi në universitetet në të gjithë vendin për vitin akademik 2010-2011. Lajmi është konfirmuar nga Ministria e Arsimit dhe Këshilli i Ministrave, i cili ka miratuar në parim këtë shifër, propozim i dekanateve në universitetet shqiptare. Sipas bilancit, duke krahasuar kuotat e pranimeve nga viti në vit, për 2010-n kemi një rritje të pranimeve me rreth 11 për qind. Mendohet që kuotat do të jenë përfundimtare, megjithatë të drejtën për të bërë shtesa apo për miratimin e të drejtave të tjera të studimit, e ka vetëm ministri i Arsimit apo iniciativat e nisura prej tij. Nga ana tjetër, sipas diskutimeve të bëra dje në mbledhjen e qeverisë, nuk do të ketë ndryshim të tarifës së shkollimit. Ajo do të jetë e njëjtë si vitin që lamë pas dhe nuk do të ketë as ulje dhe as rritje. Projektvendimi i kuotave të pranimit të studentëve në universitete, si dhe i pikave një për një, mendohet se do të miratohet nga qeveria javën e ardhshme.
Degët me më shumë kuota

Për vitin e ri akademik, dega e Gjuhë Letërsisë do të ketë 550 kuota, Anglishtja 680 kuota, 790 kuota në degën e Drejtësisë, 710 në Teknologjinë e Informacionit, 980 në Financë dhe Kontabilitet.
Ashtu siç ka theksuar në mbledhjen e qeverisë edhe Kryeministri, ka një rritje të kuotave në degën e Anglishtes dhe Teknologjisë së Informacionit. Po ashtu, më shumë kuota këtë vit janë propozuar në degën Financë-Kontabilitet, në Drejtësi, Gjuhë Letërsi, por edhe në degën e Fizikës, me plot 300 pranime. 190 të drejta studimi janë shpërndarë në degën e Historisë, Gjeografisë dhe Histori-Gjeografisë.
Detyrat

Para nisjes së vitit të ri akademik dhe para miratimit nen për nen të projektvendimit për kuotat, pranimet dhe tarifat në arsimin e lartë, Kryeministri Sali Berisha ka lënë disa detyra për t’u parë me vëmendje nga ana e dikasterit të arsimit. Konkretisht kërkohet nga Ministria e Arsimit të gjejë mundësitë si dhe të japë të gjithë asistencën e nevojshme për krijimin e infrastrukturës me internet në të gjitha institucionet e arsimit të lartë. Po ashtu kërkohet nga Ministria e Arsimit të marrë të gjitha masat për nisjen e punës për përkthimin e botimeve dhe hapjes së tregut të teksteve me Malin e Zi, Kosovën, Maqedoninë.

Të gjitha këto detyra janë për t’u plotësuar para nisjes së vitit akademik, ndërkohë që Ministria e Arsimit do të jetë edhe më e angazhuara në këto muaj të verës, kur po kujdeset si për rezultatet e maturës shtetërore, ashtu edhe reformën në arsim, verifikimet e mësuesve të arsimit parauniversitar, si dhe realizimin e ndryshimeve e sjelljen e risive deri në muajin shtator.
Shqip
 
Top