• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Turizmi

sweetzzinna

Dum spiro, spero くる
Turizmi është praktika, veprimi i marrë nga ata që udhëtojnë apo vizitojnë vende me qëllim zbavitjeje, njohurie dhe mësimi; sipas definicionit te Organizatës Botërore të Turizmit (World Tourism Organization, një nga departamentet e Kombeve te Bashkuara), turist quhet gjithkush që udhëton në vende të ndryshme nga ai në të cilin ka rezidencën aktuale, jashtë ambientit të përditshëm personal, për një periudhë prej minimumi një nate por jo më gjatë se sa një vit dhe qëllimi i tij i zakonshëm të mos jetë asnjë lloj veprimtarie nga e cila të përfitojë ekonomikisht. Në këtë term përfshihen të gjithë ata që udhëtojnë për: dëfrim, pushim dhe çlodhje; për të vizituar miq dhe të afërm; për motive pune dhe profesionale, për motive shëndeti, besimi/pelegrinazhi dhe tjetër.

Turizmi në Shqipëri



Turizmi bregdetar
Përkatësisht turizmi pranë detit i përqendruar në perëndim të vendit dhe veçanërisht në Velipoje, Shen Gjin, Durres, Vlore, Riviere dhe Sarande, Ksamili është mese i frekuentuar. Këto qytete ofrojnë dhe një numër të madh shërbimesh, hotele dhe restorante, duke tërhequr vitet e fundit vëmendjen e turistëve të huaja.


Turizmi i parqeve turistike

Vendet historike si : Apolonia (Fier) dhe Butrinti (Sarandë), kanë rritur ndjeshëm grupet e huaja turistike, dhe ato vendase të organizuara nga shkollat dhe universitetet shqiptare dhe ato në Kosovë e Maqedoni. Rritja e interesit ka ardhur si rrjedhojë e një reklamimi më të dendur në mediat shqiptare dhe ato ndërkombëtare të kulturës, traditave dhe historisë së vendit tonë, veçanërisht nga ana e Ministrisë së Turizmit të Shqipërisë.


Turizmi malor
Në veri është hapur projekti i 40 haneve me mbështetjen financiare të projektit të GTZ-se. Në jug të vendit ndjehet nevoja e një mbështetje por, gjithsesi, banorë të jugut kanë hapur shtëpitë e tyre dhe po i shfrytëzojnë për qëllime turistike, pavarësisht se ju mungon asistenca e donatoreve si ajo që është dhënë në veri të vendit.

Në momente të vështira klimaterike psh. Reshjet e dëborës ndikojnë pozitivisht në zhvillimin e turizmit të bardhë ose malorë pasi bëhen aktivitete si : ski, patinazh etj.


Kruja



Berati





Gjirokastra




Gjithnjë e me shumë turizmi po shndërrohet në furnizuesin kryesor të ekonomisë më të ardhura. Për herë të parë këtë vit, turizmi u ngjit në krye të klasifikimit për sa i përket prurjeve valutore në ekonominë vendase nga jashtë. Vlerat monetare që u përfituan kaluan dërgesat e emigranteve, të ardhurat nga eksportet dhe të ardhurat që futen nga investimet direkte, duke u shndërruar në një burim madhor të ardhurash dhe punësimi. Mirëpo zhvillimi spontan i pambështetur me strategji të qarta dhe cilësi shërbimesh, nuk mund të shndërrohet në një mjet të qëndrueshëm për të garantuar ritme të larta rritjeje.

Për 9-mujorin, të ardhurat nga turizmi arritën në 754 milionë euro, një vlere kjo rreth 28 për qind më e larte se vlera e eksporteve të mallrave. Sipas autoritetit qendror bankar, rritja vjetore e të ardhurave nga turizmi vlerësohet në rreth 23 për qind. Ritmet e rritjes së këtij sektori, në fakt, rezultojnë të jenë më të larta se në çdo sektor tjetër. Ekspertet shpjegojnë se, hapësirat për një rritje më të larte janë të mëdha, por parashikueshmëritë e sakta mungojnë. Sipas strategjisë aktuale për zhvillimin e turizmit, e cila është aktualisht në fuqi, të ardhurat nga ky sektor deri në vitin 2012 duhet të arrijnë në 464 milionë dollarë. Ndërkohe jemi të paktën pesë vite në kohe para këtij parashikimi, ku prurjet nga turizmi në fund të vitit 2006 ishin më shumë se 800 milionë euro. Vetëm nga janari deri në shtator të këtij viti e kanë vizituar vendin tonë 1 milion e 600 mije persona, ndërsa strategjia parashikon që deri në vitin 2012 numri i vizitoreve të arrinte në 1 milion e 250 mije persona. Parashikueshmëritë kanë dështuar edhe në shumë tregues të tjerë, por mungesa e vizionit duket se në këtë rast ka shërbyer për mire. Pasi, duke iu referuar traditës, strategjitë janë shumë më optimiste, nga ajo që ndodh në të vërtete. Në rastin e strategjisë së turizmit parashikimet për pritshmeritë ekonomike kanë rezultuar shumë më të ulëta se ajo çfarë ka ndodhur në realitet.

Organizata Botërore e Turizmit i sugjeron Shqipërisë të ndjeke një model ndryshe të zhvillimit të turizmit nga Kroacia dhe Mali i Zi, modele që cilësohen jo fort të suksesshme në vijimësinë e industrisë turistike. Këshilla vlen në kuadër të sipërmarrjes së fundit për zhvillimin e turizmit në zonën e jugut, e prezantuar pak dite më parë, e cila pritet të jetë e para që do të marre edhe konsensusin e komunitetit.
Por pa u zgjidhur çështja e pronësisë në zonat turistike ka shumë pak shanse për t’u ofruar investitore serioze e për rrjedhoje për të ofruar në një të ardhme shërbime konkurruese me vendet e tjera të rajonit. “Kakomeja” është tashme një precedent për apel te të gjitha grupeve të interesit, që të gjejnë zgjidhje emergjente për zhbllokimin e sektorit nga turizmi spontan.
Turizëm bregdetar
Durrësi : sot është qyteti port më i rëndësishëm i Shqipërisë si destinacion turistik. Në pjesën jugore ndodhet plazhi i tij, i gjatë më shumë se 10 km. Gjatë periudhës verore në Durrës vijnë më shumë se 150.000 turiste në ujerat e detit Adriatik. Monumentet e qytetit antik i kanë rezistuar kohës dhe janë akoma sot në një gjendje të mire. Durrësi është një destinacion interesant për turizmin historik.
Vlora : më një popullsi prej 150.000 banoresh ndodhet në jugperëndim të Shqipërisë, në bregdetin Adriatik. Vlora është një qendër turistike dhe përgjatë plazheve të saj do të gjeni shumë hotele dhe restorante.
Saranda : qyteti i bukur i Sarandës ofron një stil dhe atmosfere të veçante. Panorama e detit, shumëllojshmëria e florës, e favorizuar dhe nga klima e bute, e bëjnë Sarandën një qendër kryesore pushimesh dhe një qytet të rëndësishëm turistik. Saranda ndodhet në një gji të hapur deti, përballe ishullit grek të Korfuzit.
Divjaka : Plazhi i Divjakës, i gjatë rreth 12 km, është një nga bukuritë natyrore më mire të konservuara në Shqipëri. Plazhi në të shumtën e rasteve frekuentohet nga banoret vendas ose vizitoret e ardhur nga qyteti i Lushnjes, por edhe nga turiste të tjerë.
Velipoja : Plazhi i pashfrytëzuar i Velipojës në qytetin e Shkodrës ofron mundësi të reja zhvillimi të turizmit bregdetar.


Turizmi malor


Voskopoja : ndodhet rreth 21 km nga Korça mbi një pllaje 1160 m mbi nivelin e detit. Karakteristike e vendit është ajri i pastër dhe uji i freskët dhe kurativ. Gjatë dimrit mund të praktikohet sporti i skive. Fshati është një nga zonat me tërheqëse nga këto ane të Ballkanit.
Razma : Fshati i Razmës ndodhet rreth 41 km në veri të Shkodrës ; është vendi ideal për të praktikuar alpinizmin malor dhe skitë. Fshatrat e tjerë rreth tij, Vermosh, Boga dhe Vukli janë unike për bukurinë e tyre natyrore. Fshati të ofron mundësi akomodimi për vizituesit.
Parku Kombëtar i Luginës së Valbonës : Parku ka një siperfaqe prej rreth 8.000 hektarësh dhe ndodhet 25-30 km në veri të qytetit të Bajram Currit. Vlerat e tij shkencore, turistike dhe kurative janë të kombinuara me një bio-diversitet të rëndësisë kombëtare dhe ndërkombëtare.
Parku Kombëtar i Thethit : Gjendet në Alpet shqiptare, pranë Bjeshkëve të Namuna, 70 km nga Shkodra, ka një siperfaqe rreth 2.630 hektarë. Një monument natyror vërtete interesant është ujëvara e Grunasit. Ujerat e saj zbresin nga një lartësi prej 30 metër.
Parku Kombëtar i Malit të Dajtit : Gjendet në pjesën lindore të kryeqytetit dhe mbulon një siperfaqe prej 3.300 hektarë. Fauna këtu është e një shumëllojshmërie të madhe dhe e një interesi të madh. Parku është një zonë ku rriten disa gjitare të mëdhenj, si derri i egër, ujku, dhelpra, ariu, macja e egër etj.


Turizëm historik


Butrinti : me emrin e lashtë Buthrotum shtrihet rreth 18 km në jug të Sarandës. Pranë tij ndodhet edhe liqeni me ujë të kripur me të njëjtin emër. ثshtë një nga sitet më interesante arkeologjike në Shqipëri, ku vlera të veçanta ka teatri me forme gjysme-rrethi.
Durrësi : sot është qyteti port më i rëndësishëm i Shqipërisë. Në pjesën jugore ndodhet plazhi i tij i gjatë më shumë se 10 km. Gjatë periudhës verore në Durrës vijnë më shumë se 150.000 turiste në ujerat e detit Adriatik. Monumentet e qytetit antik i kanë rezistuar kohës dhe janë akoma sot në një gjendje të mire. Durrësi është një destinacion interesant për turizmin historik.
Kruja : Kalaja e Krujës u ndërtua gjatë shekujve të 5-të dhe 6-te. Ka një forme eliptike me siperfaqe prej 2.25 hektarësh. Muret rrethuese janë të përforcuara nga 9 kulla, të cilat shërbenin për vëzhgim dhe sinjalizim gjatë periudhave të luftërave. Brenda mureve të kalasë gjenden ende disa shtëpi të banuara.


Aspekte kritike dhe tendenca aktuale


Ndryshimi në infrastrukture ka rritur ndjeshëm interesin për të vazhduar investimet në këtë fushë, duke sjellë një bum ndërtimesh si në bregdet ashtu dhe në pjesët e tjera të vendit. Mund të themi se Shqipëria se shpejti do të mund të përmirësojë imazhin e saj me anë të bukurive që natyra i ka falë dhe ekonominë me fitimet që kjo industri sjell përditë.
Megjithatë shqiptaret harxhuan në vitin 2009 222 milionë euro për pushime jashtë vendit të tyre dhe krijuan kështu një deficit prej 20 milionë Euro.



Kështjella e Petrelës në Tiranë







Dhermiu,Riviera shqiptare






Himara





Vlora







Turizmi në Kosovë

Me turizëm nënkuptojmë lëvizjen e njerëzëve me qëllim rekreacioni , argëtimi, shërimi dhe zgjerimi të njohurive kulturore. Edhe pse Kosova është hapësirë e vogël gjeografike, me motivet natyrore dhe njerëzore që ka , ofron mundësi të mira për zhvillimin e disa llojeve të turizmit vendës, rajonal, ndërkombëtar, stacionar dhe transit. Kosova ka vende turistike që mund të shfrytëzohen nga populsia e vet për ekskursione, për sport, rekreacion, pushim, kulturë, për arsim e edukim. Mirëpo, ky lloj turizmi nuk ka qenë dhe ende ka mbetur i pazhvilluar sa duhet.

Deri në vitet e shtëdhjeta në mungesë të rrugëve të mira , në Kosovë kishte pak lëvizje turistike edhe pse Kosova ka pozitë të mirë gjeografike. Pas viteve të shtatëdhjeta me ndërtimin dhe modernizimin e rrjetit rrugor automobilistik dhe përmirsimin e gjendjes ekonomike , fillojnë lëvizjet turistike te shtohen.
Qarkullimet turistike lokale, individuale, familjare e grupore me qëllim pushimi e rekreacioni bëhen sidomos gjatë verës për t'u freskuar pran baseneve, lumenjëve, liqeneve, ose gjatë stinës së dimrit në qendrat e skijimit (Brezovice e Rugove) e gjetkë. Në periudhën pas luftës në Kosovë është ndërtuar numër i madh i pishinave, të cilat tërheqin numër të madh të klientelës së re turistike.

Turizmi malor në Kosovë

Malete e Sharrit perkatesisht Prevalla, Brezovica. Bjeshket e Nemuna(Rugova). Me vjen keq por keni harruar majen e Gjeravicës e cila dihet se eshte maja ma e lart me lartesi mbidetare 2656m

Shtigjet skitare në Kosovë


Bjeshkët e Alpeve shqiptare (Bjeshkët e Nemura)

Rajoni i Rugovës i ka shtigjet më cilësore për skijim. Natën këtu u organizuan edhe garat e para të Kosoves që janë me rendësi të madhe për këtë sport.

Qendrat më të njohura të Alpeve Shqiptare janë : Bogët, Hajla, Rusolia, Shtedimi, Bjeshkët e Strellcit, Koprivniku, Bjeshkët e Lumbardhit, Rrasa e Zogut, Gjeravica, Maja e Rupes, Neqinati, etj., që përfshijnë lartësinë mbidetare deri në 2656 metra.
Qendra Skitare në Bogë Këtu lindi skitaria e Kosovës, tani në këtë Qendër është i montuar një skilift me gjatësi deri në 1000 metra dhe ka objekte të ngritura për vendosjen dhe organizimin e garave të ndryshme të Kosovës dhe ndërkombëtare.

Bjeshkët e Sharrit


Në Bjeshkët e Sharrit, ekzistojnë këto rajone të shijimit : Brezovica, Livadhet Mbretërore, Skarpa, Radesha, Restelica, Lybeteni, Piribegu, Maja e zezë, etj, që përfshijnë lartësinë mbidetare deri në 2522 metra.
Qendra skitare në Brezovicë, është qendra kryesore e shijimit në Kosovë dhe ka 9 shtigje skitare me 9 skilifte dhe teleferikë, me hotele të kategorive të larta për vendosjen e një numri të madh pjesëmarrësish për gara të ndryshme të Kosovës dhe ndërkombëtare.

Bjeshkët e Shalës së Bajgorës


Edhe Bjeshkët e Shalës së Bajgorës janë mjaft të pasura me shtigje ideale për skijim në borë dhe mbi bar. Sipas ekspertëve ndërkombëtar J. Iten dhe M. Rey, analizuan dhe vërtetuan se nga 25 masive malore të ish-Jugosllavisë shuma e denivilacionit të shtigjeve të skijimit arrin 365.462 metra, prej të cilave 105.950 metra ose 28,98 % gjinden në Bjeshket e Alpeve Shqiptare (Bjeshkët e Nemura) dhe 103.770 metra ose 28,38 % gjinden në Bjeshkët e Sharrit, ndërsa 155.922 metra ose 42,64 % gjinden në të gjitha masivet malore të ish-Jugosllavise.
Prandaj, Bjeshket e Alpeve Shqiptare dhe të Sharrit, kanë shtigje cilësore për skijim, të garave ndërkombëtare që gjatësia e këtyre shtigjeve mund të arrij deri në 5000 metra.




Pra Kosova si teresi ndahet ne 5 rajone turistike
1.Rajoni Turistik i Prishtines ,
2. Rajoni turistik i Malit Sharr,
3. Rajoni Turistik i Anamoraves .
4.Rajoni Turistik i Alpeve Shqiptare
5. Rajoni turistik Qendrore i Kosoves ku njekohesisht hyne ne Rajonin turistik te Prishtines.


Turizmi shëndetësor në Kosovë

Kosova ka banjo rehabilituese dhe ka resurse natyrore te cilat jane deshmu te sherueshme sa i perket Airit dhe Ujnave qe ka sidomos ne Alpetshqiptare(gjegjsisht ne bjeshket e Deqanit). Efektiviteti i tyre eshte i shumeanshem, marre parasysh shumellojshmerin e bimeve dhe airit te paster qe e ofron lartesia e Alpeve me lartesi mbidetare prej 2656 metra-Maja e Gjeravices-Deqan.Prandaj me nje investim ne infrastrukture kjo do te jete e perjetueshme dhe do te sjelle sherim te 100% te atyre personave qe vuajn nga semundjet e frymemarrjes dhe shum semundjeve te tjera te cilat drejt perdrejte kan ndikim ne mushkerit e njeriut.

Objekte natyrore në Kosovë


Shpella e Gadimes,Bifurkacioni ne fshatin Nerodime(Ferizaj),Ujevara e Mirushes, Burimi i Drinit të Bardhë.

Objekte kulturore-historike në Kosovë



  • Shtepia e Lidhjes se Prizrenit që përbehet nga shtëpiza me dhomen muzeale si dhe një hapsirë gjysemharkore me të dhëna sa hitorike aq edhe etnografike dhe vlera artistike.
  • Muzeu Arkeologjik Prishtine
Wikipedia
6561df.jpg

14141157.jpg
 

Passion

Antarë i Respektuar
Shpesh here e diskutoj me miq e shoke ecurine e turzmit ne Shqiperi,qe e mendoj se eshte e vetmja arme qe i ka ngel per t'u shfrytezuar ne maksimum,e duhet dhene prioritet.
Nga bisedat e ndryshme ne kete sektor njerin nder problemet eshte edhe ajo e te pajisurit me nje staf te kualifikuar.
Eshte e habitshme ne Shqiperi kur ne njeren ane kerkojme ata te kualifikuar,e kur behet fjale per te pagese ajo eshte ne nje nivel mjaft e ulet ne krahasim me vendet tjera,qofshin e per vendet fqinje,sikurse Maqedonia,Mali i Zi,Greqia po se po.

Pas nje publiciteti qe i'u be e ne emisionin Opinion te Fevziut Grand Blue Fafa Resort,me daten 1 Qershor kjo kryeveper nisi pune ne sezonin veror.
Ekzakt s'di ne ka nje strategji per ta paraqitur Shqiperine si nje vend ku mund te terheqe me shume turiste neper panaire te ndryshme,por solla ca foto te marra per ta njohur e ata antare qe se njohin kompleksin Fafa.

Mund ti shtohen temes postime te ngjashme nqs kini. :)





 

kitrra 123

plak gjufurrak
Turizmi jo vetem se eshte e vetmja arme por eshte e ardhmja e Shqiperise. Ky resori qe keni sjell ju Passion u ndertua brenda nje viti.

Turizmi eshte zhvillimi ekonomik ne doren e qeverise. Lirisht mund ete them se Shqiperia eshte e verigjera e Evropes per sa i perket turizmit. Turizmi detar i kombinuar me turizmin malor jane gjerat ku Shqiperia duhet te investoje. Them dhe jo rralle me mbushet mendja se Shqiperia ka humbe hapin me zhvillimin e turizmit ngase shume me shpejt turistet po e vizitojne Shqiperine se sa ajo qe po behet gati.

Ajo qe me befasoi keto dite ne Durres ishte se thuajse asnje biznes atynuk bisedonte per sezonen qe ka filluar por qysh tani kishin filluar me investu per sezonen e ardhshme e cila flitet se do te jete shume e bujshme. Kjo gje te jep shprese.
 
Top