• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Tre elementët e rinj të deklaratës bombë të Yuri Kim për sulmet ndaj SPAK

NeVertiti

Kohe & Stine
Staf në FV.AL
Tre elementët e rinj të deklaratës bombë të Yuri Kim për sulmet ndaj SPAK
1596977035675.png


Ka qenë më e qarta dhe më e prera se asnjëherë tjetër deklarata e sotme e ambasadores amerikane në Tiranë Yuri Kim.



Duke komentuar zhvillimet politike pas disa hetimeve të nisur nga SPAK, ku protagonist ka qenë edhe një botues i njohur, ambasadorja tha qartë: "Rastet e rëndësishme shpesh shoqërohen me fushata të shtrenjta për të hedhur dyshime dhe konfuzion, për të blerë ndikim, për të mohuar të vërtetën, për t'i shpëtuar drejtësisë. Le të jemi të qartë: kjo ka të bëjë me dënimin e kriminelëve të njohur - asgjë më shumë, asgjë më pak. Ne mbështesim fuqimisht SPAK & ASP”.

Kjo deklaratë ka tre elementë: e para dhe më e rëndësishme, çdo fushatë që do të bëhet në të ardhmen për të sulmuar SPAK apo hetimet ndaj VIP-ave apo personazhet e njohur, nuk do t’i kushtohet rëndësi.

Siç thotë edhe ambasadorja “kjo ka të bëjë me dënimin e kriminelëve të njohur”.

Elementi i dytë: Bëhet fjalë për “fushata të shtrenjta”, pra që po paguhen shumë para për të mbrojtur “kriminelët e njohur”.

Elementi i tretë: “Ne mbështesim fuqimisht SPAK e ASP”. Por ka edhe një element shtesë këtu, që deklarata e Yuri Kim është jo thjeshtë për rastin e ditëve të fundit, por për rastet e ditëve të ardhshme që duket do të jenë tronditëse.

Nëse shikohet me vëmendje, ka pasur dy qëndrime: një të ambasadës zyrtarisht, por edhe të ambasadores me emër e mbiemër. Pra zonja Kim ka sfiduar ata, sulmuesit e diplomatëve të SHBA që për disa vite nuk lanë gjë pa thënë për Donald Lu-në, të përsërisin atë retorikë edhe për të. Ka shumë gjasë, që ambasadorja kërkon t’i sfidojë e t’i ofrojë në betejë kush janë, ta dijë kush i mbështet dhe financon me “fushatë të shtrenjtë”. E pastaj normalisht të japë jo thjesht një opinion, por edhe një qëndrim zyrtar. Një strategji perfekte; e hapur, direkte; SHBA mbështet SPAK, kush sulmon për çështjet e rëndësishme të presin gjyqin.

Fundja a nuk u bë kështu edhe për Saimir Tahirin? Nuk ka dy standarde...
g.shqip
 
Top