• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Tirana Fan Zonë, qindra ndjekin nisjen e Europianit

NeVertiti

Kohe & Stine
Staf në FV.AL
Tirana Fan Zonë, qindra ndjekin nisjen e Europianit



Qindra qytetarë nga kryeqyteti kanë shijuar nga sheshi Nënë Tereza ceremoninë e hapjes së Euro 2016 dhe më pas emocionet e sfidës Francë – Rumani.

Madhështinë franceze dhe golin e Xhiru, tifozët shqiptarë e kanë ndjekur Live nga “Fan Zone”, ambient i ngritur nga Bashkia e Tiranës enkas për euro 2016.

Nëpërmjet një ekrani gjigand të vendosur në qendër të sheshit Nënë Tereza, por edhe në shoqërinë e aktiviteteve të ndryshme, qytetarët do të kenë mundësinë të shijojnë 30 ditët e Kampionatit Europian dhe për më shumë të mbështesin kombëtaren shqiptare në sfidat ndaj Zvicrës, Francës dhe Rumanisë.

Drejtuesit e bashkisë kanë theksuar se në ditët kur kuqezinjtë do të zbresin në fushë, Tirana Fan Zone mund të presë deri në 30 mijë spektatorë.

/ Top Channel




Granit Xhaka mesazh prekës Taulantit: Do jesh model për mua




E ndërsa na mbeten vetëm pak orë para debutimit të kombëtares shqiptare në një kompeticion europian, një mesazh prekës vjen nga Granit Xhaka kushtuar vëllait të tij që do të luaj për fanellën kuqezi.

Natyrisht që emocionet më të mëdha e ndeshjes Shqipëri-Zvicër u takon Granit dhe Taulant Xhaka, kur për herë të parë në historinë e Europianit dy vëllezër do të zbresin në fushën e blertë për të luajtur si kundërshtarë.

Ai më i vogli, Taulanti, do të mbrojë ngjyrat kuqezi, ndërsa vëllai më i madh, Graniti, do luajë bashkë me 4 shqiptarë të tjerë për kombëtaren e Zvicrës.

Ky i fundit përmes rrjetit social “Facebook” ka postuar edhe një mesazh dedikuar vëllait të tij.

“Vëllai im dhe unë kemi qëndruar bashkë pavarësisht çfarë ka ndodhur. Nesër do të jetë hera e parë që ne do të përballemi me njëri tjetrin në fushë si kundërshtarë dhe unë shpresoj që të jetë hera e parë dhe e fundit. Ne do t’i tregojmë botës se edhe pse jemi kundërshtarë në 90 minuta ne do të qëndrojmë së bashku ashtu siç bën një vëlla. Një ndeshje nuk mund të na ndajë as si shokë dhe as si vëllezër. Të uroj shëndet dhe shumë fat në ndeshjen e nesërme dhe ti do të mbetesh gjithmonë model për mua”, shkruan Granit Xhaka.

/ Top Channel
 
Top