• Në 21 shkurt, 3 javë më parë, Italia kishte në total vetëm 16 raste me koronavirus,aq sa ka pak a shumë Shqipëria sot. Papërgjegjshmëria bëri që Italia të ketë afro 15 mijë të prekur, 1000 të vdekur e 2000 të tjerë në gjendje kritike dhe të shpërndajë virusin në gjithë Europën. Urojmë që të gjithë të bëhemi aq të përgjegjshëm sa mos të bëhemi pas 3 javësh, ajo që është Italia sot.

Sulm masiv: Hakohen institucionet kryesore në Kosovë

Violetta

>> KS- AL. etnike <<
Sulm masiv kibernetik i Serbisë në Kosovë: Hakohen të gjitha institucionet kryesore


Institucionet e Kosovës janë goditur nga një sulm i fuqishëm kibernetik që vjen nga Serbia. Sistemi i postës elektronike është hakuar në tërësi. Gazeta Express ka siguruar njoftimin që Qeveria e Kosovës i ka dërguar ambasadave kosovare për t’i njoftuar rreth këtij sulmi. Janë hakuar email-at zyrtare të shtetit, e kanë frikë se ky sulm mund të zgjerohet. Qeveria i ka njoftuar të gjithë institucionet se kanë pasur një sulm masiv që vjen prej Serbisë, Bosnjës e Maqedonisë.


“Ju njoftojmë qe sot prej orës 10:00 kemi pasur sulm kibernetikë masiv dhe i cili është duke vazhduar ende. Sulmi është shume i organizuar dhe vjen nga Serbia, Bosnja dhe Hercegovina dhe tani kur po e bëjë ketë njoftim ka filluar edhe nga Maqedonia”, thuhet në njoftimin që e ka siguruar Express prej burimeve në Qeveri.


Cak i këtij sulmi kanë qenë komunikimet e postës elektronike zyrtare të zyrtarëve të institucioneve të Kosovës, kryesisht në adresë të zyrtarëve diplomatikë. “Qëllimi i këtij sulmi duket të jetë qe të pamundësoj komunikimin zyrtar të institucioneve te Kosovës përmes postes elektronike zyrtare”, thuhet në njoftimin që Qeveria e Kosovës u ka dërguar institucioneve shtetërore.


Qeveria, siç thuhet në kumtesën e saj, ka marrë masa që të mbajë në funksion postën elektronike.
“Agjencia e Shoqërisë së Informacionit-ASHI, ka realizuar te gjitha intervenimet e nevojshme ashtu qe të mbaj funksionale shërbimin e postes elektronike zyrtare si dhe jemi në koordinim më departamentin për krim kibernetike në policinë e Kosovës”. Ndërsa, kanë frikë se ky invazion mund të zgjerohet edhe në shërbimet e tjera elektronike.


"Ky sulm kibernetik mund të zgjerohet edhe ne shërbimet tjera elektronike online si dhe në institucionet tjera, prandaj Agjencia e Shoqërisë se Informacionit-ASHI në kuadër të kapaciteteve njerëzore dhe teknike që posedon, është e angazhuar në parandalimin e pasojave të mundshme nga ky sulm." Gjithashtu, ambasadat njoftohen që komunikimet elektronike nga posta elektronike zyrtare me këto vende të cilat janë burim i këtij sulmi kibernetik janë të kufizuar pas ndërhyrjeve qe kanë bër.




A.A /Exp/
 
Top