• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Shumica e xhamive në Gjermani hapen nga 9 maji

legjenda

Tetova
Shumica e xhamive në Gjermani hapen nga 9 maji
Publikuar 21:18 1 Maj, 2020



Men And Women All Over The World Envy This Indian Beauty
ZestRadar



Shumica e xhamive në Gjermani, të cilat u pezulluan për një kohë në kuadër të masave kundër koronavirusit të ri (COVID-19), do të hapen për adhurim nga data 9 maj.
Vendimi erdhi pasi kancelarja gjermane Angela Merkel dje njoftoi një zbutje të re të masave kufizuese kundër virusit.
Në njoftimin e publikuar nga Këshilli Koordinues i Muslimanëve të Gjermanisë (KRM), i formuar nga komunitetet kryesore islame në vend, thuhet se hapja e xhamive do t’i nënshtrohet kushteve të caktuara dhe se këto rregulla duhet të respektohen.
Sipas të dhënave të përpiluara nga Anadolu Agency (AA), në xhamitë e organizatave të mëdha si Unioni Islam Turk i Çështjeve Fetare (DITIB), Unioni i Qendrave Kulturore Islame (VIKZ), Këshilli Qendror i Muslimanëve të Gjermanisë (ZMD), Organizata “Milli Görüş” e Bashkësisë Islame (IGMG), nga 9 maji, në fazën e parë me xhemate do të falen vetëm namazi i sabahut, drekës dhe ikindisë, ndërsa mukabelet do të lexohen në baza ditore nga ora 12:30.
Në këtë fazë, namazi i xhumasë dhe teravisë në këto xhami nuk do të falen deri në një vendim të dytë.
Afishet e përgatitura në lidhje me këtë zhvillim, fletëpalosjet dhe reklamat publike do të publikohen të dielën.
– Vendimi përshëndetet nga KRM
Në një deklaratë me shkrim nga KRM, theksohet se vendimi që vendet e adhurimit në nivel federal të mund të hapen me kusht që të përmbushen kushte të caktuara është i mirëseardhur.
Zëdhënësi i KRM-së, Burhan Keser, deklaroi se adhurimi është domosdoshmëri e besimit të tyre dhe deklaroi se vendimet e marra për të mbrojtur jetën dhe shëndetin e njeriut duhet të respektohen.
Ai gjithashtu tha se ata luten për përfundimin e kësaj pandemie sa më parë.
– Dërgohet rregullore me 16 pika
Ndërkohë, kryetarëve rajonalë të organizatave në Gjermani u është dërguar rregullore prej 16 pikash me temë “Koronavirusi dhe procesi i normalizimit”, me nënshkrim të Kemal Ergün, kryetarit të përgjithshëm të IGMG-së.
Në shkrimin e Ergün, kërkohet që kur të hapen xhamitë, të zbatohen rreptësisht rregullat që janë thelbësore në luftën kundër COVID-19.


Në listën e përgatitur, disa nga rregullat që duhet zbatuar janë si në vijim:

“Zbatimi i distancës prej 1,5 metrash në të gjitha mjediset e xhamive, përfshirë namazet që do të falen në xhemat.

Regjistrimi i emrave të personave që vijnë në xhami për t’u arkivuar për një muaj.

Dhomat e avdesit dhe tualetet mbahen të mbyllura, kështu që secili person vjen nga shtëpia me avdes, duke përdorur maskë në gojë para se të hyjë në xhami dhe të mos e heqë maskën për aq kohë sa mbetet në xhami.

Të gjithë të sjellin Kuranin dhe sexhade nga shtëpia”.

Ndër të tjera, në listë theksohet nevoja e dezinfektimit të duarve në hyrje të xhamive, mbledhja e tespiheve dhe lugëve të këpucëve në xhami, dezinfektimi i tërësishëm i xhamive dhe ajrosja e tyre pas çdo vakti.

Më tej thuhet se fëmijët nën moshën 12 vjeç dhe personat me simptoma nuk duhet të vijnë në xhami dhe të mos organizohen ceremoni të niqahut dhe synetive brenda tyre.

Në fund kërkohet që përgjegjësit e xhamive ta informojnë xhematin mbi të gjitha këto rregulla.

Ndryshe, dje pas një takimi të kancelares Angela Merkel me kryeministrat e shteteve federale, Gjermania mori vendim të niset periudha e tranzicionit drejt normalizimit.

KRM përfaqëson shumicën e muslimanëve në Gjermani, ndërkohë që disa xhami jashtë ombrellës së kësaj organizate, kanë njoftuar se do të hapen sipas datave të caktuara nga shtetet federale për hapjen e vendeve të adhurimi

 
Private conversations
Help Users
    Top