• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Kukësi realizon ëndrrën

MasteR

I'm offline


Trofeu i parë në histori, aq shumë i ëndërruar dhe i dëshiruar, më në fund ka marrë rrugën për në Kukës.

Skuadra veriore, që në 5-vjeçarin e fundit ka shkruan faqe të ndritura në futbollin shqiptar, më në fund ka edhe një trofe për t’u krenuar, duke mposhtur pas penalltive Laçin.

Ashtu si një vit më parë, përsëri përballë Laçi e Kukësi, por këtë radhë me një të veçantë: finalja e Kupës së Shqipërisë u drejtuar nga një italian, Marko Guida.

Ky i fundit u tregua shumë më i rreptë se gjyqtarët shqiptarë, që zakonisht mbyllin sytë në shumë faulle të rrezikshëm, apo “mbyten” nga protestat kur bëhen gati për ndonjë karton.

Ashtu si pritej, ndeshja ishte mjaft e ashpër dhe e ekuilibruar, me dy skuadra që kishin armët e tyre të forta dhe i shfrytëzuan sa mundën.

Laçi ka një sistem mbrojtës perfekt, Kukësi në muajt e fundit ka qenë një ndër skuadrat më të mira në Shqipëri, transmeton Spotal.al.

Megjithatë, problemi i Kukësit në finale ka qenë Edon Hasani: mesfushori më i mirë i skuadrës së drejtuar nga Klodian Duro ka pasur shumë probleme fizike në javët e fundit dhe në finale rezistoi vetëm një pjesë loje.

Kjo natyrisht ndihmoi Laçin, që e pati më të thjeshtë ndaj një Kukësi me pak fantazi, që gjithsesi golin e gjeti në minutën e 67-të, me një gjuajtje nga distanca e mesfushorin Zhan Karioka, që befasoi të riun Selmani.

Megjithatë, Kukësi mori një goditje të rëndë në minutën e 73-të, sepse Ansi Nika kreu një faull absurd në mesfushë dhe doli me karton të kuq direkt, ku nuk kishte as vend për protesta.

Aq iu desh Laçit, që në fund u hodh i tëri në sulm, por golin e gjeti pa dashje, sepse një gjuajtje jo e parezistueshme e mesfushorit Cektoviç në minutën e 93-të i shkau nga duart portierit Koliçi, u plas në traversë dhe pranë vijës fatale Mitraj sa e shtyu në rrjetë.

Festë laçiane, dëshpërim total te Kukësi, që po shihte trofeun, ndërsa u kalua në shtesa, ku nuk pati raste të pastra, me dy skuadrat që u mbrojtën shumë mirë, edhe pse Laçi për shkak të epërsisë numerike e kërkoi më shumë golin.

Nga pika e bardhë e nisi Kukësi dhe Zhan Karioka nuk gaboi, ndërsa për Laçin Albi Dosti gaboi, duke goditur traversën.

Dvornekoviç me qetësi shënoi të dytin për Kukësin, ndërsa Cetkoviç shënoi penalltinë e parë për Laçin.

Sulmuesi Emini shënoi me qetësi të jashtëzakonshme penalltinë e tretë për Kukësin, por edhe Zefi e imitoi.

Kapiteni Hallaçi vazhdoi serinë pefekte për Kukësin, por edhe Stipe Buljan nuk gaboi.

Penalltinë e trofeut për Kukësin e pati mesfushori Besar Musolli dhe kapiteni nga Kosova fitoi kupën.
 

MasteR

I'm offline
Titulli: Kukësi realizon ëndrrën

Formacionet zyrtare:

Laçi: Selmani, Ademir, Buljan, Sheta, اela, Gocaj, Mustafa, Veliaj, Sefgjini, Cetkoviç, Nimani.
Traner: Ramadan Ndreu

Kukësi: Koliçi, Hallaçi, Shameti, Malota (Lladrovci), Mici, Zhan Karioka, (Hasani) Birungueta, Musolli, Nika, Dvornekoviç, Emini.
Trajner: Klodian Duro

Gjyqtar: Marko Guida (italian)
Asistentë: Lorenzo Manganelli dhe Alesandro
Kostanzo

Laçi – Kukësi 1 – 1 (koha e rregullt)
Gol: Aldo Mitraj 90+3’/ Karioka 65′
 
Top