• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Jo vetëm miliona, Ibra tani është rekormen ne France

cent

...Lontano
PSG-ja ka investuar në mënyrë të frikshme, por në pritje për të parë në aksion mbrojtësin më të mirë në botë, Tiago Silvën, ai që ka mahnitur dhe, kjo nuk është një risi, është Zlatan Ibrahimoviç. 1zb5s1k.jpg
Sulmuesi suedez, i mbërritur këtë verë nga Milani për një shifër prej 20 milionë eurosh, është golashënuesi i vetëm i skuadrës, sepse të gjithë golat e PSG-së deri tani mbajnë firmën e tij; katër realizime në katër ndeshje kampionat, edhe pse 30-vjeçari ka luajtur vetëm 3 takime. Nuk ishte e vështirë ta parashikoje faktin se Zlatani do të ambientohej menjëherë në skuadrën e yjeve që po ndërton trajneri Ançeloti, por fakti që ish-milanisti do shndërrohej menjëherë në liderin e ekipit, mendohej se do kërkonte pak kohë më shumë. Por Ibra mbetet Ibra dhe me magjitë e tij në fushë u është kundërpërgjigjur kritikëve të mëdhenj francezë, që e panë absurde faktin e pagës së tij vjetore prej 15 milionë eurosh. Gjithsesi, tani katër gola të shënuar prej tij në 3 ndeshje dhe tërheqja e skuadrës në transfertën e Lilës drejt fitores së parë e kanë kurorëzuar Ibrahimoviçin si “perandorin” e ri të Parisit. Megjithëse, sikur të mos mjaftonte fakti i golave dhe se ai është rekordmen në lidhje me pagën e tij, sulmuesi i PSG-së e ka shkruar me germa të arta emrin e tij në historinë e futbollit francez. Goli i parë i shënuar kundër Lilës, pas vetëm 28 sekondash, është një rekord historik për kampionatin transalpin, duke thyer rekordin e Nuredin Kouriçit, i cili në vitin 1983 realizonte pas 45 sekondash. Kjo do të thotë se Ibra e ka përmirësuar këtë rekord me 17 sekonda. Por, nga ana tjetër, rekordi që suedezi kërkon të thyejë është ai i mitit Josip Skoblar. Bomberi kroat, teksa luante për fanellën e Marsejës në sezonin 1970-1971, arriti të realizojë 44 gola në 38 takime, një synim i vështirë, por jo i pamundur për bomberin e kryeqytetasve.

“Zlatani, si një gjigand i NBA-së”
Pas fitores së parë, drejtori teknik i PSG-së, Leonardo, kthehet të thurë elozhe për ish-bomberin e Milanit dhe Interit. “ثshtë normale që skuadra pa Ibrën në fushë është më pak e fortë, sepse këtu po flasim për një futbollist fantastik, me burime të pashtershme fizike dhe teknike. Por më shumë sesa kjo tek Ibra vlerësoj shpirtin e garës, faktin që ai kërkon gjithmonë të fitojë. Kur e shoh ndonjëherë në fushë më duket më tepër si një gjigand NBA-je, një basketbollist, sesa një futbollist. 196 centimetrat e tij frikësojnë çdo rival, por në shumë raste, pavarësisht gjatësisë, ai shpërthen si një lojtar 170 centimetrash, duke shfaqur shpejtësi e konkretësi. Me pak fjalë, sulmuesi më i fortë në botë”.
/panorama-sport
 
Top