• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Greqia, nga sot më e shtrenjtë. Rritet TVSH-ja për produktet e shërbimet

NeVertiti

Kohe & Stine
Staf në FV.AL

Greqia, nga sot, është një vend më i shtrenjtë. Rritja e taksave hyri në fuqi, por ekspertët nuk janë të bindur se lëvizja e shumëdiskutuar do t’i sjellë vërtet të ardhurat aq të nevojitura.

Shakaja më e fundit për krizën që qarkullon në Greqi është kjo: “Kosta blen një pako makarona në supermarket dhe arkëtarja bën pyetjen rutinë: doni t’jua mbështjellë si dhuratë? Dhe përgjigjia është: jo, faleminderit. E kam për vete”.

Të ruash humorin në kohë të vështira është padyshim një ide e mirë. Por do të jetë e vështirë për grekët të vazhdojnë të qeshin edhe pasi jeta e përditshme t’u shtrenjtohet ndjeshëm, shkruajnë mediat e huaja.

Mbi ushqimet si orizi, makaronat, ëmbëlsirat, sallamet, kafeja, çaji, sheqeri e produkte të tjera, TVSH-ja do të rritet deri në 23%. Rritje të saj do të ketë edhe për restorantet dhe transportin publik.

Ky ishte një nga kushtet e kreditorëve që lejoi hapjen e negociatave për një paketë të tretë ndihmash. Shpresat janë që rritja e taksave të mbushë shpejt arkat e shtetit. Thesari pret të mblidhen 54 milionë euro, kjo sigurisht nëse do të ketë një kolaps të kërkesës.

Ekspertë si profesori i ekonomisë Panagiotis Petrakis e përshkruajnë tregun grek si tepër të ndërlikuar, çka i bën shumë të vështira parashikimet.

“Rritja e taksave mund t’i japë një hov të ardhurave të shtetit brenda një periudhe të shkurter kohe, por ndërkohë rrezikon të rrisë gjasat e reçesionit në periudhën afatmesme. Asnjëra prej këtyre mundësive nuk përjashton tjetrën”, arsyeton Petrakis.

Në fakt, këto vitet e fundit, Greqia ka patur një sjellje ekonomike goxha të veçantë, ndaj edhe njohësit e situatës atje e kanë të vështirë të bëjnë profetizime.

Mbyllja e bankave është një shembull ilustrues. Frika e humbjes së të gjitha kursimeve të tyre, vazhdon Petrakis, i shtyu shumë njerëz jo të konsumonin më pak, por përkundrazi, të blinin sa më shumë që të mundeshin duke i bërë pagesat me kartë.

“E pra, në një kohë të tillë të gjitha parashikimet ekonomike do të shihnin një tkurrje të kërkesës për disa mallra të caktuara, ndërsa ndodhi krejt e kundërta”, vlerëson profesori.

Pavarësisht kthesës në qëndrimin ndaj kreditorëve, Tsipras vazhdon të ketë vlera të larta miratimi në sondazhe. Kështu, në zgjedhjet e parakohshme në shtator ose tetor, për të cilat foli ministri i Brendshëm, Nikos Voutsis, kreu i ezekutivit mund të fitojë sipas anektimeve edhe një shumicë absolute.

/ Top Channel
 
Private conversations
Help Users
    Top