• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Arkeologjia shqiptare dhe mbështjetja amerikane

SHBA sapo i dhuruan arkeologjisë shqiptare një fond prej 103 mijë dollarë për të mirëmbajtur koleksionet shkencore dhe modernizuar mjediset muzeale të Qendrës Albanologjike.



Ambasadori i SHBA Aleksandër Arvizu nënshkroi grantin për mirëmbajtjen e fondit arkeologjik të Qendrës për Studime Albanologjike, financim ky si pjesë nga Fondi i Ambasadorit për Ruajtjen e Trashëgimisë Kulturore.
Specialistët shqiptarë pohojnë se ky grant do të shërbejë për mbrojtjen dhe kujdesin e mjediseve të mbi 20 mijë objekteve arkeologjike të fondit themelor dhe afro 50 mijë të tjera të fondit studimor.

[video=youtube;ZnyVW7-YulQ]http://www.youtube.com/watch?feature=player_embedded&v=ZnyVW7-YulQ[/video]

Drejtuesi i degës shqiptare të Këshillit Ndërkombëtar të Muzeve, Ilirian Gjipali, thotë se pasi të jenë rehabilituar dhe modernizuar mjediset e ruajtjes së objekteve të kësaj Qendre, në fazën e dytë do të punohet për restaurimin e objekteve, skedimin dixhital të vlerave historike dhe ekspozimin më të mirë të tyre. Mirëmbajtja e fondeve themelore po bëhet ndërkohë që në terren veprojnë 20 ekspedita për kërkime të reja arkeologjike, 15 nga të cilat janë projekte bashkëpunimi të shkencëtarëve shqiptarë me ata amerikanë, italianë, francezë dhe gjermanë etj.

Granti i SHBA për arkeologjinë administrohet nga dega shqiptare e Këshillit Ndërkombëtar të Muzeve. Fondi i Ambasadorit për Ruajtjen e trashëgimisë kulturore mbështet përpjekjet e shkencëtarëve në 100 vende në zhvillim në të gjithë botën. Dhurata nga amerikane nga Fondi i Ambasadorit për Ruajtjen e Trashëgimisë Kulturore ka ardhur edhe si një ndihmë domethënëse me rastin e 65 vjetorit të arkeologjisë shqiptare.

Qendra e Studimeve Albanologjike ruan një koleksion prej mbi 20 mijë objektesh arkeologjike nga periudha prehistorike e deri tek ajo mesjetare, të zbuluara në Shqipëri. Shumë prej tyre janë shembuj unikë të trashëgimisë kulturore shqiptare dhe kanë rëndësi të jashtëzakonshme.
Ilirian Agolli
ZëriAmerikës
 
Top