Temë: Kenge labe

"Çipini" (emer mali) eshte nje grup i kryesuar nga Tomor Lelo i cili ka mbledhur disa nga emrat me te njohur te kenges labe. Ne kete çeshtje dua te sjell gjithashtu dhe ju kenge labe me tekste.

Ismail Qemali e Isa Boletini - Grupi "Çipini"
Kendojne: Tomor Lelo, Nazif Çela

Te dy bashke u nisen
ku merrej vendimi
Ismail Qemali
e Isa Boletini

Se kishte shume halle
Shqiperi e mjera
po duhej rovolet
t'i linin te dera

U futen ne Londer
brenda në pallat'e
trimi luftetar
e plaku dipllomat'e

Dolli Lordi Math'e
me nje gjuhe te zgjidhur
me nje fjale te rende
me humor te shtirur

Ja - tha - shqiptaret
kurre nuk i besoja
qe te çarmatosur
ketu t'i shikoja

Ky ishte momenti
nuk kish' me ç'te pritej
nen'e brez bereta
zu' te hasharitej¹

Faqen kish' per trupi
veshin kish tek gjaku
syri i pagjume
pergjonte nga plaku

Vetetiu sermaja
vetetiu fildishi
ndriten malet tona
sado larg qe ishin

Se nga gryk' e saja
ishin zgjidhur halle
Shqiperi e vogel
ne sofren e madhe
________________________
1. Zuri të hasharitej -> filloi te zemerohej, te egersohej.

U nisa një natë, tek mikja të shkoja – Grupi i Dukatit (Vlorë)

U nisa një natë
tek mikja të shkoja
gjumi nuk më zinte
më vinte duroja

Dhe dritën e hënës
desha që ta fikja
nata të më fshihte
të shkoja tek mikja

Ashtu e de doja
natën errësirë
rrugën ta kaloja
e mbaja më mirë

Ajo rrinte zgjuar
diçka mërmëriste
hapat kish' përgjuar
mua po më priste

Apo zogu i natës
e kish' lajmëruar
ndaj po priste mikja
ndaj më rrinte zgjuar

Lëvizi lumi nga shtrati - Grupi i Bënçës (Tepelenë)
Kendojne: Golik Jaupi, Përparime Ziflaj

Vij një ditë nga monopati
takova një vajzë fshati
syri si kapak sahati
Vitua nga Progonati

Dy metra e gjatë nga shtati
faqekuqe nga surrati
syri si kapak sahati
Vitua nga Progonati

Thashë se më hoqi fati
lëvizi lumi nga shtrati
syri si kapak sahati
Vitua nga Progonati

E kishte zënë inati
qe mërzitur nga i ati
syri si kapak sahati
Vitua nga Progonati

Ku po shkon kaq e nxituar
moj gëlqere e pashuar
thuaj, kush të ngacmuar
besa-besë je siguruar

Babai më pat' fejuar
me një burrë potureçpuar¹
sikur ta kesha pranuar
e zeza, ç'do kesha vuar

Hesht, mo' qaj, moj e uruar
shko, merr një djalë të bënçuar²
se janë djema të shquar
të mbajnë si pak ujë në duar
_____________________________
1. Potureçpuar -> ka kuptimin i pazoti, i paaftë, i varfër.
2. Nga Bënça.

Doli bejka nga katundi - Grupi i Vranishtit (Vlorë)
Kendon: Arap Çeloleskaj

Doli bejka¹ nga katundi
tre sahat vallen ç'e tundi
tunde moj të marrtë lumi
se shoqet i zuri gjumi
gushëbardha si pëllumbi
___________________________
1. Bejkë i thonë deles së bardhë, po përdoret dhe si epitet për femrat dhe ka kuptim të mirë. Epitetet që
u vihen zakonisht atyre në këngët labe janë: bejkë, thëllëzë, sorkadhe, kunadhe, nepërkë, etj.