Temë: Çfarë risi do të sjell interneti në vitin 2010

Interneti është vazhdimisht duke përjetuar ndryshim, dhe këtë vit ne presim disa risi të rëndësishme që mund të ndryshojnë mënyrën se si ne e përdorim rrjetin global të informimit dhe komunikimit.

Makina më e madhe e kërkimit në botë, e njohur me emrin Google, planifikon të nisë një program të ri të quajtur Google Wave, ndërsa në anën tjetër faqja e popullarizuar për mikro-blogim, Twitter, do të hapet edhe për mundësi të reja, dhe adresat e internetit për herë të parë do të mundësohen edhe në shkronja të tjera, përveç atyre latine.

Interneti është bërë një pjesë e domosdoshme e jetës sonë, sa që shumë thjesht ne sot nuk mund ta imagjinojmë jetën pa atë. Qasja dhe shkëmbimi i informacionit, komunikimi dhe tregtia elektronike dhe argëtimi online – janë këto disa nga opsionet me të cilat ne sot mund të punojmë në internet.

Në vitin 2010, Interneti do të ketë një metodë e re për komunikim dhe bashkëpunim në kohë reale - Google planifikon të fillojë të lansojë softuerin e internetit, të quajtur Google Wave, i cili integron e-mailin, chat-in, fotografitë dhe shfletimin e internetit.
(VOA)