Temë: HD 2 nga HTC, edhe telefon edhe kompjuter

Komunikatori i prodhuesit të njohur HTC, modeli HD2, është i bazuar në platformën e Windows Mobile, që ka procesorë me shpejtësi pune prej një giga-herc, shpejtësi kjo e cila është shumë afër shpejtësisë që kanë procesorët qendror në kompjuterët shtëpiak.

Për më shumë, HD2 ka dhe ekran i cili është i ndjeshëm në prekje dhe ka madhësinë më të madhe, krahasuar me të gjithë telefonat e tjerë të zgjuar të cilët janë aktualisht në treg. HD2 ka një ekran me diagonale prej 10.7 cm (4,3 inç).

Pajisja nuk ka tastierë të jashtme, përveç disa tasteve kryesore, dhe të gjitha aplikacionet për manipulimin e telefonit celular janë bërë me kontakt me gishtat e dorës ose tastierës virtuale QWERTY,me të cilën mund të shkruhen tekste, SMS, email, ose numrat e telefonit.

Telefoni mbështetet në rrjete GSM, EDGE dhe 3G, dhe mund të jetë i lidhur në internet, në të njëjtën ose nëpërmjet lidhjes Wi-Fi.