Temë: Rrjeti 4G i telefonise mobile vjen ne Skandinavi

Përdoruesit mobilë suedezë dhe norvegjezë mund të jenë të parët që përdorin gjeneratën e katërt (4G) të rrjetit mobil. Firma e telefonave mobilë TeliaSonera ka përfunduar punën në dy rrjete 4G në Oslo dhe Stokholm. Kompania tha se klientët e parë do të jenë në gjendje të përdorin rrjetet në fillim të 2010.

Pavarësisht lëshimit të rrjetit, asnjë pajisje telefonike nuk mund të përdorë 4G. Fillimisht klientët do lidhen nëpërmjet një përshtatësi (dongle, modem) dhe një kompjuteri portativ.
Rrjetet e gjeneratës së katërt, 4G, janë bazuar rreth teknologjisë Evolucioni Afat Gjatë (EAGj) dhe shpejtësia e shkarkimit mund të arrijë 100 megabitë për sekondë - rreth dhjetë herë më shpejtë se rrjetet më të shpejta 3G.
Teknologjia është projektuar të mbivendosë rrjetet ekzistuese 3G dhe shumica e operatorëve kanë pranuar përmirësimin në sistemin më të shpejtë. modem
TeliaSonera tha se po rekrutonte klientë për të testuar rrjetin gjatë tremujorit të parë të 2010.
Ai nuk ka lëshuar asnjë informacion rreth kostos së lidhjes me rrjetin shpejtësi-lartë. Përshtatësit për lidhjet me rrjetet EAGj janë prodhuar nga Samsung.
Prodhuesi i pajisjeve telefonike Ericson ka vendosur së bashku rrjetin në Stokholm, Suedi dhe firma kineze Huawei ndodhet pas rrjetit në Oslo, Norvegji. Të dy rrjetet mbulojnë pjesët qendrore të dy qyteteve.
TeliaSonera tha se priste shtytje në shpejtësinë për të udhëhequr shumë aplikacione të reja, përfshirë të luajturit gjatë ecjes dhe më shumë shikim videosh në kompjuterët portativë.
Pajisjet telefonike që mund të përdorin EAGj priten në mesin e vonshëm të 2010.
Për sa i përket Shqipërisë edhe ajo brenda 2010 do bëhet nga 3G në 4G, me futjen e Gogolit (operatorit) të katërt në telefoninë mobile. (Krokodili | Lajme ditore mbi teknologjinë)