"Vdes" deshmitari i Gerdecit, Kosta Trebicka

"Vdes" deshmitari i Gerdecit, Kosta Trebicka · 12-09-08, 18:39

Ndahet nga jeta para nje ore ne nje aksident automobilistike, ne nje zone te thelle malore ne Korce deshmitari kryesor i shitjeve te armeve ne Gerdec, Kosta Trebicka...
Hetuesit jane ne vendngjarje dhe po hetojne.

Kush ishte Kosta Trebicka?

Kosta Trebicka lindi në Korçë, por pas marrjes së nështetësisë amerikane ai jetonte në SHBA.
Biznesmeni Kosta Trebicka u bë i njohur për publikun kur denoncoi në media aferën korruptive mes kompanisë AEY dhe MEICO-s për tregtinë e armëve. Denoncimi i tij mbi këtë aferë u bë në tv NEWS24, disa ditë pas shpërthimit të fabrikës së demontimit Alba Demil në Gërdec më 15 mars 2008.

Trebicka zbardhi para kamerave të NEWS 24 skemën e aferës me armët e ushtrisë shqiptare dhe sasinë e parave që supozohet se kanë përftuar personat e implikuar në këtë aferë.

Sipas asaj që ai vetë ka rrëfyer, në vitin 2007, është kontraktuar nga kompania amerikane AEY, e cila drejtohej nga 22-vjeçari Efraim Diveroli për të bërë paketimin e municionit. Por gjatë fazës së parë të punës, Trebicka mësoi se futja në skenë e kompanisë "EVDIN" me administrator Henri Tomein kishte shkaktuar dyfishimin e çmimit, fakt të cilin ia bën me dije Diverolit.

Pas këtij momenti, Trebicka i është shmangur nga zbatimi i kontratës, proces pune të cilën MEICO "ia dhuroi" Delijorgjit, duke bindur edhe pronarin e AEY-së. Historia bëhet edhe më e rëndë, kur Diveroli vjen në Shqipëri për të negociuar një çmim të dytë e kur në një takim të fshehtë me Pinarin, Delijorgjin dhe një djalë të moshës 27-30-vjeç. "Kjo punë ka shkuar shumë larg, tek djali i kryeministrit", - thotë Diveroli në bisedën e përgjuar nga Trebicka, (të bërë publike nga vetë ky i fundit për mediat shqiptare), duke i pohuar se djalin e panjohur ia kishin prezantuar si Shkëlzen Berisha.

Trebickës i janë marrë dëshmi edhe nga Prokuroria Shqiptare. Ai ka pohuar për hetuesit e Prokurorisë së Përgjithshme se MEICO kishte si qëllim të sabotonte furnizimin e AEY, pasi tregtia e skrapit ishte më fitimprurëse. Investigimi i gazetës prestigjoze, "The Neë York Times" nxorri në sipërfaqe gjithashtu skandalin me fishekët shqiptarë, një pjesë e të cilëve ishin shumë të vjetër dhe jashtë standardit. Gazeta prestigjoze i referohej trenskriptit të bisedës që u rregjistrua me celularin e Kosta Trebickës.

Balkanweb

***deliza*** · 13-09-08, 03:08

Trebicka shoqerohej nga nje 30-vjecar

Shtohet misteri per vdekjen e Kosta Trebickes. Ai u gjet i vetem dhjetra metra larg makines, por deshmitaret ne vendngjarje i kane thene sot ne mbremje Top Channel se Trebicka nuk pati ardhur vetem.

Sipas deshmive, Trebicka ishte i shoqeruar nje nate me pare me nje person tjeter, rreth te 30-ave, me trup mesatar dhe floke te zinj, i cili ngiste makinen.

Trebicka pati rezervuar dy dhoma ne ish-kampin e punetoreve ne Voskopoje, me saktesisht dhomat 107 dhe 108, te cilat aktualisht jane bllokuar nga policia dhe ruhen nga forcat e rendit.

Ky version, i eshte konfirmuar Top Channel edhe nga nje polic me uniforme qe ndodhej tek ish kampi i punetoreve, ndersa vete pronari i hotelit u shpreh se Trebicka kishte marre nje dhome. Deshmitare te tjere rrezojne pohimin e pronarit, pasi shprehen se pervecse ka ardhur i shoqeruar me nje tjeter person dhe ka kaluar naten ne hotel, te dy jane nisur bashke ne mengjes, rreth ores 5:30.

Nje tjeter detaj qe i eshte thene Top Channel nga deshmitaret eshte edhe fakti se ne makinen e Trebickes jane gjetur tre canta.

topchannel

P.S. ngushllime familjes

METi · 13-09-08, 03:18

Vdekje misterioze, por edhe në këto raste tragjike partitë politike gjejnë rast për të akuzuar pa prova.

Turp

alfonci · 13-09-08, 09:49

I egzekutuar fatkeqesisht, pre e politikes.

Shkaku???!!! I kushtonte shume kockave te forta ne zyra te larta te institucioneve shqipetare.

**Nostra_22** · 13-09-08, 11:14

Deshmitari kyc i Gerdecit eleminohet. Ky eshte krimi shteteror.

**Nostra_22** · 13-09-08, 11:18

Dyshime dhe të dhëna kontradiktore nga vendi i ngjarjes. Policia e klasifikon si aksident automobilistik

Denoncuesi i skandalit të armëve gjendet i vdekur, me një plagë në kokë në fshatin Lekas të Korçës

KORÇË- Trupi i gjakosur, i veshur me rroba gjuetie është gjetur i plandosur ndanë një rruge fshati. Çiftja e gjuetisë, fare pranë tij. Makina e kuqe, një “Nisan” kabriolet, e dëmtuar vetëm në xhamin e parmë qëndronte më këmbë, metra të tëra larg trupit të pajetë. Kosta Trebicka, denoncuesi i skandalit të armëve drejt Afganistanit ka ndërruar jetë në këto rrethana të mistershme, rreth orës 14.00 të mesditës së djeshme, larg syrit të dëshmitarëve, në rrugën rurale Voskopojë-Lekas. Shqiptari me nënshtetësi amerikane, i cili me denoncimin e tij zbuloi një nga skandalet më të mëdha të tregtisë së armëve, aferë kjo që nxorri në pah korrupsionin në tragjedinë e Gërdecit është nisur drejt Korçës të enjten, ndërsa nga komunikimi që ka patur me të afërmit e tij u ka thënë se do të shkonte për gjah.

***

Askush nuk mund të të thotë arsyet pseTrebicka ndodhej në Lekas, zonë e largët malore e rajonit juglindor, pasi zona më e preferuar e gjahtarëve është ajo e Voskopjës.Trupi i pajetë i tij u gjet në një të pjerrët të butë, zonë aspak e preferueshme për gjueti. Policia e Korçës, e cila ka mbërritur e para në vendngjarje ka rindërtuar ngjarjen, duke bërë me dije se Trebicka ka qenë jashtë makinës dhe pasi ka hipur në të, ka hasur probleme në sistemin e drejtimit. Ai është përpjekur të kryejë një veprim tjetër për të shkuar indietro, por nuk ka mundur ta realizojë, ndërsa mjeti ka kryer në mënyrë të pavullnetshme disa salto në ajër, duke dalë nga rruga. Nga ajo çka kuptohet nga këqyrja e vendit të ngjarjes, Kosta Trebicka ka përfunduar shumë metra larg makinës, me një plagë kryesore në pjesën e pasme të kokës. Në fakt, policinë lokale mësohet ta kenë njoftuar për ngjarjen dy punëtorë që merren me mirëmbajtjen e rrugës. Ata kanë pohuar se nuk e kanë parë momentin e të ashtuquajturit aksident prej policisë, por trupin e viktimës e kanë gjetur ende të ngrohtë, në momentet e fundit të jetës.Trebicka konfirmohet të ketë vdekur fill pas disa çastesh në vendin e ngjarjes, ndërsa trupi i tij i pajetë ka mbërritur pas më shumë se 6 orësh në morgun e spitalit të Korçës, ku i është nënshtruar autopsisë.

***

Gjetja në makinë e dokumenteve me emrin e Kosta Trebickës ka ngritur në këmbë jo vetëm policinë e Korçës, por edhe Ministrinë e Brendshme e Prokurorinë e Përgjithshme. Të parët në vendngjarje kanë mbërritur punonjës të policisë së Korçës dhe prokurori i rrethit, ndërsa një helikopter me specialistë të Ministrisë së Brendshme dhe një përfaqësues të organit qendror të akuzës është ulur rreth orës 16.30 në fshatin Lekas. Mobilizimi i strukturave të shtetit për hetimin e vdekjes së dëshmitarit Kosta Trebicka ka qenë i madh, ndërsa elementët e kësaj ngjarjeje kanë ndryshuar orë pas ore. Fillimisht është deklaruar se në mjetin e viktimës është gjetur një armë gjahu dhe një thëllëzë, që sipas policisë ishte vrarë nga Kosta Trebicka, në xhiron e tij të fundit të gjuetisë. Pak orë më vonë, këto elementë të vendit të ngjarjes kanë ndryshuar vendndodhje, ku zyrtarët e policisë kanë pohuar se në makinë gjendeshin dy zogj, ndërsa çiftja kishte “fluturuar” në të njëjtën gjatësi vale me viktimën. Të dhënat kontradiktore nga grupi i hetimit lidhen edhe me vendndodhjen e trupit. Fillimisht nga zyrtarë të policisë së Korçës është deklaruar se trupi i Kosta Trebickës ndodhej poshtë makinës, ndërsa më pas u saktësua se ai ndodhej metra të tëra larg makinës. Hetimet për zbardhjen e kësaj ngjarjeje të rëndë dhe të mistershme po kryhen nën drejtimin e prokurorit të Korçës.

Ministri i Brendshëm: Njoftuam kryeministrin, kërkoi hetim të shpejtë

Nishani: Hetimet po drejtohen nga prokurori

TIRANË- Edhe pse vartësit e tij deklaruan për mediat se Kosta Trebicka vdiq në aksident, ministri i Brendshëm, Bujar Nishani, është treguar i kujdesshëm për të përcaktuar shkakun e vdekjes. “Në orën 14:00,në policinë e Korçës është administruar një informacion nga banorët e fshatit Lekas se në rrugën Voskopojë- Lekas, në vendin e quajtur “Kulat e Gjergjevicës” është parë një makinë e batuar nga rruga dhe një shtetas i vdekur.Specialiste të policisë së Korçës kanë identifikuar dokumentet e automjetit, ku kanë konstatuar se i përkisnin Kosta Trebickës. Policia e Shtetit ka kontaktuar me Prokuroren e Përgjithshme dhe në drejtim të vendit të ngjarjes janë nisur grupe ekspertësh kriminalistë, mjeko-ligjorë dhe autoteknikë, si dhe një prokuror nga Prokuroria e Përgjithshme”,-bëri me dije, në një konferencë për shtyp ministri Bujar Nishani. Ai ka shtuar se në dispozicion të Prokurorisë së Rrethit jane vënë ekspertë të të gjitha fushave për të kryer ekspertizën e plotë të kësaj ngjarjeje. “Me marrjen njoftim mbi këtë ngjarje, është njoftuar kryeministri i cili ka kërkuar angazhimin e të gjithë ekspertëve më të spikatur të të gjitha fushave për hetimin e shpejtë, të plotë dhe të gjithanshëm të kësaj çështjeje”,-deklaroi Nishani.

TË AFËRMIT

Dyshime dhe paqartësi në shtëpinë e Trebickës

TIRANË- Vetëm pak njerëz kishin mbërritur në banesën e Kosta Trebickës, në pritje të trupit të tij. Vila e biznesmenit shqiptaro-amerikan që ndodhet pranë rrugës së Elbasanit kishte hapur dyert e mortit. Nëna e bashkëshortes së biznesmenit priste njerëzit, ndërsa vajza e saj bashkë me një mikun e familjes mbërritën në Korçë për të bërë identifikimin e kufomës. “U njoftuan për ngjarjendy fëmijët e Kostës, djali dhe vajza të cilët ndodhen në Amerikë. Gjithashtu u lajmërua edhe motra e tij që ndodhet në Amerikë. Ata pritet të mbërrijnë sot në Tiranë”,- tha për “Shekullin” një mik i familjes Trebicka. Sipas tij, biznesmeni kishte shkuar vetëm në Korçë për gjueti. “Gjuetia ishte hobi i tij. Ai shkonte shpesh për gjueti”,- shtoi më tej miku i familjes. Të afërmit që ndodheshin mbrëmë në banesën e biznesmenit pothuajse nuk kishin të qartë asnjë detaj për vdekjen e Kosta Trebickës. Të gjitha detajet i kanë mësuar nga mediat, ndërsa presin me ankth zbardhjen e kësaj ngjarjeje.

Në kërkim dy shoqëruesit e Trebickës në Voskopojë. U regjistrua në hotel me emër të rremë, sekuestrohet dhoma

Miqtë e Kosta Trebickës: Vdekja nuk ishte aksident

Nga e dërguara jonë Lindita Çela

KORÇË- Dukej e pabesueshme deri dje sesi mundi Kosta Trebicka t’i rikthehej jetës normale, pasi shkaktoi një “tërmet” të tillë skandalesh, në një vend si ky i yni. Po aq e pabesueshme dukej dje policia shqiptare, teksa rrekej të bindte se fatkeqësia e djeshme nuk ishte veçse një aksident. “ Me një mijë për qind që Kosta nuk ka pësuar aksident. Ju e dini më mirë se ne atë që mund t’i ketë ndodhur”,-thotë njëri prej miqve të tij, që ndodhej me një grup burrash të brengosur pas portës së morgut të Korçës. Miqtë e Kosta Trebickës sapo kanë mbërritur në Korçë, për t’iu gjendur pranë bashkëshortes së të vdekurit, Brunildës e mundohen të marrin vesh detaje nga rrethanat e vdekjes, por asgjë nga ato që dëgjojnë nuk ua ndryshon mendjen. Për ta, Kosta Trebicka është viktimë e denoncimit të tij.

***

Kosta Trebicka e ka kaluar natën e fundit të tij në dhomën 107, në një hotel në Voskopojë. Megjithëse pakkush mund të mos e njohë atë për fytyrë, ka preferuar të tregohet i kujdesshëm, siç e kishte bërë zakon të sillej muajt e fundit. Sipas burimeve nga policia e Korçës, Trebicka ka fshehur identitetin e tij të vërtetë dhe është regjistruar në hotel me emrin Artan. Në orët e vona të mbrëmjes së djeshme, policia i ka zhvendosur hetimet në Voskopojë, për të zbuluar nëse Trebicka ka qëndruar vetëm gjatë 24 orëve si gjuetar anonim apo ka qenë i shoqëruar. “Nga dëshmitë që kemi marrë në fshat kemi mësuar se ai ka qenë i shoqëruar nga dy burra të tjerë, por nuk dimë asgjë për identitetin e tyre. Jemi ende në kërkim”,-bëjnë me dije zyrtarë të policisë së Korçës, të cilët po hetojnë ngjarjen. Ndërkohë, dhoma ku ai ka kaluar natën është sekuestruar nga policia dhe deri në mesnatë i ishte nënshtruar kontrollit të punonjësve të policisë.

***

E ndërsa agjentët e policisë janë shpërndarë nëpër Voskopojë dhe Lekas, për të mbledhur sa më shumë dëshmi për Kosta Trebickën, drejtuesit e policisë së Korçës dhe të Tiranës janë përqendruar në morgun e Korçës, prej nga presin t’u japin përgjigje dyshimeve të tyre. “Pa dalë ekspertiza nuk mund të themi asgjë të saktë”,-bëri me dije një tjetër zyrtar policie, që gjithsesi nxiton të të thotë se nga këqyrja e vendit të ngjarjes mendon se vdekja ka ardhur nga aksidenti rrugor. Deri në orët e vona të mbrëmjes, shumë dyshime dhe hipoteza janë hedhur për vdekjen e mistershme të denoncuesit të njërit prej skandaleve më të mëdha në vend. E vërteta pritet të zbulohet sot në mëngjes me autopsinë, por edhe me dyshimet që njerëzit e afërt të Kosta Trebickës mund t’i tregojnë organeve të hetimit.

Shekulli

zhgenjyy · 13-09-08, 11:44

Koicidence e bukur per te qene aksident,pra qeveria keshtu i vret ata qe ngrihen kunder saj ,kjo qeveri qe ka duart lyer me gjak ,kjo qeveri qe nuk vret kriminelat por ata qe deshmojne kunder kriminelave ,sepse vete keta qeveritare jane te tille .
Sa eshte shtuar puna ketyre prokuroreve kohet e fundit.
Ngushellime familjes !

DeViL · 13-09-08, 11:57

Plan i nderthurur shum bukur duke perjashtu ca detaje si psh.
Ai u gjet 50 m larg makines !!!!!
Ka qen i shoqeruar ( E thene ne lajmet e darkes TOP CHANNEL )
Ka nje plage te dyshimte ne koke !!
Ishte deshmitar "KYÇ" ne çeshtjen "GERDECI"
Dhe pervec ktyre asgje nuk na ben te kuptojme qe ka qene me te vertete aksident !
Eshte atentat dhe ket se lu as topi!

zhgenjyy · 13-09-08, 12:04

Citim:

Postimi origjinal është bërë nga DeViL

Plan i nderthurur shum bukur duke perjashtu ca detaje si psh.
Ai u gjet 50 m larg makines !!!!!
Ka qen i shoqeruar ( E thene ne lajmet e darkes TOP CHANNEL )
Ka nje plage te dyshimte ne koke !!
Ishte deshmitar "KYÇ" ne çeshtjen "GERDECI"
Dhe pervec ktyre asgje nuk na ben te kuptojme qe ka qene me te vertete aksident !
Eshte atentat dhe ket se lu as Topi!

Topi nuk luan gje Devil se ka saliun para ,e provoi njehere edhe hoqi dore (Topi vetem sa per kukull eshte se nuk ka me ca luan saliu)

DeViL · 13-09-08, 12:06

Citim:

Postimi origjinal është bërë nga zhgenjyy

Topi nuk luan gje Devil se ka saliun para ,e provoi njehere edhe hoqi dore (Topi vetem sa per kukull eshte se nuk ka me ca luan saliu)

Se kisha per ate "TOPIN" qe nuk shkrep jo
Pastaj kot se ka thon ai maloku per salen me lal " UN jam malok vet tha edhe malokun nga kali vetem "PLUMI" e zbret " edhe kshu qeka me verte!!

**Nostra_22** · 13-09-08, 12:11

Vrasja e dyte e drejtesise do ishte heshtja e qytetareve...

DeViL · 13-09-08, 12:15

Citim:

Postimi origjinal është bërë nga Nostra_22

Vrasja e dyte e drejtesise do ishte heshtja e qytetareve...

Ehhh pranaj shin lom simas qefit kto sepse popullit edhe nonen ti vrasesh "LIRI DEMOKRACI" do thote!!

**braziljania** · 13-09-08, 13:18

po si mund ta vrasi shteti kur ai ka mbrojtur djalin e sali berishes duke thene se nuk kishte lidhje me tragjedine e gerdecit........??
nuk dua te behem avokatja mbrojtese e shtetit aspak ,sepse e di qe me kete do kapeni,por nga gjithe ato grupe kriminale,ku ishte i perfshire dhe deli jorgji,t ecilit i nxorri emrin ne prokurori edhe shume te tjereve,pse duhet ta vrasi shteti qe e ka mbrojtur........?

**Cyber_Spartacus** · 13-09-08, 13:21

Citim:

Postimi origjinal është bërë nga Nostra_22

Vrasja e dyte e drejtesise do ishte heshtja e qytetareve...

Kjo eshte e sigurt Nostra keshtu do ndodhe nuk kam asnje pik dyshimi....

**Nostra_22** · 13-09-08, 13:36

Citim:

Postimi origjinal është bërë nga braziljania

po si mund ta vrasi shteti kur ai ka mbrojtur djalin e sali berishes duke thene se nuk kishte lidhje me tragjedine e gerdecit........??
nuk dua te behem avokatja mbrojtese e shtetit aspak ,sepse e di qe me kete do kapeni,por nga gjithe ato grupe kriminale,ku ishte i perfshire dhe deli jorgji,t ecilit i nxorri emrin ne prokurori edhe shume te tjereve,pse duhet ta vrasi shteti qe e ka mbrojtur........?

Nuk je e informuar brazili. E kupton qe Gerdeci eshte kerpudha e korrupsionit qeveritar dhe Trebicka ishte deshmitari i saj...

Ka logjike tjeter ketu...

Apo e ka ngrene ariu ndoshta

12-09-08, 18:39
"Vdes" deshmitari i Gerdecit, Kosta Trebicka angel boy bossi i vogel Anëtarësuar: Jul 2008 Vendndodhja: tirana Postime: 781 angel boy 12-09-08, 18:39 Vleresimi: (0 votes - average) Ndahet nga jeta para nje ore ne nje aksident automobilistike, ne nje zone te thelle malore ne Korce deshmitari kryesor i shitjeve te armeve ne Gerdec, Kosta Trebicka... Hetuesit jane ne vendngjarje dhe po hetojne. Kush ishte Kosta Trebicka? Kosta Trebicka lindi në Korçë, por pas marrjes së nështetësisë amerikane ai jetonte në SHBA. Biznesmeni Kosta Trebicka u bë i njohur për publikun kur denoncoi në media aferën korruptive mes kompanisë AEY dhe MEICO-s për tregtinë e armëve. Denoncimi i tij mbi këtë aferë u bë në tv NEWS24, disa ditë pas shpërthimit të fabrikës së demontimit Alba Demil në Gërdec më 15 mars 2008. Trebicka zbardhi para kamerave të NEWS 24 skemën e aferës me armët e ushtrisë shqiptare dhe sasinë e parave që supozohet se kanë përftuar personat e implikuar në këtë aferë. Sipas asaj që ai vetë ka rrëfyer, në vitin 2007, është kontraktuar nga kompania amerikane AEY, e cila drejtohej nga 22-vjeçari Efraim Diveroli për të bërë paketimin e municionit. Por gjatë fazës së parë të punës, Trebicka mësoi se futja në skenë e kompanisë "EVDIN" me administrator Henri Tomein kishte shkaktuar dyfishimin e çmimit, fakt të cilin ia bën me dije Diverolit. Pas këtij momenti, Trebicka i është shmangur nga zbatimi i kontratës, proces pune të cilën MEICO "ia dhuroi" Delijorgjit, duke bindur edhe pronarin e AEY-së. Historia bëhet edhe më e rëndë, kur Diveroli vjen në Shqipëri për të negociuar një çmim të dytë e kur në një takim të fshehtë me Pinarin, Delijorgjin dhe një djalë të moshës 27-30-vjeç. "Kjo punë ka shkuar shumë larg, tek djali i kryeministrit", - thotë Diveroli në bisedën e përgjuar nga Trebicka, (të bërë publike nga vetë ky i fundit për mediat shqiptare), duke i pohuar se djalin e panjohur ia kishin prezantuar si Shkëlzen Berisha. Trebickës i janë marrë dëshmi edhe nga Prokuroria Shqiptare. Ai ka pohuar për hetuesit e Prokurorisë së Përgjithshme se MEICO kishte si qëllim të sabotonte furnizimin e AEY, pasi tregtia e skrapit ishte më fitimprurëse. Investigimi i gazetës prestigjoze, "The Neë York Times" nxorri në sipërfaqe gjithashtu skandalin me fishekët shqiptarë, një pjesë e të cilëve ishin shumë të vjetër dhe jashtë standardit. Gazeta prestigjoze i referohej trenskriptit të bisedës që u rregjistrua me celularin e Kosta Trebickës. Balkanweb __________________ Se sdashuronim as un as ti po dashuronte dashuria nje dashuri ne fshehtesi me e fshehte se vet fshehtesia Herën e fundit është Redaktuar nga Nostra_22 : 12-11-08 në 23:26.
Lexime: 1083

13-09-08, 13:40	#35
braziljania Moderatorë Anëtarësuar: Jul 2008 Vendndodhja: En una estrella radiante de un corazon.. Seksi: Statusi: Postime: 5,967 Rrespekti: