Sekrete të vogla bukurie

***deliza*** · 27-09-08, 20:37

Sekrete të vogla bukurie

Qumësht pastrues për lekurën të yndyrshme

Shtrydhni një grejpfrut dhe e përziejni lëngun e tij me një gotë qumështi të ftohtë. Ruajeni në frigorifer dhe përdoreni për të pastruar fytyrën para gjumit. Njomni një cope pambuku të pastër dhe kaloni me të gjithë fytyrën. Shpërlajeni me ujë të vakët dhe fshijeni fytyrën me pecetë të pastër.

Ujë trëndafili për sy të ënjtur

Zieni 1 litër ujë dhe pasi ta hiqni nga zjarri hidheni në të 20 petale trëndafili. Lëreni rreth 30 minuta, më pas kullojini. Lëreni ujin e trëndafilit të ftohet pak dhe bëni me të kompresa në sy.

Maskë me patate për rrathët e zinj të syve

Pastroni një patate dh eprijeni në feta shumë të holla. Shtrojeni fetat në sy dhe leni rreth 10 minuta. Më pas hiqeni dhe shpërlani fytyrën .

Tonifikues për flokë të dobët

Në një tas të vogël rrihni 1 kokërr vezë dhe ½ filxhani çaji me kos. Masazhoni me këtë maskë flokët tuaj. Lëreni tonifikuesin në flokë rreth 10 minuta. Më pas shpërlajeni.

Zbutës për flokët e thatë

Në një enë përzieni 2 kokrra vezë të rrahura me 1 lugë vaj ulliri, 1 lugë glicerinë dhe pak uthull. Kalojeni këtë maskë në flokët dhe lëreni rreth 15 minuta. Në vazhdim lajeni .

Krem pastrues për fytyrën

Nevojiten:
¼ kastravec(me lëkurë të prerë hollë ), 1/8 patate (me lëkurë të prerë hollë), 1 lugë sodë buke, 1 kokërr vezë, ¼ filxhan kos.

Përgatitja:
Hidhni në makineri grirëse otaten dhe kastravecin. Shtoni sodën dhe vezën dhe vazhdoni përzierjen. Hidhni kosin. Nëse keni lëkurë të yndyrshme, shtoni 2 lugë kafeje lëng limoni. Kremi ruhet ne frigorifer për 2 ditë. Shtrojeni në një pambuk ose pecetë të pastër dhe pastroni me të fytyrën. Më pas hiqeni dhe shpërlajeni fytyrën.

***deliza*** · 27-09-08, 20:40

Maskë me mjaltë dhe vaj ulliri...

Kjo maskë është shumë e favorshme për flokë të ashpër dhe të thatë
Hidhni 3 lugë vaj ulliri dhe 2 lugë mjaltë në një enë, përziejini për një kohë të gjatë. Më pas përhapeni këtë masë kudo në flokë,sidomos në majën e flokëve. Mbështillini flokët me qeskë plastmase ose me një kapuç dushi dhe lërini për rreth 15 min. Pastaj shpërlajini me ujë të ftohtë dhe lajini me shampon që është posaçërisht për këtë tip floku.
Kjo maskë, pas aplikimit të saj prej më shumë se 4 herë do fillojë të japë rezultate të dukshme.

Si ta tonifikoni ngjyrën natyrale të flokëve tuaj

Në një tigan zieni ngadalë për 20 min 1 litër ujë me 2 lugë erëza çfarëdo të thata. Lëreni lëngun të ftohet dhe më pas kullojeni. Lagini mirë flokët me këtë lëng disa herë. Në vazhdim, fshijini flokët me një peshqir, duke i lënë të thahen në mënyrë natyrale, pa përdorur tharëse.

Maskë me banane dhe vaj bajamesh

Përzieni dy pika vaji eterik bajamesh me një banane të shtypur si pure. Vendoseni këtë maskë në flokë, kryesisht te rrënjët, dhe lëreni të veprojë për 15 minuta. Më pas shpëlajeni kokën me ujë të ftohtë dhe në fund lajeni me shampon që ju përdorni zakonisht. Nuk rekomandohet të përdoret maska e gatshme që ju aplikoni vazhdimisht. Realizoni këtë maskë për dy muaj dhe ju do të vini re që floku juaj është më i shndritshëm.

Kundër flokëve me zbokth

Gjatë tharjes së flokëve me tharës, duhet ta mbani atë, të paktën 15 cm larg kokës. Preferohet që të jetë i graduar në gradën mesatare. Megjithatë, më e këshillueshme është që t’i lini flokët të thahen vetë.
Nëse keni problem zbokthi dhe lyeni flokët, duhet t’i lyeni sa më rrallë që të mundeni. Për krehjen e flokëve përdorni krehër ose furçë me majë të butë, në mënyrë që të mos e irritoni lëkurën. Gjatë larjes,masazhojeni kokën me majat e gishtave, dhe jo me thonj. Këshillohet për këtë tip flokësh shampo me pH neutral.

Pastrues për flokët e yndyrshëm

Përzieni dy lugë gjelle lëng limoni me katër lugë gjelle kos. Me këtë masë bëni masazh të lehtë në flokë dhe lëreni për 20 min. Në vazhdim shpëlajini flokët me ujë të vakët. Kjo maskë është e këshillueshme për dy muaj rresht.
Tonifikues për flokë të dobët
Në një tas të vogël rrihni një kokërr vezë dhe një filxhan çaji me kos. Masazhoni me këtë masë flokët tuaj. Lëreni tonifikuesin në flokë rreth 10 minuta. Më pas shpëlajeni.

**Bianca SK** · 27-09-08, 20:40

Ca eshte grejpfrut??

***deliza*** · 05-10-08, 00:06

Të shumta janë gratë që pyesin se cili produkt është më i përshtatshmi për fytyrën e tyre, make up i lëngshëm apo pudër?
Make up i lëngshëm është më i lehtë në përdorim dhe krijon një përfundim të mirë në përhapjen e barabartë dhe të lëmuar. Shkon me më të shumtat llojet e lëkurave dhe sidomos në lëkurat e thata, sepse favorizon yndyrën.
Pudra është me të vërtetë metoda më e zakonshme për mbulim dhe natyrisht përbën zgjedhjen më të përshtatshme, nëse keni lëkurë të yndyrshme. Pudrat e mira luftojnë shkëlqimin antiestetik dhe ju japin mundësinë e lyerjes së herë pas herëshme.

**braziljania** · 05-10-08, 00:11

kremrave natyrale i besoj.kurse atyre qe permbajne kimikate fare fare.megjithese nuk i perdor te dyja llojet.............

**sweetzzinna** · 10-10-08, 09:53

Citim:

Postimi origjinal është bërë nga Bianca SK

Ca eshte grejpfrut??

Grejfruti ben pjes nga familia e citriceve bashk me portokallin, mandarinen, limonin dhe pomelon [mund te jene dhe te tjera por tani sme vine me ne koke]

Ka nje shije te hidhur, formen te ngjashme me portokallen por ne pergjithsi jan me te medha se portokallet dhe me rumbullake, lekuren e kan te verdhe e dobet-portokalli e hapur , dhe eshte me e holle se sa lekura e portokallit.

shantal · 10-10-08, 19:45

nje zysha ime kishte perdorur gjate gjithe jetes se saj vec maska natyrale per fytyren dhe po ta shifje ajo skishte asnje rrudhe dhe e kishte fytyren xham te paster dhe ishte 52 vjec ,, dhe cfare kishte perdorur .... cdo frut apo perim qe qeronte me lekuren e tyre lyente fytyren .. edhe me lengun e mishit .. vallaj ajo ka pas durim te papare se une skam durim qe me cdo gje qe ha te lyj fytyren megjithate e di qe ja vlen edhe te durosh .. eshte me mire sesa te perdoresh kremra qe prodhohen ne menyre kimike

***deliza*** · 15-10-08, 22:15

Për të krijuar një imazh sa më të pëlqyeshëm dhe të bukur, së pari, duhet të kemi parasysh që të jemi të mirinformuar lidhur me mënyrën se si duhet të mirëmbajmë vetveten. Shumë probleme dalin nga amatorizmi në fushën e kozmetologjisë, si rrjedhojë e mospasjes së një ligji profesional, një licensë të ushtrimit të profesionit për të cilën duhet të testohesh si dhe të krijosh kushtet e sigurisë për klientin. Disa këshilla të domosdoshme dhe praktike se si duhet të mbrohemi kur jemi të pranishëm në një ambient që nuk ju pëlqen, ku nuk keni siguri për profesionalizmin e kozmetistit. Kozmetologjia është shkenca që përfshin artin e Parukerisë, Estetikës dhe Dermatologjisë estetike

Boja nuk e dëmton flokun

Së pari, duhet të kemi informacionin e duhur për shkallën e profesionalizmit të parukierit apo estetistit që zgjedhim. Më shumë rëndësi duhet t’i jepet momenteve kur do të na duhet të përdorim prodhimet kimike siç janë koloret, permanentet, produktet për shtrirjen e flokut, shampot e ndryshme, xhel, brilantinë etj.
Nuk është e vërtetë që kolori e dëmton flokun. Më shumë dëmtimi i tyre vjen nga vetëpërdorimi jo i saktë dhe pa kriter i produkteve të caktuara, i produkteve të ndryshme për mirëmbajtjen e flokut ose në disa raste, nga pakorrektësia dhe paaftësia, mungesa e informacionit mbi estetikën e zbatuar.
Nga studimet e bëra, struktura e flokut ka një element të rëndësishëm, pigmentin melaninë, i cili prodhon kolor, kështu që depozitimi i kolorit artificial nga një profesionist brenda rregullave, nuk e dëmton por e përmirëson gjendjen e flokut.
Edhe në përdorimin e bojërave popullore duhet të tregoni kujdes sepse koloret që ekzistojnë, pavarësisht nga çmimi, duke mos qënë nën një sistem kontrolli, kanë mungesë produktesh mbrojtëse, dhe ushqyes për flokun që duhet ta kenë në përbërjen e tyre. Si rezultat i mungesës së cilësisë së koloreve, konstatohet një prishje, dëmtim i strukturës së flokut. Një nga bojërat popullore është kënaja

Henna (Këna)- është një produkt natyral që preferohet nga shumë persona pasi është me përbërje organike. Në përdorimin e saj duhet të tregoni kujdes pasi shkakton tharjen e flokut si dhe krijon zbokth. Si rezultat, shkakton rënien e flokut. Përdorimi i kënasë, këshillohet në flokë të yndyrshëm, por gjithmonë pasi konstatimi të bëhet nga specialisti.

Korrektorët. Në shumë raste, për kolorimin e flokut , përdoren korrektorët. Korrektorët janë korrigjues të kolorit të flokut dhe përdoren në rastet kur gjatë kolorimit janë bërë gabime si krijohen vende të pangjyrosura, apo nuk del ngjyra e kërkuar. Një parukier profesionist nuk duhet të përdorë korrektorin në një klient të përhershëm, për arsye të dizavantazheve të përdorimit të tij.

1. Qëndron shumë pak në flokë. Pas 1 apo 2 larjeve bie.
2. Humbet shkëlqimin e flokut dhe e nxjerr atë të zbehtë.
3. Dëmton strukturën e flokut
4. nuk është “ kolor”, nuk hyn tek koloret e qëndrueshëm.

Nëse në flokun tuaj është përdorur korrektor, ju e vini re shumë shpejt dhe sërish do të ktheheni tek profesionisti për të konstatuar problemet me flokun. Në përgjithësi korrektori përdoret tek klientët që vijnë vetëm një herë, siç janë turistët apo klientët e rastësishëm, por lidhur me efektet që ka në flok këshillohet të evitohet përdorimi i tij.

Formula të gatshme për kolorimin e flokëve nuk ka. Pas konsultimeve me specialistin dhe testimit që i bëhet llojit të flokut, atëherë mund të vendosni të qetë se cili do të jetë kolori i flokut tuaj. Koloret profesionale janë të ndara në 4 tipe;

Temporan- aplikohet gjithmonë tek klientët që më parë nuk kanë bërë kolorime, pra në flokë natyralë.

Semipermanente- aplikohet për të provuar kolore të ndryshme në tufa të vogla flokësh për të parë reagimin e kolorëve të ndryshëm në të njëjtin flok. Dhe për të patur një siguri 90-100% për kolorin që do të jetë përfundimtar.

Kuazipermanente- një kolor që bëhet për të përcaktuar kohën e operacionit dhe forcën e produktit që do të përdoret.

Permanente - Është tipi i kolorimit gjatë të cilit floku ndikohet tërësisht nga kolori dhe kolori zgjat në kohë.

Në varësi të shkakut për të cilin bëni kolorimin e flokut dhe në konsultim me parukierin, bëhet dhe përzgjedhja e tipit që do të përdoret. Ajo që përcakton saktë se cili nga tipet e kolorit është i përshtatshëm për flokun tuaj është analiza që i bëhet flokut. Përpara se të bëni një operacion kolori , duhet të kryeni disa teste:

1. Testi i alergjisë.
2. Testi i zgjedhjes së ngjyrës.
3. Testi i elasticitetit dhe porozitetit të flokut.

forumishqiptar

***deliza*** · 15-10-08, 22:20

Flokë të thata

Humbja e flokëve

Përderisa flokët tuaja rigjenerohen është normale që gjatë një dite nga koka juaj të bijnë 35- 60 fije të flokëve. Ka disa raste që bëjnë përjashtim dhe në të cilat kërkohet kujdesi mjekësor, mirëpo kjo nuk do të thotë që diçka nuk është në rregull me ju. Gjithë çka ju duhet është higjiena, pastrimi i rregullt dhe dietat e shëndosha dhe të balancuara (ekuilibruara). Pirja e duhanit dhe alkoolit janë faktorët kryesorë të humbjes së flokëve. Këshilla jonë është që ju t'i kushtoni më shumë kujdes vetes suaj. Kështu që kur t'i pastroni flokët së pari shamponin e vendosni në duar, e përhapni nëpër flokë dhe ngadalë+ e lezëm i bëni masazhë kokës suaj pastaj i shpërlani mirë ato. Për problemet e tilla është gjetur se vitaminat A dhe E janë shumë efektiv.

Flokë të thata, të dëmtuara dhe të çara në maje

Nëse e keni këtë problem atëherë pas larjes së flokëve tuaja e largoni ujin e tepërt me anë të peshqirit dhe pastaj e vendosni një sasi të vogël të kondicionerëve (maskave) për flokë të ngjyrosura ose permanente. I bën kokës një masazh dhe pastaj i krihni flokët tuaja duke i kushtuar kujdes fundit të flokëve. I len flokët për një kohë më të gjatë 10- 15 minuta dhe pastaj i shpërlanë mirë. Për produkte të tilla është mirë që të këshilloheni me floktarin tuaj. Kurse në raste kur nuk ju gjindet afër asnjë kondicionerë mund të përdorni vaj të bimëve ose të kuqtë e vesë, të cilën e vendosni në flokë e leni të qëndrojë për rreth gjysmë ore dhe i pastroni flokët mirë.

Rrënjë të yndyrshme- maje të thata ( problem i kombinuar)

Shumë njerëz që vuajnë nga ky problem nuk dijnë çfarë të bëjnë. Meqenëse nuk ka asnjë produkt për flokë të tilla ne ju rekomandojmë të përdorni shampon neutral, i cili nuk e eliminon njërin problem duke e keqësuar tjetrin. Duhet të përdoret maskë vetëm në fund të flokëve -duke mos e prek lëkurën asnjëherë- një herë në javë dhe e leni të qëndrojë për së paku 15 minuta përpara se t'i shpërlani flokët.

Zbokthi
Zbokthi është problem që përfshin shumë faktorë si: trashëgëminë, dietat, hormonet etj. Në të njejtën mënyrë sekrecioni dhjamor, djersa, pluhuri dhe të gjitha infeksionet mikrobiale shpiejnë deri te luspat e lëkurës ( zbokthi). Preferohet që flokët të pastrohen shpesh ( çdo 3- 4 ditë) me shampon special kundër zbokthit. Me kujdes t'i bëhet kokës një masazhë dhe të fërkohet lëkura e kokës me kujdes për një kohë më të gjatë. Duhet të veprohet për disa javë kështu dhe zbokthi juaj do të zhduket, mirëpo ka raste kur ai nuk zhduket dhe bëhet më i ashpër atëherë nevojitet të këshilloheni me dermatologun.
Si t'i mbaj flokët që të duken të shëndosha dhe mirë
Ka shumë këshilla se si flokët tuaja të duken bukur dhe të jenë të shëndosha.
• Duke e mbajtur kokën poshtë, ju mund t'i krihni flokët tuaja çdo mbrëmje dhe kështu do ta largoni pluhurin dhe ta aktivizoni qarkullimin e gjakut në lëkurën e kokës.
• Duhet të përdorni shamponin adekuat për tipin e flokut tuaj, i cili do ta mbaj balancën natyrale të tyre. Flokët tuaja mund t'i pastroni sa herë që dëshironi sepse formulat e shamponave të sotëm nuk dëmtojnë flokun tuaj.
• Kur t'i pastroni flokët, e fërkoni lëkurën e kokës dhe i bëni masazh asaj derisa në kokën tuaj të formohet shkumë e bardhë. I shpërlani mirë dhe nëse dëshironi mund t'i pastroni prapë me shampon. Në fund preferohet që flokët t'i shpërlani me ujë të ftohtë ( aq sa ua duron koka) sepse kjo e mban shkëlqimin natyral të flokut.
• Krihni flokët me një krahër të rrallë duke filluar nga majet e pastaj duke shkuar kah rrënjët.
• Para se t'i thani flokët me tharëse, së pari largoni ujin me peshqir. Përdoreni tharësen me një fuqi më të ulët ose leni flokët të thahen vetë. Një herë në javë përdorni tretmane të cilat ndihmojnë në riparimin e flokut tuaj dhe e mbajnë freskinë e tyre.
• Së fundi duhet ta kujtoni se pamja e flokut tuaj varet nga ajo se si i trajtoni ato. Pra, nëse dëshironi që flokët tuaja të duken bukur dhe të relaksuara vizitoni më shpesh floktarin tuaj. Floku do ta vlerësoj këtë!
Rrënjë të yndyrshme dhe lëkurë të yndyrshme të kokës
Flokët të cilat janë të yndyrshme, të drejta dhe të ngjyrosura nuk do të qëndrojnë mirë për më shumë se një ditë sepse do të bëhen menjëherë të yndyrshme te rrënjët. Ka shumë faktorë që shkaktojnë yndyrën: mund të jetë trashëgimia, dietat e ndryshme të pasura me karbohidrate dhe yndyra dhe ndonjëherë mund të jenë edhe kontraceptivët oral. Mënyra më e mirë për të eliminuar këtë problem është të përdorni ushqim të shëndoshë dhe me pak yndyrna. Është shumë me rëndësi të përdorni produktet e duhura si janë shamponi për flokë normale, i cili duhet të vendoset në kokë dhe të bëhet masazhë me kujdes, duke mos e fërku shumë kokën dhe duke i shpërla flokët me ujë të vakët.

Largimi i ngjyrës nga fundi i flokëve

Ky është një rast shumë special dhe i vështirë. Gjëja më i sigurt është t'i leni flokët të ju rriten për disa muaj dhe t'i preni ato ngapak në maje. Gradualisht do të shfaqet ngjyra juaj natyrale. Është mënyra më e mirë që flokët tuaja të mos vuajnë.
Mirëpo nëse dëshironi të mos prisni atëherë mund të shkoni të specialisti për flokë i cili mund t'ua largojë ngjyrën me preparate speciale dhe mund t'i bëjë flokët tuaja që të dëmtohen më pak.
Ngjyrosjet dhe shatirimet
Ngjyrosja dhe shatiri janë procese kimike, të cilat nuk rekomandohet të bëhen pa pasur eksperiencë profesionale. Ne ju këshillojmë [/color]që në raste kur doni t'i ngjyrosni ose shatiratni flokët tuaja të vizitoni sallonin ku shkoni zakonisht ose ndonjë sallon tjetër dhe t'i lejoni profesionistët që t'i bëjën flokët tuaja ashtu si ju dëshironi.

forumishqiptar

***deliza*** · 17-10-08, 21:10

Nëse doni që të blini bojëkuq, merreni një pasqyrë me vete.

Pasi që ta provoni bojëkuqin, largohuni nga raftet me grim, meqë aty zakonisht ka shumë dritë, me ç'rast bojëkuqi mund të duket tepër i errët apo i çeltë.

Merreni pasqyrën dhe shikoni sesi duket bojëkuqi në dritë të diellit. Mënyra më e lehtë për përcaktimin e ngjyrës adekuate të bojëkuqit është që ta kapni faqen lehtazi pisk, me ç'rast faqja do të marrë një ngjyrë të veçantë. E, mu ajo ngjyrë duhet të jetë ngjyra e bojëkuqit që duhet ta blini.

cdodite

***deliza*** · 17-10-08, 22:38

Si të zgjedhim kremërat e syve

Për kremërat bazë preferohen formulat e pasuruara me vitamina C, A dhe grupin B. Këto vitamina, në fakt aksion antioksidues dhe ngacmojnë metabolizmin e lëkurës, zgjojnë ngjyrën dhe ndriçimin. Të dobishme janë dhe formulat përbërëse me efekt “plumping”. Përforcojnë me substanca irritues si p.sh specka djekëse që fryjnë lehtësisht lekurën dhe e bëjnë të duket menjëherë më tonike. Ashtu si e theksuam, është e rëndësishme që kremi i përdorur të ketë dhe një faktor mbrojtës, që të mbrojë lëkurën nga rrezet e dëmshme të diellit edhe për në qytet.
Kura të veçanta rezervohen perqark syve. Lodhja dhe mundimi i syve mund të theksojë parapërgatitjen për zhvillimin e rrathëve të syrit. Mund të jetë e dobishme të përdoret një krem përreth syrit me vitaminë K, e cila riaktivizon qarkullimin e gjakut në zonë dhe ngadalëson krijimin e rrathëve. Efekti është pak i dukshëm por mund të përmiresohet me një masazh të lehtë në të dyja anët e zgavrave të syve duke filluar nga hunda në drejtim të tëmthave

Cdodite

***deliza*** · 17-10-08, 23:48

Besojeni apo jo, modeli i flokeve ju ndihmon për te vënë ne dukje apo për te zbehur një tipar te fytyres suaj. Me poshtëë do të gjeni disa këshilla mbi modelet e flokeve qe vënë me ne pah tiparet tuaja me te veçanta: FYTYRE E RRUMBULLAKET - Nëse i mbani floket me vijë ne anë fytyra juaj do të duket me e holle dhe me e gjatë. FYTYRE E HOLLE - Kacurrelat apo volumi anash fytyres do ti jape një formë me te gjerë një fytyre te holle. HUNDE E MADHE - Floket e leshuara mbi fytyren e bëjnë më pak te dukshme hunden e madhe. TIPARE TE MPREHTA - Floket me onde ose kacurrela i japin një pamje me te bute një fytyre me molleza te theksuara. BALLE I MADH - Baluket mbi ballë ndihmojne për ti dhënë një pamje me te rregullt një fytyre me ballë të madh.

Liza · 17-10-08, 23:51

deliza sa keshillat e mira edhe pse si lexova te gjitha vetem kete modelin e flokeve

***deliza*** · 20-10-08, 23:47

Për ta mbrojtur lëkurën tuaj nga efektet anësore të preparateve të ndryshme artificiale të cilat i ofrojnë prodhuesit, ja disa këshilla natyrale për kujdesin ndaj fytyrës suaj.

Maskë për ngritje të natyrshme
Rrihni mirë të bardhën e vesë, vendoseni në fytyrë dhe le të qëndrojë 15 minuta. Pastaj lajeni fytyrën me ujë pak të ngrohtë, dhe lyeni lëkurën me krem hidratues. Efektet e këtij trajtimi vërehen menjëherë dy orë pas larjes së fytyrës, mirëpo nëse këtë e përsëritni disa javë, rezultatet do të jenë të përhershme.

Maskë për lëkurë të thatë

Rrihni mirë një ve të plotë, dhe vendoseni në fytyrë. Kur të thahet e leni dhjetë minuta të shfaq efektin e vet në lëkurën e fytyrës suaj. Pastaj lani fytyrën me ujë të ftohtë dhe e lyeni me vaj bajameje ose me vaj ulliri.

Tretësirë uthulle kundër akneve
Në një litër ujë të vluar, të ftohur, shtoni një lugë uthulle të mollës. Me një pambuk vendoseni tretësirën në fytyrë çdo natë para se të flini dhe skuqja do të pakësohet nga dita e dytë, po ashtu to të zvogëlohet edhe numri i akneve. Ndërsa nëse kjo nuk ka sukses atëherë duhet ta vizitoni dermatologun.
Majdanozi i largon mitiserat
Majdanozin e imtësuar mirë vendoseni në vendin ku keni mitisere. Pastaj me ujë të nxehtë lajeni fytyrën, me qëllim që lëngu i majdanozit të depërtojë thellë në lëkurë. Pastaj shumë lehtë do të mund ta largoni mitiserin me ndihmën e një pambuku.
Maskë nga mjalti
Disa lugë mjalti i ngrohni dhe i përzieni me një lugë lëngu të limonit. Pasi t’i keni përzier disa minuta, i leni që të ftohen. Vendosni në fytyrë dhe i leni të qëndrojnë 10-15 minuta. Pas kësaj kohe, fytyrën lajeni me ujë të ftohtë.

ikubinfo

***deliza*** · 20-10-08, 23:53

Ndikimi i frutave ne lekuren tuaj

Aknet do të zhduken menjëherë nga fytyra, nëse i lyeni disa herë brenda ditës me një pambuk të lagur në lëngun e limonit. Të njëjtën gjë përsëriteni disa herë brenda ditës, derisa aknia të tërhiqet.

Maska nga avokado për lëkurë të thatë
Përzieni dy lugë mjaltë me ca avokado të shtrydhur, një lugë uthulle të mollës, tri lugë vaj ulliri dhe tri lugë të ndonjë kremi i cili ka pH-faktorin neutral. Mbajeni këtë maskë në fytyrë 20 minuta dhe pastaj lajeni me ujë të vakët. Në këtë mënyrë lëkura fiton lagështi të posaçme, bëhet e njomë, ndërsa acidet esenciale të avokados ndihmojnë në përtëritjen e indit lëkuror.

Maskë për lëkurë të yndyrshme dhe format tjera të lëkurës
Një lugë tharmi të freskët me dy lugë nga gjethet mendër, të zbutura në ujë, dhe dy lugë të ndonjë kremi me pH-faktorin neutral, vendosini në fytyrë dhe i leni të qëndrojnë 15 minuta, pastaj fytyrën e lani me ujë të vakët. Në fund vendoseni kremin të cilën zakonisht e përdorni.

Maskë nga dredhëzat
Përzieni disa dredhëza dhe vendosini në fytyrë. Pas 10 minutash largojeni maskën. Fytyrën lajeni, në fillim me ujë të nxehtë, pastaj me ujë të ftohtë dhe lyejeni me vaj nga bajamja ose me vaj ulliri. Kjo maskë rekomandohet vetëm për ata të cilët nuk janë alergjik në dredhëza.

Maskë përkëdhelëse
Përzieni dy lugë nga lëvozhga e grimcuar e limonit, dy lugë mielli të misrit, gjashtë lugë bajame të grimcuara dhe dy deri tri lugë ujë. Maskën vendoseni në fytyrë dhe bëni masazh të butë me lëvizje rret