Te shtetet që ende nuk e kanë njohur pavarësinë e Kosovës, qeveria e vendit po përgatitet të nisë një fushatë intensive lobimi. Fushata intensive do të koordinohet me Ministrinë e Punëve të Jashtme, e cila do të jetë funksionale pas hyrjes në fuqi të Kushtetutës së Republikës në 15 qershor, ka thënë zëvendëskryeministri, Hajredin Kuçi.
Ndërkaq Ministri i Jashtëm i Kosovës, Skënder Hyseni, u ka bërë thirrje qeverive të Panamasë, Ekuadorit dhe Paraguait që të marrin vendimin për njohjen e shtetit të ri sovran dhe të pavarur të Kosovës, në mënyrë që demokracisë më të re në Evropë t'i mundësohet nisja e integrimeve të gjithanshme në institucionet politike e financiare ndërkombëtare.

Ai në Vjenë, ka realizuar një varg takimesh të ndara me ambasadorë dhe përfaqësues të një sërë vendesh të Amerikës Qendrore dhe asaj Jugore të akredituara në këtë vend.

Hyseni do udhëtojë për në Panama, ku do të ketë takime me zyrtarë të lartë të këtij v endi dhe me përfaqësues vendesh të rajonit.