"Si ma vrane burrin para syve"

Hard Styler · 28-08-08, 11:44

Mirdite - Bashkeshortja e rojes se parkingut rrefen ne polici skenen makabre te ekzekutimit te 53-vjecarit para syve te saj dhe femijes. Menjehere pas ceremonise mortore te zhvilluar ne Rubik, agjentet kane thirrur gruan e te ndjerit Gjergj Ndreca per te dhene versionin e saj rreth krimit te kryer nga i dyshuari Gjin Lleshi. "Une degjova debatet qe zhvilloheshin poshte shtepise sime dhe me shkoi mendja se ishte im shoq. Dola menjehere poshte per te shkuar tek vendroja, ku pashe Gjin Lleshin qe i hakerrehej Gjergjit", ka rrefyer 50-vjecarja para oficereve te Policise Gjyqesore. E tmerruar nga skena makabre dhe ende ne gjendje shoku, ajo eshte shprehur se nuk e priste kurre qe shoferi i kamionit te nxirrte armen per ta qelluar Gjergjin.

"Aty prane gjendej dhe im bir dhe pas debatit degjova dy krisma. Im shoq ra pertoke, kurse une u versula per tek im bir qe gjendej vetem pak metra larg agresorit. Duke uleritur dhe kerkuar ndihme mora afer vetes djalin 10-vjecar A., ndersa i shpetoi per fat te mire plumbave", ka vijuar rrefimin e veja e 53-vjecarit. Pasi ka pare drejtimin qe ka marre i dyshuari, ajo i ka shkuar prane trupit te Gjergjit, por nuk ka mundur te beje asgje. Dy plumbat ne koke i kane sjelle vdekjen e menjehershme rojes se parkingut prane ish-Frigoriferit ne Mirdite. "Kur mberritet ju autori ishte larguar ne drejtim te Milotit, ndersa im bir eshte shokuar krejt", ka perfunduar 50-vjecarja duke kerkuar qe te vendoset drejtesi, pasi eshte vrare nje njeri i pafajshem.

Ndersa i dyshuari Gjin Lleshi, 35 vjec, njekohesisht vellai i kryekomunarit te Selites, ka shprehur pendese per krimin dhe se e ka bere ne gjendje te dehur, grupi hetimor ka marre ne pyetje edhe deshmitare te tjere. Sadik Lame, i cili ka nje pike grumbullimi hekurishtesh shume prane vendit te ngjarjes, ka rrefyer ate cfare ka pare ne vendngjarje. Lame tha se ka tentuar qe te ndaloje vrasjen, madje edhe duke iu lutur te dyshuarit, duke e kapur ne mes te trupit me qellim per ta ndaluar, pasi njiheshim dhe kishin komunikim me njeri-tjetrin. Por edhe kjo ka rezultuar pa sukses, pasi sipas Lames, gjendja e Lleshit ishte mjaft e renduar dhe ishte i papermbajtshem. Persona prane familjes se viktimes saktesojne per gazeten "KJ" se ata nuk kane pranuar asnje lloj komunikimi me familjen e autorit te vrasjes. Por shtuan se as nuk kane kercenuar njeri me vetegjyqesi. Vete familjaret jane shume te rezervuar ne kete drejtim, pasi sipas tyre vrasja ka qene shokuese dhe pa motiv te forte, ndersa Ndreca, qe ishte dhe daja i pronareve te parkingut, kishte marre nje urdher per te mos lejuar mjetet qe te hynin ne ambientet e ish-Frigoriferit.

Koha Jone

Veglat e Temës	Kërko në Temë
Shfaq Versionin E Printimit Dërgoje me e-mail këtë faqe	Kërko në Temë : Kërkim i Avancuar

I ri në faqe?	Keni nevojë për ndihmë?
Regjistrohuni që të merrni pjesë Stafi Drejtues Deklarata mbi ruajtjen e anonimatit Na kontaktoni	Ndihmë në përdorimin e forumit Kushtet e përdorimit Keni harruar fjalëkalimin tuaj? Të rejat më të fundit në momentin e publikimit

Anëtarët aktiv që janë duke parë këtë Temë: 1 (0 Anëtarët dhe 1 Guests)