BlacK DeviL

Ministri i Jashtëm gjerman, Frank Walter Steinmeier, ka hedhur poshtë paralelet që po tërhiqen mes Kosovës e Gjeorgjisë. Ai ka theksuar se Kosova ka qenë rast i veçantë në ligjin ndërkombëtar dhe se nuk mund të keqpërdoret si shembull.

Ai i ka bërë këto komente për mediat gjermane, ku ka shprehur bindjen se samiti i BE-së mbi krizën në Gjeorgji duhet të sjellë një pozicion të qartë karshi njohjeve të Moskës.

Edhe ministri i Jashtëm i Çekisë, Karel Schwarzenberg, ka theksuar dy dallime të mëdha të rasteve në Gjeorgji dhe në Kosovë. Sipas tij, "për dallim nga Kosova, ku janë zhvilluar negociata shumë intensive dhe të gjata", rasti i Osetisë Jugore dhe Abkhazisë, "për fat të keq, ishte i ashtuquajtur konflikt i ngrirë, për të cilin nuk është negociuar", tha ai për gazetën Pravo.

Ai më tutje tha se dallimi i dytë thelbësor është se Serbinë e ka bombarduar NATO-ja, ndërsa në Gjeorgji ka intervenuar Rusia, e cila është palë e drejtpërdrejtë në konflikt. /REL/Telegrafi/

alfonci

nje paralelizim i paarsyetueshem dhe i pabaze

__________________
Po: rrnoftë Shqypnija ! E porsi krypa n'Dri
E porsi krândja e that n'nji flakadâ,
U shoftë me arë, me farë, me mal e vrri
Kushdo shqyptar qi s'brohoritë me zâ,
Kushdo shqyptar qi s'brohoritë me uzdajë:
Oh! Rrnoftë Shqypnija! Rrnoftë Flamuri i saj !

"Ubi panis, ibi deus"