BlacK DeviL

Ministri i Punëve të Brendshme, Zenun Pajaziti, në një intervistë për BBC ka deklaruar se grupe të vogla njerëzish në veri të Kosovës po përpiqen që përmes incidenteve ta paraqesin një gjendje të pasigurt në Kosovë.

Pajaziti tha se Qeveria e Kosovës do të ndërmarrë hapa konkretë për stabilizimin e gjendjes në veri, por jo hapa të njëanshëm.

Ministri i Punëve të Brendshme deklaroi se strukturat dhe mekanizmat e policisë së Kosovës kanë mundësi të veprimit në gjithë territorin e Kosovës.

"Ne aspak nuk jemi të interesuar të bëjmë veprime të njëanshme. Po ashtu siç kemi vepruar në bashkëpunim me institucionet ndërkombëtare me UNMIK-un me KFOR-in dhe me organizma të tjerë", tha Pajaziti.

Por ndërkohë, njëri nga udhëheqësit e serbëve të Kosovës në veri, Marko Jakshiq, ka deklaruar se incidentet e fundit në Mitrovicë janë përpjekje e udhëheqjes shqiptare të Kosovës që përmes dhunës të vënë nën kontroll veriun e Kosovës.

Qëndrimet politike pasojnë një incident me motive ndëretnike në veriun e Mitrovicës, kur pas një përleshje mes banorëve shqiptarë dhe atyre serbë, u lënduan katër persona, në mesin e të cilëve edhe një polic ndërkombëtar. /BBC/

fcbesia

__________________


Unë dua të rroj deri sa të shohë të bukurën,të dashurën Shqipërinë tonë, të lirë, të bashkuar, dhe pastaj me gëzim le të më vijë vdekja!