Sa e shtrenjtë kjo shkolla!

Sa e shtrenjtë kjo shkolla! · 01-09-08, 15:17

Vrapojnë pas mamave, ndalojnë, shohin me vëmendje dhe kureshti ngjyrat e çantave, heronjtë e preferuar të filmave vizatimorë, frymëzohen dhe drejtojnë gishtin duke thënë: "Dua atë". Mamatë zemërohen e përgjigjen me nxitim: "Jo se ajo është e shtrenjtë, ka dhe më të mira". Nxitojnë të largohen nga "vendngjarja".

Ka edhe nga ato që ndalojnë, pyesin për çmimin dhe më pas nxjerrin kuletën e paguajnë. Fëmijët kënaqen, dhurojnë një buzëqeshje "të sapoblerë" dhe kthejnë vështrimin urgjent diku tjetër, për të thënë sërish formulën magjike: "Mami e dua edhe këtë".

Tregu

Pushimet e verës mbaruan. Shtatori për pjesën më të madhe të familjeve shqiptare është muaji i fillimit të shkollës. E njëkohësisht edhe i vazhdimit të shpenzimeve, këtë herë në dispozicion të fëmijëve-nxënës a studentë.

Edhe tregjet e tregtarët kanë ndryshuar fytyrën. Janë orientuar menjëherë nga stina e re vjeshtore e shkollës. "Tani është kohë e mirë për të bërë fitime", shprehet një tregtare, e vjetër tashmë, në njërin nga tregjet kryesore, në qendër të kryeqytetit. Mira thotë se e ka ndryshuar pjesën më të madhe të mallit që shet dhe ka marrë kancelari shkollore. "Ecin shumë në këtë periudhë, se njerëzit do t‘i blejnë për fëmijët. Fillon shkolla", shton ajo. Me këtë logjikë tregu, rrugicat tregtare janë mbushur me çanta shkolle, fletore, veshje librash, lapsa, goma, por edhe me sandale e atlete, përparëse të zeza me pelerina të bardha e gjithfarëlloj objektesh të domosdoshme për fillimin e vitit të ri shkollor.

Çmimet

Çdo artikull, sado i vogël që të jetë, ka çmimin e tij e të gjithë bashkë bëjnë një goxha shpenzim. Të parët në radhë janë ata që për herë të parë në jetë do të fitojnë statusin e "të rriturit", do të fillojnë klasën e parë. Adia, një vogëlushe simpatike, u drejtohet me nxitim çantave ngjyrë rozë me një grup kukullash Barbi dhe shikon me mëdyshje se kë të zgjedhë mes tyre. Këtë herë është mamaja ajo që vendos. Çmimet variojnë nga 700 lekë të reja deri në 16 mijë, por ka edhe më. Një djalë i ri, "tregtar" i sapopunësuar, të rreshton me radhë çmimet e çantave të shkollës. Nga ato që mbajnë sipër figurat e "Spiderman"-it apo "Dragon ball"-it e deri tek ato që mbajnë të stampuar emrin e ndonjë firme të njohur. Dhe nga figurat te shkronjat çmimi ka një ndryshim të rëndësishëm. Çantat e "firmave" nuk njohin çmime më poshtë se 3 mijë lekë të reja, për t‘u ngjitur më pas deri aty sa e ka "takatin" prindi për t‘i blerë, ose sa e ka "tangërllikun" fëmija, deri në arritjen e qëllimit.

Përparëset e shkollës janë një tjetër mall që nuk ngel pa shitur, thonë tregtarët, teksa të bindin që janë duke të dhënë pazarin më të ulët. Nëse insiston, një përparëse të zezë me pelerinë të bardhë përsipër, rrethuar me flutura valëzore, mund ta marrësh për 1100 lekë të reja, por çmimi normal në treg është 1500, madje dhe më shumë. "Është mall cilësor, nuk e gjen në vend tjetër", të vjen reagimi i menjëhershëm i tregtarëve, që ia dinë ritmin kësaj kënge. Pazari zgjatet dhe bashkë me të edhe radha e mamave me fëmijët që ecin përpara dhe i tërheqin për dore me nxitim si rrallëherë.

Fletoret e shkollës mund t‘i gjesh me 25 lekë copën, por ka edhe me 30 e më shumë. Lapsat me ngjyra të fëmijëve të klasave të para e të dyta janë ato që tërheqin më shumë vëmendjen. Më të lirët kushtojnë 150 lekë. Lapsat janë mbyllur thjesht në kuti kartoni, por nuk janë këta që pëlqehen më shumë. Truku i ambalazheve tërheqës rrit menjëherë edhe çmimin. Një laps i madh që mban brenda të tjerë, apo një kuletë e pikturuar me ngjyra të forta kanë çmime që fillojnë nga 250 lekë të reja e deri në 1300 lekë.

Po kështu, letrat mbështjellëse të librave dhe fletoreve largohen nga tezgat njëra pas tjetrës dhe prindërit përpiqen që t‘u gjejnë një vend në çantat e mbushura plot. "Pesë fije një mijë lekë", thonë tregtarët pa pushim, pas pyetjeve që u vijnë nga të gjitha anët. Po ka dhe mbështjellëse të tjera "speciale" me figura, lule, heronj e Barbi. Një prej tyre kushton 50 ose 60 lekë për librat dhe 25 ose 30 lekë për fletoret. I blen kush mundet, por jo të gjithë, sepse nuk mjafton vetëm një, duhen më shumë.

Sandalet dhe atletet, fustanet, bluzat e pantallonat e reja si për ditën e parë të shkollës shtojnë ritmin e blerjeve dhe punën e tregtarëve, mbushin çantat e shpenzimeve dhe zbrazin portofolat e mamave. 15 shtatori, dita e parë e shkollës, nuk ka se si t‘i shpëtojë pjesës tjetër të ditëve të shënuara, ku dominante bëhet komercialja dhe kënaqësia lidhet me konsumin. A. Rr.

Dyqanet

Çmime "të paturpshme" me premtime cilësie

Ndryshe nga tregjet, dyqanet ofrojnë të tjera çmime, të kripura, të paturpshme a të pacipa, kjo nuk ka rëndësi. Ka vetëm klientë- blerës. "Çmimet janë më të shtrenjta, por cilësia është e dukshme. Nuk mund të krahasohen me mallrat që gjen në treg". Ky është ritmi tjetër që këndohet në dyqane nga shitësit a pronarët, që veç të tjerash kanë edhe qira e taksa më të larta për të paguar. Produktet shkollore në dyqane, e sidomos ato të qendrës së kryeqytetit, "mbajnë mbi supe" po të njëjtët heronj e kukulla Barbi, por që shiten me çmime dy apo trefish më të larta për shkak të cilësisë ndryshe që ofrojnë. Ndërkohë që gjërat e veçanta vështirë t‘i gjesh në treg. Me këtë logjikë funksionojnë pjesa më e madhe e familjeve me të ardhura të mira, që ndër të tjera shkollimin e fëmijëve e konsiderojnë si investimin më të mirë në jetë. "Ja vlen të shpenzosh në rast se fëmija të kënaq me rezultatet që merr në shkollë", thotë Eva, një mama 34-vjeçare, teksa i hedh menjëherë një vështrim kuptimplotë vajzës së saj 9-vjeçare, Dea. Ajo tregon se fëmijët duhen stimuluar, në mënyrë që nesër të kesh mundësi edhe t‘u kërkosh të bëjnë më shumë.

Të kamur

"Blerjet për djalin, të gjitha jashtë vendit"

Ka edhe ndryshe. Një pjesë e prindërve, me mundësitë që jo të gjithëve u ofrohen, nuk preferojnë as tregjet, por as dyqanet në vend. Klaudeta, një mama e re simpatike, thotë se të gjitha blerjet për shkollën e djalit do t‘i bëjë në Holandë. "Do të udhëtojë për punë dhe me këtë rast çantën e shkollës dhe pajisjet e tjera kancelarike për Ergin do t‘i blej atje. Këtë vit shkon në shkollë për herë të parë dhe dua që çdo gjë ta ketë të përsosur", tregon Klaudeta. Shpenzimi i 300 eurove për të është një shumë e mjaftueshme për të përmbushur kërkesat që një fëmijë ka kur hyn në klasën e parë. Kjo, pa përmendur tarifën mujore në shkollën private, ku Ergi do të ulet për herë të parë në bankë. Ndërsa nuk mungojnë as ata prindër që përfitojnë nga teknologjia e fundit, blerjet në internet. "Kam parë një çantë shumë të bukur", thotë Genta, një tjetër mama, e cila është e gatshme të shpenzojë plot 80 dollarë për një çantë shkolle amerikane për vajzën e saj.

TAB 9-vjeçaret

Çmimi i librave shkollorë

Klasa I 1000 lekë

Klasa II 800 lekë

Klasa III 1600 lekë

Klasa IV 2000 lekë

Klasa V 2200 lekë

Klasa VI 3100 lekë

Klasa VII 3400 lekë

Klasa VIII 3700 lekë

Klasa IX 4000 lekë

SHQIP

angel boy · 01-09-08, 15:22

mu per vete me shum me rendon icik cmimi i shkolles..200 euro ne muaj se jam shkoll private..
pastaj edhe gjonat qe do blej tani si fillim shkolla se duhet me qene cilsore se ste pranojne shoqet pastaj ahhaha

**braziljania** · 01-09-08, 15:26

Un skam shum shpenizme,10 fletore shkrimi,10 matematike+librat........asgje tjeter,meqe jam ne shkolle shtetrore!!!!

Gjarperesha · 01-09-08, 15:35

hahhaa deri diku hahen por po te jesh ne shkolle shteterore jo, por ne private na lejohet me hap pak jo pak po shume goje

ee atje shkojne ato qe nuk e vrasin shume mendjen.

**sweetzzinna** · 01-09-08, 15:37

fcb po kto librat blihen vetem ne librarri apo mund ti maresh nga femite me te medhejne?

**fcbesia** · 01-09-08, 15:41

Citim:

Postimi origjinal është bërë nga sweetzzinna

fcb po kto librat blihen vetem ne librarri apo mund ti maresh nga femite me te medhejne?

sweety po jo te gjithe e kane ate fat te gjejne nje bashkmoshatare te tyre qe do ua japi se edhe ai paraprakisht i kishte blere...pastaj ka dhe libra qe jane "reformuar"dhe ato te kaluarat nuk vlejn.
Kaq di te te jap pergjigje

angel boy · 01-09-08, 15:41

Citim:

Postimi origjinal është bërë nga Gjarperesha

hahhaa deri diku hahen por po te jesh ne shkolle shteterore jo, por ne private na lejohet me hap pak jo pak po shume goje

ee atje shkojne ato qe nuk e vrasin shume mendjen.

ncncncncn ktu je totalisht gabim..out fare

Gjarperesha · 01-09-08, 15:43

po me jep arsyen

**Lolita25** · 01-09-08, 15:46

Citim:

Postimi origjinal është bërë nga sweetzzinna

fcb po kto librat blihen vetem ne librarri apo mund ti maresh nga femite me te medhejne?

Ka edhe femije qe doemos duan libra te reja-si shoket e tyre.Sepse ndihen te perbuzur me librat e vjetra...
Kshu me tha mbesa ime dje

**sweetzzinna** · 01-09-08, 15:48

ahamz...epo dhe kjo eshte...
se di tani me duket humbje kjo qe cdo vit te editojne libra te ri...kur ka femije qe si perdorin me ato...
besoj qe duhet te fusin ne funksion nje menyre "reciklimi"

lucky_strike · 01-09-08, 15:48

mbaj mend kur shkoja une ne shkolle . edhe nje fletore qe blinim , edhe ajo nuk na hynte ne pune

angel boy · 01-09-08, 15:53

Citim:

Postimi origjinal është bërë nga Gjarperesha

po me jep arsyen

ooo un kam shum shok dhe shoqe qe jan nxenes shum te mire..te shkelqyer them...
pastaj dhe un e kam mbaruar 8-vjecaren me mesatare 9.2 dhe shkova ne shkoll private..
pse keq eshte 9.2 mesatarja

**braziljania** · 01-09-08, 16:00

Citim:

Postimi origjinal është bërë nga sweetzzinna

ahamz...epo dhe kjo eshte...
se di tani me duket humbje kjo qe cdo vit te editojne libra te ri...kur ka femije qe si perdorin me ato...
besoj qe duhet te fusin ne funksion nje menyre "reciklimi"

ashtu vepruan para dy vjetesh,por duke qene se u nderruar sistemi,nga 8 ne 9 vjecar.....dhe gjimnazi doli me 3 vjet..duhet qe nxenesit ti blejn librat te rinj..sepse detyrimisht u ndryshuan edhe ato!!!
manovra per te vjedhur sa me teper!!!!!!!!!

**sweetzzinna** · 01-09-08, 16:16

okey une se kisha fjalen per ato libra qe skan me funksion
po per ato psh ne kls 1-8 pak a sh ka libra qe mund ti perdorin 3 pale femije....
se kur mbaron kls e 1 ske cte duhen me librat...

po ama ka dhe mesuse te krisura qe duan se di ke liber!

**braziljania** · 01-09-08, 16:23

Citim:

Postimi origjinal është bërë nga sweetzzinna

okey une se kisha fjalen per ato libra qe skan me funksion
po per ato psh ne kls 1-8 pak a sh ka libra qe mund ti perdorin 3 pale femije....
se kur mbaron kls e 1 ske cte duhen me librat...

po ama ka dhe mesuse te krisura qe duan se di ke liber!

e kuptova ..... por cti besh qe prindi megjithse harxhon shum,prap ka manine qe femine ta kete sa me ne rregull dhe ia beln librat te reaj cdo vit..e ne fund ankohet......se 'iken leket'

**sweetzzinna** · 01-09-08, 16:24

po deri sa ja blen prindi mos qahet

pastaj kur ritet femija regullohet dhe vete, fotokopje ka ne shqipri?

albstudent · 01-09-08, 16:25

shkolla te nxjerr dificit po he se per shkollen sua kursen njeri

01-09-08, 15:17	#1
Sa e shtrenjtë kjo shkolla! fcbesia Moderatorë Anëtarësuar: Jul 2008 Vendndodhja: Prishtinë-Shqipëri Etnike Mosha: 23 Postime: 1,194 fcbesia 01-09-08, 15:17 Vleresimi: (0 votes - average) Vrapojnë pas mamave, ndalojnë, shohin me vëmendje dhe kureshti ngjyrat e çantave, heronjtë e preferuar të filmave vizatimorë, frymëzohen dhe drejtojnë gishtin duke thënë: "Dua atë". Mamatë zemërohen e përgjigjen me nxitim: "Jo se ajo është e shtrenjtë, ka dhe më të mira". Nxitojnë të largohen nga "vendngjarja". Ka edhe nga ato që ndalojnë, pyesin për çmimin dhe më pas nxjerrin kuletën e paguajnë. Fëmijët kënaqen, dhurojnë një buzëqeshje "të sapoblerë" dhe kthejnë vështrimin urgjent diku tjetër, për të thënë sërish formulën magjike: "Mami e dua edhe këtë". Tregu Pushimet e verës mbaruan. Shtatori për pjesën më të madhe të familjeve shqiptare është muaji i fillimit të shkollës. E njëkohësisht edhe i vazhdimit të shpenzimeve, këtë herë në dispozicion të fëmijëve-nxënës a studentë. Edhe tregjet e tregtarët kanë ndryshuar fytyrën. Janë orientuar menjëherë nga stina e re vjeshtore e shkollës. "Tani është kohë e mirë për të bërë fitime", shprehet një tregtare, e vjetër tashmë, në njërin nga tregjet kryesore, në qendër të kryeqytetit. Mira thotë se e ka ndryshuar pjesën më të madhe të mallit që shet dhe ka marrë kancelari shkollore. "Ecin shumë në këtë periudhë, se njerëzit do t‘i blejnë për fëmijët. Fillon shkolla", shton ajo. Me këtë logjikë tregu, rrugicat tregtare janë mbushur me çanta shkolle, fletore, veshje librash, lapsa, goma, por edhe me sandale e atlete, përparëse të zeza me pelerina të bardha e gjithfarëlloj objektesh të domosdoshme për fillimin e vitit të ri shkollor. Çmimet Çdo artikull, sado i vogël që të jetë, ka çmimin e tij e të gjithë bashkë bëjnë një goxha shpenzim. Të parët në radhë janë ata që për herë të parë në jetë do të fitojnë statusin e "të rriturit", do të fillojnë klasën e parë. Adia, një vogëlushe simpatike, u drejtohet me nxitim çantave ngjyrë rozë me një grup kukullash Barbi dhe shikon me mëdyshje se kë të zgjedhë mes tyre. Këtë herë është mamaja ajo që vendos. Çmimet variojnë nga 700 lekë të reja deri në 16 mijë, por ka edhe më. Një djalë i ri, "tregtar" i sapopunësuar, të rreshton me radhë çmimet e çantave të shkollës. Nga ato që mbajnë sipër figurat e "Spiderman"-it apo "Dragon ball"-it e deri tek ato që mbajnë të stampuar emrin e ndonjë firme të njohur. Dhe nga figurat te shkronjat çmimi ka një ndryshim të rëndësishëm. Çantat e "firmave" nuk njohin çmime më poshtë se 3 mijë lekë të reja, për t‘u ngjitur më pas deri aty sa e ka "takatin" prindi për t‘i blerë, ose sa e ka "tangërllikun" fëmija, deri në arritjen e qëllimit. Përparëset e shkollës janë një tjetër mall që nuk ngel pa shitur, thonë tregtarët, teksa të bindin që janë duke të dhënë pazarin më të ulët. Nëse insiston, një përparëse të zezë me pelerinë të bardhë përsipër, rrethuar me flutura valëzore, mund ta marrësh për 1100 lekë të reja, por çmimi normal në treg është 1500, madje dhe më shumë. "Është mall cilësor, nuk e gjen në vend tjetër", të vjen reagimi i menjëhershëm i tregtarëve, që ia dinë ritmin kësaj kënge. Pazari zgjatet dhe bashkë me të edhe radha e mamave me fëmijët që ecin përpara dhe i tërheqin për dore me nxitim si rrallëherë. Fletoret e shkollës mund t‘i gjesh me 25 lekë copën, por ka edhe me 30 e më shumë. Lapsat me ngjyra të fëmijëve të klasave të para e të dyta janë ato që tërheqin më shumë vëmendjen. Më të lirët kushtojnë 150 lekë. Lapsat janë mbyllur thjesht në kuti kartoni, por nuk janë këta që pëlqehen më shumë. Truku i ambalazheve tërheqës rrit menjëherë edhe çmimin. Një laps i madh që mban brenda të tjerë, apo një kuletë e pikturuar me ngjyra të forta kanë çmime që fillojnë nga 250 lekë të reja e deri në 1300 lekë. Po kështu, letrat mbështjellëse të librave dhe fletoreve largohen nga tezgat njëra pas tjetrës dhe prindërit përpiqen që t‘u gjejnë një vend në çantat e mbushura plot. "Pesë fije një mijë lekë", thonë tregtarët pa pushim, pas pyetjeve që u vijnë nga të gjitha anët. Po ka dhe mbështjellëse të tjera "speciale" me figura, lule, heronj e Barbi. Një prej tyre kushton 50 ose 60 lekë për librat dhe 25 ose 30 lekë për fletoret. I blen kush mundet, por jo të gjithë, sepse nuk mjafton vetëm një, duhen më shumë. Sandalet dhe atletet, fustanet, bluzat e pantallonat e reja si për ditën e parë të shkollës shtojnë ritmin e blerjeve dhe punën e tregtarëve, mbushin çantat e shpenzimeve dhe zbrazin portofolat e mamave. 15 shtatori, dita e parë e shkollës, nuk ka se si t‘i shpëtojë pjesës tjetër të ditëve të shënuara, ku dominante bëhet komercialja dhe kënaqësia lidhet me konsumin. A. Rr. Dyqanet Çmime "të paturpshme" me premtime cilësie Ndryshe nga tregjet, dyqanet ofrojnë të tjera çmime, të kripura, të paturpshme a të pacipa, kjo nuk ka rëndësi. Ka vetëm klientë- blerës. "Çmimet janë më të shtrenjta, por cilësia është e dukshme. Nuk mund të krahasohen me mallrat që gjen në treg". Ky është ritmi tjetër që këndohet në dyqane nga shitësit a pronarët, që veç të tjerash kanë edhe qira e taksa më të larta për të paguar. Produktet shkollore në dyqane, e sidomos ato të qendrës së kryeqytetit, "mbajnë mbi supe" po të njëjtët heronj e kukulla Barbi, por që shiten me çmime dy apo trefish më të larta për shkak të cilësisë ndryshe që ofrojnë. Ndërkohë që gjërat e veçanta vështirë t‘i gjesh në treg. Me këtë logjikë funksionojnë pjesa më e madhe e familjeve me të ardhura të mira, që ndër të tjera shkollimin e fëmijëve e konsiderojnë si investimin më të mirë në jetë. "Ja vlen të shpenzosh në rast se fëmija të kënaq me rezultatet që merr në shkollë", thotë Eva, një mama 34-vjeçare, teksa i hedh menjëherë një vështrim kuptimplotë vajzës së saj 9-vjeçare, Dea. Ajo tregon se fëmijët duhen stimuluar, në mënyrë që nesër të kesh mundësi edhe t‘u kërkosh të bëjnë më shumë. Të kamur "Blerjet për djalin, të gjitha jashtë vendit" Ka edhe ndryshe. Një pjesë e prindërve, me mundësitë që jo të gjithëve u ofrohen, nuk preferojnë as tregjet, por as dyqanet në vend. Klaudeta, një mama e re simpatike, thotë se të gjitha blerjet për shkollën e djalit do t‘i bëjë në Holandë. "Do të udhëtojë për punë dhe me këtë rast çantën e shkollës dhe pajisjet e tjera kancelarike për Ergin do t‘i blej atje. Këtë vit shkon në shkollë për herë të parë dhe dua që çdo gjë ta ketë të përsosur", tregon Klaudeta. Shpenzimi i 300 eurove për të është një shumë e mjaftueshme për të përmbushur kërkesat që një fëmijë ka kur hyn në klasën e parë. Kjo, pa përmendur tarifën mujore në shkollën private, ku Ergi do të ulet për herë të parë në bankë. Ndërsa nuk mungojnë as ata prindër që përfitojnë nga teknologjia e fundit, blerjet në internet. "Kam parë një çantë shumë të bukur", thotë Genta, një tjetër mama, e cila është e gatshme të shpenzojë plot 80 dollarë për një çantë shkolle amerikane për vajzën e saj. TAB 9-vjeçaret Çmimi i librave shkollorë Klasa I 1000 lekë Klasa II 800 lekë Klasa III 1600 lekë Klasa IV 2000 lekë Klasa V 2200 lekë Klasa VI 3100 lekë Klasa VII 3400 lekë Klasa VIII 3700 lekë Klasa IX 4000 lekë SHQIP __________________ Unë dua të rroj deri sa të shohë të bukurën,të dashurën Shqipërinë tonë, të lirë, të bashkuar, dhe pastaj me gëzim le të më vijë vdekja!
Lexime: 158