Dreamer

Jezusi derisa ishte në mesin e të gjallëve vetë i ka zgjedhur apostujt e tij të cilët me të hanin, pinin dhe dëgjonin predikimet e tij. Pali nuk e ka pasur nderin që të jetojë bashkë me Jezusin e as që e ka parë ndonjëherë, kështu që ky titull atij nuk i takon. Gjithashtu edhe dritën që ky e ka parë në gjendje ekstaze, e që thotë që ishte Jezusi, mund të komentohet në njëmijë e një mënyra. Kur Pali rrëfen tregimin e tij për këtë ngjarje bie në kontradiktë, sepse një herë thotë që ata që e shoqëronin dëgjuan zërin por nuk panë askënd: “U rrëzua për tokë dhe dëgjoi një zë që i tha: “Saul, Saul, pse po më salvon?” Ai pyeti: “Kush je ti, Zotëri?” E Ai: “Unë jam Jezusi që ti e salvon! Më mirë ngrihu e hyr në qytet dhe atje do të të tregohet se çka duhet të bësh!” Bashkudhëtarët e tij, të habitur, zunë vend pa folur asnjë fjalë, sepse vërtet e dëgjuan zërin, por nuk panë askënd.” (Vepra e Apostujve, 9:4-7) e më vonë harron atë që ka thënë dhe thotë që dritën e panë por zërin nuk e dëgjuan: “Ndërsa po udhëtoja dhe po i afrohesha Damaskut, papritmas, rreth mesditës, prej qiellit më shndriti një dritë e madhe, unë rashë për dhe e dëgjova një zë që më tha: ‘Saul, Saul, pse po më salvon?’ Unë u përgjigja: ‘Kush je, o Zot?’ Ai më tha: ‘Unë jam Jezusi, Nazarenasi, të cilin ti e salvon!’ Ata që ishin me mua, dritën njëmend e panë, por zërin e atij që fliste me mua nuk e dëgjuan. (Veprat e Apostujve, 22:6-9).
Nëse e marrim parasysh që Pali ishte ndjekës i pasuesve të Jezusit, një kohë ka mësuar për rabin dhe se i takonte një grupi ekstremistësh farisej, pse të mos mendojmë që ajo që i është “shfaqur” nuk është trillim i tij, apo nuk është vepër e djallit? Bile edhe vetë Pjetri dyshon në sinqeritetin e tij dhe i thotë:
“Sikur çështja të bëhej me iluzion, atëherë pse Mësuesi ynë vite me radhë ka shëtitur me ne? Si t’i besojmë asaj se ai të është paraqituar ty? Ti ishe armiku i tij, derisa ti mendon të kundërtën me të, si ka mundësi të të paraqitet ty? Mirë, ti mendon se me një paraqitje njëorëshe të tij, ke mësuar çdo gjë, je bërë apostull, atëherë tregoji fjalët e tij, mos polemizo me apostujt që kanë qenë bashkë me mësuesin, duaj ata? Nëse ti dëshiron t’i kthehesh të vërtetës, së pari Jezusin mësoje prej nesh dhe bëhu ndihmësi ynë!”. Siç mund të shihet pra, ka ardhur deri te polemika mes Palit dhe apostujve të Jezusit për shkak të mësimeve që shtrembëronte Pali. Bile ky e sulmon Pjetrin të cilin e quan “Kefa” si dhe e akuzon për hipokrizi dhe mashtrimin e Barnabasë: “Kur Kefa erdhi në Antioki i kundërshtova ndër sy haptas, sepse e meritoi dënimin. E njëmend, para se të arrinin disa njerëz prej rrethit të Jakobit, hante bashkë me paganë, por, kur erdhën ata, nisi të tërhiqej e të ndahej, pse i druante të rrethprerët. Pas shembullit të tij shkuan edhe judenjtë e tjerë, kështu që edhe Barnaba u gënjye prej shtirësisë së tyre.” (Gallatasve, 2:11-13)
Shihet qartë që Pali largohej nga mësimet burimore që predikonte Jezusi dhe apostujt e tij, fuste në mësimet e tyre elemente të religjioneve pagane (që i përmend Meti më lartë), prandaj bie në konflikt me dishepujt e Jezusit. Legjitimiteti i Palit si apostull pra është i diskutueshëm.

Respekt!
D.